2 Korin 2:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Kamaghɨn amizɨ, ia arazir igharazitamɨn datɨrɨghɨn a damu. Ia an arazir kuraba gɨn amadaghɨva, an gɨrakɨrangɨn tugh, navir amɨrizim a danɨng. Puvatɨghtɨ, osɨmtɨzir bar ekiam gumazir kam dɨkabɨragham.

Godɨn Akar Aghuim; Akar Dɨkɨrɨzir Gavgavir Igiam

⁷ Kamaghɨn amizɨ, ia arazir igharazitamɨn datɨrɨghɨn a damu. Ia an arazir kuraba gɨn amadaghɨva, an gɨrakɨrangɨn tugh, egh navir amɨrɨzim a danɨng. Puvatɨghtɨ, osɨmtɨzir bar ekiam gumazir kam dɨkabɨragham.

2 Korin 2:7 ပူးပေါင်းရင်းမြစ်များ

Efesus 4:32

Egh ia arazir aghuibar Kraisɨn adarazi me damu, men apangkuv. Egh uaghan uari uan arazir kuraba gɨn amang, mati God Kraisɨn ingangarimɨn tuavimɨn, ian arazir kuraba gɨn amadi.

Kolosi 3:13

Egh ian tongɨn tav arazir kuratam igharazitav damightɨma an an osemeghɨva, egh ia zuamɨra uari uarir anɨngaghan markɨ, egh uari uan arazir kuraba gɨn amang. Ia fo, Ekiam ian arazir kuraba gɨn amada, ezɨ kamaghɨra ia uaghan uarira uan arazir kuraba gɨn amang.

Aisaia 28:7

Godɨn ofa gamir gumaziba ko, Godɨn akam inigha izir gumaziba, uaghan wainɨn dɨpaba ko dɨpar onganiba puv da apava onganigha, asaghporaghira nuighnuigha men daroriba derazir puvatɨ. Godɨn akam inigha izir gumaziba, me irebamɨn mɨn garir bizibar ganasa, God men akakazir biziba, me deragha dar garir puvatɨ. Ezɨ Godɨn ofa gamir gumaziba, men nɨghnɨziba derazir puvatɨgha, gumazamizibar osɨmtɨziba deragha da tuisɨzir puvatɨ.

Aghuzir Akaba 17:22

Navir aghuimɨn arazim, a mati marasin aghuim gumazim damutɨ a deraghvɨra ikiam. Eghtɨ gumazimɨn nɨghnɨzim ikuvigham, bizir kam mati arɨmariar kuram an agharibagh asɨghasɨsi.

2 Tesalonika 3:6

En adarasi, en Ekiam Krais Iesusɨn ziamɨn e akar gavgavim mɨgɨa kamaghɨn ia mɨgei, en marazi pura amɨrvagha ikia, akar e ia ganɨngizimɨn gɨn zuir puvatɨ. Ia vaghvagh men saghon ikɨ.

1 Tesalonika 4:13

En adarasi, e kamaghsua, ia bar deravɨra Kraisɨn gumazamizir ovengeziba bativamin bizim gɨfogh. Ia gumazir igharazir nɨghnɨzir gavgavim Godɨn itir puvatɨzibar mɨn pamten osemegh ikian markɨ. Me ua dɨkavamin dughiam mɨzuair puvatɨ.

Filipai 2:27

Guizbangɨra, a faragha arɨa, egha atam aremeghai. Ezɨ God an apangkufi. Ezɨ kɨ fo, osɨmtɨzir bar ekiam na avaraghan God aghua. Kamaghɨn amizɨ, God anarɨram apangkuvir puvatɨ, a uaghan nan apangkufi. Kamaghɨn an a gamizɨma a ua dera.

2 Korin 7:10

E fo, Godɨn otivir osɨmtɨziba ko aghumsɨzir araziba, da gumazamizibagh amima, me uan navibagh iraghɨrasi. Arazir kamɨn God uam en akura. Kamaghɨn, e arazir kam bagh uan navibagh isɨn nɨghnɨzir avɨribara amuan markiam. Ezɨ nguazir kamɨn osɨmtɨziba ko aghumsɨzir araziba, da gumazamizibagh amima ovevem otifi.

2 Korin 5:4

E nguazimɨn purirpenimɨn aven ikiavɨra ikia, osɨmtɨziba atera navim bigha ara iti. Ezɨ da e gamima e uan inivafɨzir ghurir kam ataghɨraghasava amir puvatɨ. E inivafɨzir igiar aghuim a gisɨn aneghuasa ifonge, mati e korotiar igiam ghurim gisɨn anerughtɨma, anagapazagh ganganir bar aghuim damuam. Tuavir kamɨn en inivafɨzir ovengamim, a ua raghɨrɨgh, inivafɨzir angamɨra ikɨvɨra ikiamimɨn otogham.

1 Korin 15:54

E gɨn uan ariaghirir inivafɨzir kuram sueghɨva, uan inivafɨzir ikuvan koghamibar aghuightɨ, dughiar kamɨn Godɨn Akɨnafarimɨn itir mɨgɨrɨgɨam a guizɨn otogham: “God ovevem dɨkabɨragha, a gasɨghasɨgha, bar a gafira.

Aghuzir Akaba 1:12

Me angamɨra ikɨvɨra ikɨ izɨtɨ, e zuamɨram otivighɨva me mɨsoghtɨ me arɨmɨghiregham, mati ovevem gumazamiziba bativi me ariaghira Gumazamizir Oveaghuezibar Nguibamɨn ghuaghiri.

Onger Akaba 21:9

An azenaram otogh izamin dughiamɨn, avim bizibar isia da gevi moghɨn, a me agɨvagham. Guizbangɨra, Ikiavɨra Itir God puv men ataram, mati gumazim bizim tuvaremezɨ a bar iraghuzɨ moghɨn, God me agɨvagham. An anɨngagharim avimɨn mɨn men isi bar me gasɨghasigham.

Onger Akaba 57:3

God uan Nguibamɨn iti, ezɨ kɨ a ko mɨgeir mɨgɨrɨgɨaba, a da baregh nan akuragh ua na iniam. A gumazir na gasɨghasɨghamba abɨnigh egh ua na iniam. (Ighiam gamua an suiam atugha avughsegha ua ighiam gami.) God bar nan apangkuvigha mɨkemezɨ moghɨra, a zurara uan akamɨn gɨn ghua bizibagh ami.

2 Korin 2:8

Kamaghɨn, kɨ ia gakaghora ghaze, ia an akaghtɨ a fogham, ia a gifuegha mamaghɨra iti.