2 Korin 7:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Gumazamizir osɨmtɨziba men naviba abɨnigha itiba, God men gɨrakɨrangɨn tuiva navir amɨrizim me ganɨdi. Egha a Taitus amadazɨma, a uam e bagha izezɨma, en navir averiaba bar dera.

Godɨn Akar Aghuim; Akar Dɨkɨrɨzir Gavgavir Igiam

⁶ Gumazamizir osɨmtɨziba men naviba abɨnigha itiba, God men gɨrakɨrangɨn tuiva navir amɨrɨzim me ganɨdi. Egha a Taitus amadazɨma, a uam e bagha izezɨma, en navir averiaba bar dera.

2 Korin 7:6 ပူးပေါင်းရင်းမြစ်များ

2 Korin 7:13

Ezɨ datɨrɨghɨn ian arazir kam e gamizɨ, en navir averiaba amɨraghavɨra iti. En naviba amɨraghɨrɨgh iti, e bar akonge. Ia Taitusɨn akuragha an osɨmtɨziba agɨvazɨ, an navim amɨra. Ezɨ bizir kamɨn e guizbangɨra bar akonge.

Jeremaia 31:13

Eghtɨ dughiar kamɨn guivir igiaba bar akuegh kumatɨzibagh ighiam, eghtɨ gumazir igiaba ko, gumazir ghuriba uaghan bar akuegh kumatɨzibagh ighiam. Kɨ men azir akaba agɨvagh, me damutɨ men naviba bar deragham. Kɨ men navibar itir osɨmtɨzibar amutɨ, da amɨragh ikɨtɨ, me bar akuegham.

1 Tesalonika 3:2

Egha Timoti amadazɨma a ia bagha izi. Timoti a en aveghbuam. Egha a Godɨn ingangarir gumazir Kraisɨn Akar Aghuim akurim. Ga gavgavim ia danɨngɨva, ian nɨghnɨzir gavgavimɨn akurvaghasa anemada.

Aisaia 57:18

“Me amir arazir kuraba, kɨ dar ganigha gɨfa, egh kɨ me gasɨghasɨghan kogham. Puvatɨ. Kɨ men arazir kuraba adeghtɨ, me ua ghuamaghegham. Egh gumazamizir osɨmtɨziba ikiava araiba, kɨ men aku tuavim men akagh me damutɨ, me osɨmtɨzir arazim ataghɨragh, na mɨnabɨ bar akueghamin ighiabar amuam. Kɨ Ikiavɨra Itir God, kɨ kamaghɨn mɨgei, Bar guizbangɨra, nan navir amɨrizim ko dabirabir aghuim, gumazamizir roghɨra itiba ko nguibar saghon itiba baghavɨra iti. Kɨ me damightɨ me ua deraghtɨ, kɨ dughiar aghuim me danɨngam.

Filipai 2:1

Krais ti ian naviba gavgavim dagh anɨdi? A ti bar ia gifuegha ia gamima ia navir amɨrizimɨn iti? Ia ti Godɨn Duam ko poroghav iti? Egha ia ti igharazi darazir apangkuvigha deravɨra me gami? Egh kamaghɨn, ia arazir aghuibar amutɨ, nan agorogem bar izɨvagham. Ia bar nɨghnɨzir vamɨra ikɨ, egh igharaz darazigh ifongezir arazir vamɨran gɨn mangɨ. Ia bar navir vamɨra ikɨva bizir vamɨra bagh nɨghnɨgh.

Akɨnafarir Pol Romɨn Nguibar Ekiamɨn Itir Sios Bagha Osirizim 15:5

Datɨrɨghɨn kɨ ia bagha God ko mɨgɨa ghaze, God uabɨ e gamima, e nɨmɨra ikia osɨmtɨziba atera tugha gavgafi. Egh a ia damutɨ, ia Krais Iesus amizir arazibar gɨn mangɨ, egh tuavir kamɨn ia igharaz darazi ko navir vamɨra ikiam.

Matyu 5:4

Ia datɨrɨghɨn azia itir gumazamiziba, ia bar akuegham. Kamaghɨn ian naviba deragh.

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Jon Osirizir Akar Aghuim 14:16

Eghtɨ kɨ Afeziamɨn azangsɨghtɨ, a gavgavim ia danɨngamin Akurvazir mam ia bagh anemangam. Eghtɨ a ia ko ikɨ mamaghɨra ikiam.

2 Korin 7:7

Taitus ua izezir arazir kamra, God e gamizɨ en naviba derazir puvatɨ. Ia faragha Taitus gamizɨ an navim ian dera, egha a ian arazir kamɨn gun e geghani. Ian arazir kamɨn God uaghan en navibagh amizɨ da dera. Taitus kamaghɨn e mɨgɨa ghaze, ia nan ganasa bar ifongegha, ararer kam ian navir averiabar iti. Egha ia na ko navir vamɨran ikiasa bar puvɨra nɨghnɨsi. Ezɨ kamaghɨn kɨ bar guizbangɨra bar akonge.

2 Korin 7:14

Kɨ faragha ian arazir aghuibar gun Taitusɨn mɨgɨa ian ziaba fe. Egha uan mɨgɨrɨgɨar kamɨn aghumsɨzim inizir pu. Puvatɨ. Akar e ian arazir aghuibar gun mɨkemeziba, da guizbangɨra. Kamaghɨn datɨrɨghɨn Taitus fo, e ian ziaba fer mɨgɨrɨgɨaba, da bar guizbangɨra.