2 Pita 2:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Donkiba mɨgeir puvatɨ. Ezɨ donkin mam gumazimɨn mɨn mɨgɨa Balamɨn arazir kuraba bagha an atari. Ezɨ arazir kamɨn, donki Godɨn akam inigha izir gumazir kam gamima, a uan arazir onganir a damuasa nɨghnɨzim ataki.

Godɨn Akar Aghuim; Akar Dɨkɨrɨzir Gavgavir Igiam

¹⁶ Ezɨ donkiba mɨgeir puvatɨ. Egha donkin mam gumazimɨn mɨn mɨgei, egha Balamɨn arazir kuraba bagh an atari. Ezɨ arazir kam donki Godɨn akam inigha izir gumazir kam gamima, a uan onganir arazir a damuasa nɨghnɨzim ataki.

2 Pita 2:16 ပူးပေါင်းရင်းမြစ်များ

Aposel 26:11

Egha dughiar avɨriba kɨ God ko mɨgeir dɨpenibar aven ghua, men suigha me mɨsosi. Kɨ kamaghsua, me Iesusɨn ziam akar kurabar a mɨkɨm, egh nɨghnɨzir gavgavim Iesusɨn ikian kogham. Nan navim me bagha puv nan isi, ezɨ kɨ nguibar saghon itibar ghua me gasɨghasɨghasa me buri.”

Luk Osirizir Akar Aghuim 16:11

Egh ia nguazir kamɨn dagɨar kuram deragh an ganan koghtɨma, tina guizbangɨn biziba ia danɨngtɨ ia dar ganam?

Hosea 9:7

God pazɨ ia damuamin dughiam otogha gɨfa. Eghtɨ ia uan arazir kurar amizibar ivezir kuram iniam. Arazir kam otoghamin dughiamɨn, ia Israelia fogham, kar dughiar God ia ikarvaghamim. Ia kamaghɨn na mɨgei, “Akam inigha izir gumazir kam ongani. Gumazir Godɨn Duam itir kam, a nɨghnɨzir aghuiba puvatɨ.” Ia gumazamiziba, ian arazir kuram bar ekefe, kamaghɨn amizɨ, ia bar na gifongezir puvatɨ.

Fofozir Gumazim 9:3

Egh e overiamɨn apengan itir gumazamiziba bar, bizir kurar kamra bar e batifi, a kamakɨn: ovevem. Gumazamiziba nguazimɨn itir dughiamɨn, me fo, me aremegham, egha dughiaba bar ovevemɨn arazim bagha nɨghnɨgha navim osemegha bar onganigha a bagha mɨzuai. Egha gɨn me uaghan ariaghiri.

Fofozir Gumazim 7:25

Kɨ nɨghnɨzir aghuiba ko fofozir aghuibar mɨngaribagh foghasa bar ingangarir dafam gami. Egha uaghan arazir kuraba ko arazir onganibar mɨngaribagh foghasa ingangarir dafam gami.

Onger Akaba 39:11

Nɨ gumazimɨn arazir kuram ikarvagha osɨmtɨzim a ganɨdi. Egha bizir a ifongeziba, nɨ bar dagh asɨghasɨsi, mati barereba ko omebaba da apima da mazava akuaghiri. Bar guizbangɨra, gumazimɨn ikɨrɨmɨrim mati amɨnim varagha ghu. (Ighiam gamua an suiam atugha avughsegha ua ighiam gami.)