2 Korin 5:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ kɨ mɨkemegha gɨfa, e uan navibar suigha ikia, egha atiatir puvatɨ. E inivafɨzir ghurir kam ategh mangɨ Ekiam ko ikɨ an Nguibamɨn ikiasa bar ifonge. Eghtɨ an Nguibar a itim, guizbangɨra en nguibamɨn mɨn ikiam.

Godɨn Akar Aghuim; Akar Dɨkɨrɨzir Gavgavir Igiam

⁸ Ezɨ kɨ mɨkemegha gɨfa, e uan navibar suigha iti, egha atiatir puvatɨ. E nivafɨzir ghurir kam ategh mangɨ Ekiam ko ikɨ an Nguibamɨn ikiasa bar ifonge. Eghtɨ an Nguibar a itim, guizbangɨra en nguibamɨn mɨn ikiam.

2 Korin 5:8 ပူးပေါင်းရင်းမြစ်များ

2 Korin 5:6

Kamaghɨn e bizir kam gɨnɨghnɨgha tuivigha gavgavighavɨra iti. E fo, e inivafɨzir kam sara ikɨva, Ekiam ko an Nguibamɨn ikian kogham.

1 Jon 3:2

Nan adarasi, e datɨrɨghɨn Godɨn boriba. Egha e fozir puvatɨ, e gɨn manmaghɨn otivam. God bizir kam tɨghar en akagham. E kamaghɨn fo, Krais uamategh nguazir kamɨn izɨtɨ, e uan damazibar deravɨra an ganam. Egh an mɨn otogham.

Jon Osirizir Akar Aghuim 14:3

Kɨ mangɨ ia bagh danganim akɨrigh, ua izɨ ia inigh mangɨtɨ ia na ko ikiam. Egh nguibar kɨ ikiamim, ia uaghan na ko an ikiam.

2 Korin 5:9

Egha e nguibar manamɨn iti, an en nguibam, o Godɨn Nguibam, e zurara kamaghɨn bar ifonge, e arazir aghuir Ekiam ifongezibar amuam.

Onger Akaba 17:15

Eghtɨ kɨrara, kɨ gumazir nɨn damazimɨn derazim, kɨ nɨn guamɨn ganam. Kɨ dakuigh osegh dɨkavigh fogh suam, nɨ na ko iti, egh kɨ bar akuegham.

Onger Akaba 16:11

Nɨ uabɨ ikɨrɨmɨrir aghuarim iniamin tuavim nan akagha gɨfa. Kɨ nɨn damazimɨn ikɨtɨ, nan navir averiam agorogem bar a gizɨvagham. Kɨ nɨn boroghɨra ikɨ zurara bar akueghvɨra ikiam.

Akar Mogomem 22:3

Eghtɨ bizir God bar aghuagha otogheziba uamategh ikian kogham. God ko Sipsipɨn Nguzimɨn atrivir dabirabim, nguibar ekiar kamɨn ikiam. Eghtɨ Godɨn ingangarir gumazamiziba an ingangarim damuam.

Aposel 21:13

Ezɨ Pol me ikaragha kamaghɨn mɨgei, “Ia tizim bagha aziava nan navim gamima a ikufi? Me na ikɨsɨ, a dera. Kɨ uaghan Ekiam Iesusɨn ziam bagh Jerusalemɨn aven aremegham, a dera.”

Jon Osirizir Akar Aghuim 17:24

“Afeziam, gumazamizir nɨ na ganɨngiziba, me na ko nguibar kɨ itimɨn ikiasa kɨ ifonge. Me nan angazangarir ekiam ko nan gavgavimɨn ganasa kɨ ifonge. Dughiar nguazim tɨghar otivam, nɨ na gifonge, egha nɨ angazangarir kam ko gavgavim na ganɨngi.

Luk Osirizir Akar Aghuim 2:29

“Ekiam, kɨ nɨn ingangarir gumazim. Eghtɨ nɨn akurvazimɨn angazangarim, nɨ Kantrin Igharazibar Gumazamiziba me danɨngam. Egh ziar ekiam Israelia danɨngam; me nɨn gumazamiziba. Nɨ gumazamizibar damazibar me bagha akurvazir bizir kam gami. Ezɨ nɨ en akuragh ua e iniamin bizir kam, kɨ uan damazimɨn an ganigha gɨfa. Kamaghɨn amizɨ, nɨ fomɨra mɨkemezɨ moghɨn nɨ na ateghtɨ kɨ mangɨ, navir amɨrizimɨn ikiam.”

Matyu 25:23

Ezɨ an ekiam kamaghɨn a mɨgei, ‘Nɨ ingangarir gumazir aghuim, nɨ ingangarir aghuim gami. Nɨ bizir doziba deravɨra dar gari. Kamaghɨn amizɨ, nɨ ingangarir ekiabar ganasa, kɨ ifonge. Nɨ izɨ, uan ekiamɨn isamɨn aven ikɨ, egh a ko bar akuegham.’

Matyu 25:21

“Ezɨ an ekiam kamaghɨn a mɨgei, ‘Nɨ ingangarir gumazir aghuim, nɨ ingangarir aghuim gami. Nɨ bizir doziba deravɨra dar gari. Kamaghɨn amizɨma, nɨ ingangarir ekiabar ganasa, kɨ ifonge. Nɨ izɨ uan ekiamɨn isamɨn aven ikɨ, egh a ko bar akuegham.’

Aghuzir Akaba 14:32

Gumazamizir kuraba uan arazir kurabar uari, uari gasɨghasɨsi. Ezɨ gumazamizir aghuiba me bizitam bagh nɨghnɨghan kogham. Men ovevemɨn dughiam otoghtɨ, men nɨghnɨzir gavgavim men akuraghtɨ me suam ovevem a pura bizim.

Jon Osirizir Akar Aghuim 12:26

Ezɨ gumazir nan ingangarim damuasa ifongeziba, me nan gɨn izɨ. Egh nguibar kɨ itim, nan ingangarir gumazamiziba uaghan na ko ikiam. Eghtɨ gumazamizir nan ingangarim gamiba, Afeziam ziar ekiam me danɨngam.”