2 Korin 4:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Gumazamizir avɨriba en apanibar itima, God e ataghizir puvatɨ. Me e mɨsogha pazava e gamua, egha bar e gasɨghasɨghizir puvatɨ.

Godɨn Akar Aghuim; Akar Dɨkɨrɨzir Gavgavir Igiam

⁹ Gumazir avɨriba en apanibar iti, ezɨ God e ataghizir puvatɨ. Me e mɨsogha pazava e gami, egha bar e gasɨghasɨghizir puvatɨ.

2 Korin 4:9 ပူးပေါင်းရင်းမြစ်များ

Aisaia 43:2

Ia dɨpar konibagh irɨ mangɨtɨ, kɨ ia ko mangam. Ia faneba abɨgh vongɨn mangɨtɨ, da ia avan kogham. Eghtɨ ia avir ekiar puvɨra isimɨn aven mangɨtɨ, a ian isian kogham.

Maika 7:8

Eghtɨ en apaniba aghumsɨzir akabar e damuan kogham. E guizbangɨra iregha gɨfa, egh e ua dɨkavigh tuivigham. E datɨrɨghɨn amɨnirbɨrimɨn iti, eghtɨ Ikiavɨra Itir God uam angazangarim e danɨngam.

Aghuzir Akaba 24:16

Guizbangɨra, gumazir aghuim dughiar avɨribar daighiri, egha zurara ua dɨkafi. Eghtɨ dughiar kuram gumazir arazir kurabagh amiba batoghtɨ, me bar ikuvigham.

Onger Akaba 42:11

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.

Hibru 13:5

Ia dagɨar avɨriba ikɨsɨ ifueghan markɨ. Ia kamaghɨn nɨghnɨgh, bizir ia itiba, da ian tughatɨzir puvatɨ. Ia fo, God kamaghɨn e mɨkemegha gɨfa: “Kɨ ia ateghtɨ bizitam paza ia damuan kogham. Bar puvatɨ. Guizbangɨra, kɨ ia ateghan kogham.”

2 Korin 7:6

Gumazamizir osɨmtɨziba men naviba abɨnigha itiba, God men gɨrakɨrangɨn tuiva navir amɨrizim me ganɨdi. Egha a Taitus amadazɨma, a uam e bagha izezɨma, en navir averiaba bar dera.

Aisaia 62:4

Eghtɨ gumazamiziba ua kamaghɨn nɨ dɨponan kogh suam, “Ekiam nɨ ategha gɨfa.” Eghtɨ nɨn nguazim gumazamiziba ua kamaghɨn a dɨponan kogham, “Nguazir kam, gumaki, a bar ikuvigha pura iti.” Puvatɨ. Kamaghɨn amizɨ, me kamaghɨn fogham, Ikiavɨra Itir God navir aghuim nɨn ikiava, nɨ bagha bar akonge. Egh me ziar igiam kamaghɨn nɨ dɨpon suam, “God bar a gakonge.” Ezɨ nɨn nguazim mati amizim, an pam uam a inigha, a bagha bar akonge. Eghtɨ nɨn nguazim me kamaghɨn a dɨponam, “An amizir pamɨn itimɨn mɨn iti.”

Onger Akaba 9:10

O Ikiavɨra Itir God, gumazamizir nɨ bagha iziba, nɨ akɨrim giragha me gasir puvatɨ. Kamaghɨn gumazamizir nɨ gɨfoziba, me nɨghnɨzir gavgavim nɨn iti.

Jon Osirizir Akar Aghuim 15:20

Ia akar kɨ ia mɨkemeziba deraghvɨra da gɨnɨghnɨgh, ingangarir gumaziba uan gumazir ekiam gafirazir puvatɨ. Kamaghɨra me paza na gamizɨ moghɨn, me uaghan pazɨ ia damuam. Egh me ti nan akam bareghai, me uaghan ian akam baragham.

Onger Akaba 42:5

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn dera, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.

Onger Akaba 37:28

Ikiavɨra Itir God, an arazir aghuibara ifonge. Kamaghɨn, a uan gumazamiziba me ataghɨrazir puvatɨ. A dughiabar zurara me geghuva arazir aghuibara me gami. Egh a gumazir kurabar boribagh asɨghasɨgham.

Onger Akaba 22:1

O nan God, nan God, nɨ tizim bagha na ataki? Nɨ manmaghsua saghon ikia nan ararem baragha nan akurvaghan aghua?

Jopɨn Akɨnafarim 22:29

Nɨ fo, gumazamizir uan ziaba feba, God me abɨri, egha uari abɨrir gumazamiziba, a men akurvazima, me deravɨra iti.

Onger Akaba 129:2

Nɨ kamaghɨn mɨkɨm suam, “Kɨ uan igiamɨn ikia iza datɨrɨghɨn, nan apaniba arazir kurabar na gami. Me kamaghɨn na gamua egha na abɨrazir puvatɨ.

Habakuk 3:17

Eghtɨ fighɨn temeba ban koghtɨ, wainɨn ikarɨziba, wainɨn ovɨziba dar ituan koghtɨ, olivɨn temeba, ovɨziba dar ituan koghtɨ, azenimɨn dagheba puvatɨghtɨ, sipsipba bar arɨmɨghireghtɨ, bulmakaubar dɨpenim pura ikɨtɨ, eghtɨ kɨrara Ikiavɨra Itir God bagh bar akongegham. Kɨ fo, God, a uamategh na iniam. Kamaghɨn amizɨ, osɨmtɨzir kaba otivamin dughiamɨn, kɨ bar akuegh navir amɨrizimɨn ikiam.

Akɨnafarir Pol Romɨn Nguibar Ekiamɨn Itir Sios Bagha Osirizim 8:35

Krais bar e gifongeghavɨra iti, kamaghɨn amizɨ tina e damutɨ, e Krais e gifongezir arazimɨn saghon ikiam? Puvatɨ. Osɨmtɨziba e bativam, o dughiar kuram e bativam, o gumazamiziba arazir kurabar e damuam o, mɨtiriaba en agham o, bizir daghuamiba puvatɨgham o, bizir kuram e gasɨghasɨgham o, me e mɨsoghtɨ e arɨmɨghiram, bizir kabanang e damutɨ, e ti Krais e gifongezir arazimɨn saghon ikiam, o? Bar puvatɨ.

2 Timoti 3:12

Bar guizbangɨra, gumazamizir Krais Iesus ko ikɨ Godɨn Arazibar gɨn mangasa ifongeziba, me bar, gumazamiziba pazɨ me damuam.