2 Korin 4:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Ezɨ dughiar mabar osɨmtɨzir avɨriba e bativigha, e dɨkabɨrazir puvatɨ. Ezɨ bizir avɨriba en nɨghnɨzibar iza e gamima e okam nɨghnɨsi, da en nɨghnɨziba bar da apɨrizir puvatɨ.

Godɨn Akar Aghuim; Akar Dɨkɨrɨzir Gavgavir Igiam

⁸ Ezɨ dughiar mabar osɨmtɨzir avɨriba e bativigha, egha da e dɨkabɨrazir puvatɨ. Ezɨ bizir avɨriba en nɨghnɨzibar iza e gamima e okam nɨghnɨsi, ezɨ da en nɨghnɨziba bar da apɨrɨzir puvatɨ.

2 Korin 4:8 ပူးပေါင်းရင်းမြစ်များ

2 Korin 12:10

Guizbangɨra, dughiar kɨ gavgaviba puvatɨzim, dughiar kamra kɨ gavgavir bar ekiam iti. Kamaghɨn amizɨ, Kraisɨn ziam bangɨn kɨ gavgaviba puvatɨ, ezɨ gumazamiziba pazavɨra na gamima, osɨmtɨzir avɨriba na bativima gumazamiziba arazir kurabar na gami, ezɨ gumazamiziba bar na gasɨghasɨghasava ami. Ezɨ kɨ arazir kabagh nɨghnɨgha nan navir averiam bar deravɨra uabɨn asugha iti.

2 Korin 7:5

E ghua Masedonian itir dughiam, e avughsasa amuava avenge. Nguibar kamɨn osɨmtɨzir avɨrir maba zurara e isi. Gumazamiziba akabar, e uari batogha uariv gei. Ezɨ atiatir nɨghnɨziba, en navir averiabar aven iti.

Onger Akaba 37:33

Ikiavɨra Itir God gumazamizir aghuiba ataghɨrazima, apaniba me mɨsozi me ariaghirir puvatɨ. Gumazir kuram gumazir aghuim isɨ kot datɨghtɨ, Ikiavɨra Itir God gumazir aghuim ateghtɨ, gumazir kuram kotɨn aven a gafiragh anebɨraghan kogham.

Jon Osirizir Akar Aghuim 14:18

“Kɨ ia ateghtɨ, ia mati borir ameboghfeziaba puvatɨzibar mɨn uarira ikian kogham. Puvatɨ. Kɨ ua ia bagh izam.

1 Korin 10:13

Osɨmtɨzir ia bativiba, da osɨmtɨzir kabanangɨra, gumazamiziba bar me batifi. Ezɨ God uan akar dɨkɨrɨzimɨn gɨn ghua, osɨmtɨzir ian gavgavibagh afirazɨ tam ateghtɨ, a ia batoghan kogham. Osɨmtɨziba ia bativtɨ, God ian akuraghsɨ tuavim damigham. Tuavir kam kamakɨn: a ia damightɨ, ia tuivigh gavgavigham, eghtɨ osɨmtɨzir kam ia abɨraghan kogham.

2 Korin 6:4

E Godɨn ingangarir gumazibar ikia, kamaghɨn zurara uan arazir aghuiba gumazamizibar akakasi. E men aghariba apɨra me mɨgeima me kamaghɨn fo: Osɨmtɨzir e bativiba, ko bizir me bar pazava e gamiba, ko bizir e gasɨghasɨziba, e dar tuivigha gavgavighavɨra iti.

Aghuzir Akaba 14:26

Gumazim Ikiavɨra Itir Godɨn atiating an apengan ikɨ, a tugh gavgavigh, egh bizitamɨn atiatighan kogham, eghtɨ an boriba uaghan deraghvɨra ikiam.

1 Samuel 28:15

Ezɨ Samuel kamaghɨn Sol mɨgei, “Nɨ tizim bagha na gaghura, egha nan diazɨ kɨ dɨkavigha izi?” Ezɨ Sol Samuel ikaragha ghaze, “God na ataghizɨ Filistiaba izɨ na mɨsoghasa, kamagh amizɨ kɨ osɨmtɨzir bar ekiam iti. God ua irebabar na mɨgeir puvatɨ. Egha a uan akam inigha izir gumazibar akatoribar na mɨgeir puvatɨ. Ezɨ kɨ foghasa, kɨ manmaghɨn damuam. Kamaghɨn amizɨ kɨ uabɨn mɨkɨmasa nɨn dia.”

1 Samuel 30:6

Ezɨ Devitɨn gumaziba uan otariba ko guivibagh nɨghnɨgha, bar a basemegha dagɨabar a ginivightɨ an aremeghasava amima, a bar osɨmtɨzir ekiam isi. Egha Devit uan God ko mɨgei, ezɨ Ikiavɨra Itir God, gavgavim an nɨghnɨzim ganɨngi.

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.

1 Samuel 31:4

Kamaghɨn amizɨ, Sol uan gumazir igiar an mɨdorozir biziba aterimɨn diagha ghaze, “Nɨ uan mɨdorozir sabam inigh izɨ na bɨraghtɨma kɨ aremeka. Puvatɨghtɨ, Filistian mɨkarzir mogomebar iniba aghorezir puvatɨzir kaba, izɨ na dɨpov mɨzazim na danɨngɨva na mɨsueghtɨ kɨ aremegham.” Ezɨ gumazir igiar kam bar atiatigha Sol ginivan bar aghua. Kamaghɨn amizɨ, Sol uabɨ uan mɨdorozir sabam asaragha a gaverazɨ, sabam a mɨtɨzɨ an areme.

Onger Akaba 129:2

Nɨ kamaghɨn mɨkɨm suam, “Kɨ uan igiamɨn ikia iza datɨrɨghɨn, nan apaniba arazir kurabar na gami. Me kamaghɨn na gamua egha na abɨrazir puvatɨ.

Aisaia 40:31

Ezɨ gumazamizir nɨghnɨzir gavgavim Ikiavɨra Itir Godɨn ikia, an gavgavim bagha a mɨzua itiba, a gavgavir igiam me danɨngtɨ, me zurara gavgavighvɨra ikiam. Me dɨkavigh deraghvɨra mangam, mati kuarazir bagaba overiamɨn mɨghagha arui. Me ivemar mangɨ, egh avɨghaghan kogham, me daru mangɨ, egh amɨrvaghan kogham.

Habakuk 3:17

Eghtɨ fighɨn temeba ban koghtɨ, wainɨn ikarɨziba, wainɨn ovɨziba dar ituan koghtɨ, olivɨn temeba, ovɨziba dar ituan koghtɨ, azenimɨn dagheba puvatɨghtɨ, sipsipba bar arɨmɨghireghtɨ, bulmakaubar dɨpenim pura ikɨtɨ, eghtɨ kɨrara Ikiavɨra Itir God bagh bar akongegham. Kɨ fo, God, a uamategh na iniam. Kamaghɨn amizɨ, osɨmtɨzir kaba otivamin dughiamɨn, kɨ bar akuegh navir amɨrizimɨn ikiam.

2 Korin 6:12

E uan navibar kuazɨ pu. Puvatɨ. E ia bagha bar ifonge. Ezɨ ia uari uan navibar kumi. Ezɨ navir vamɨran itir arazir kam, en tongɨn itir puvatɨ.