2 Korin 10:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Egha e ifavarir akaba, ko nɨghnɨzir guar avɨriba dɨkabɨri. Nɨghnɨzir kaba, gumazamiziba Godɨn fofozim iniasava amima, da men tuaviba apɨri. Ezɨ e gumazamizibar nɨghnɨziba ikiagharɨsi, mati me gumazir kuram isa kalabus gatɨ. Egh e men nɨghnɨzibar amightɨ, men nɨghnɨziba Kraisɨn akamɨn gɨrara mangam.

Godɨn Akar Aghuim; Akar Dɨkɨrɨzir Gavgavir Igiam

⁵ Egha e ifavarir akaba, ko nɨghnɨzir guar avɨriba dɨkabɨri. Nɨghnɨzir kaba, gumazamiziba Godɨn fofozim iniasava amima, da men tuaviba apɨri. Ezɨ e gumazamizibar nɨghnɨziba ikiagharɨki, mati me gumazir kuram isa kalabus gatɨ. Egh e men nɨghnɨzibar amightɨ, men nɨghnɨziba Kraisɨn akamɨn gɨrara mangasa.

2 Korin 10:5 ပူးပေါင်းရင်းမြစ်များ

Hibru 4:12

Godɨn Akam an angamɨra ikia, egha pamtemɨn ingara iti. A bar ghumigha, mɨdorozir sabar ghumtɨzir pumuning itim gafira. Ezɨ akar kam, sabar ghumtɨzimɨn mɨn, a bar gumazimɨn namnam okoregha bar aven ghua, duam ko navir averiam uaning bativi naghɨn oto, egha uaghan aghariba uari isasuirazir naghɨn, ko agharibar aven itir ovim, aning uaning bativi naghɨn oto. Egha a bar en nɨghnɨziba ko en navir averiabar aven itir ifongiabagh fogha da tuisɨsi.

Aisaia 55:7

Eghtɨ gumazamizir arazir kurabagh amiba uan arazir kuraba ategh, uam adar amusɨ nɨghnɨghan kogham. Egh me uamategh Ikiavɨra Itir God, en God, a bagh izɨtɨ, a men apangkuvigh men arazir kuraba gɨn amangam.”

Akɨnafarir Pol Romɨn Nguibar Ekiamɨn Itir Sios Bagha Osirizim 7:23

Kamaghɨn, kɨ arazir igharazimɨn garima, a nan mɨkarzimɨn aven ingari. Egha Godɨn mɨgɨrɨgɨar nan nɨghnɨzimɨn aven itibav sosi. Arazir igharazir kam, na gamima, Moses Osirizir Arazibar otozir arazir kuram, a nan mɨkarzimɨn aven ingara na ikiagharigha na gatifa.

Matyu 15:19

Kɨ gumazamizibar nɨghnɨzibar otivir bizir kabav gei, nɨghnɨzir kuraba, ko gumazibav soagharɨzir araziba, ko gumazamiziba tintinibar uari isava akuir araziba, ko poroghamiba uari bakeir araziba, ko okɨmakɨar araziba, ko kotiabar gumazamizibagh ifarir araziba, ko gumazamizibar ziabagh asɨghasɨzir araziba.

Akɨnafarir Pol Romɨn Nguibar Ekiamɨn Itir Sios Bagha Osirizim 1:21

Me God gɨfogha kamaghɨn nɨghnɨzir puvatɨ, “A guizbangɨra God.” Egha an ziam fan aghua. Egha a mɨnabir pu. Puvatɨ. Men nɨghnɨziba onganizɨ moghɨn itima, me fofozir aghuiba puvatɨzɨ, mɨtatem men nɨghnɨziba avaragha dagh izɨfa.

1 Korin 3:19

Guizbangɨra, nguazir kamɨn fofozir aghuim, a Godɨn damazimɨn mati arazir onganim. Godɨn Akɨnafarim kamaghɨn mɨgei, “Gumazamizir maba paza gumazamizir igharazibar amuasa, arazir avɨribagh nɨghnɨsi. Ezɨ God gumazamizir kabar arazibagh amima, da meraram asɨghasɨsi.”

Jeremaia 4:14

O Jerusalemia, ia manadɨzoghɨn uan navir averiamɨn aven itir nɨghnɨzir kuraba batuegham? Ia bar uan arazir kuraba batuegh zueghtɨ, Ikiavɨra Itir God, ian akuragham.

Onger Akaba 139:2

Nɨ nan saghon ikia nan nɨghnɨziba ko, kɨ amir biziba ko, kɨ apia dɨkavir araziba, nɨ bar dagh fo.

1 Korin 1:19

Godɨn Akɨnafarim kamaghɨn mɨgei: “Kɨ gumazir nɨghnɨzir aghuiba me ganɨdibar fofoziba adegham, egh kɨ men fofozir gumazibar fofoziba bar da agɨvagham.”

Aghuzir Akaba 15:26

Ikiavɨra Itir God, gumazamizir kurabar nɨghnɨzir kuraba, a bar dar aghua. Ezɨ Godɨn damazimɨn zuezir gumazamizibar akar aghuiba, God da bagha bar akonge.

Onger Akaba 10:4

Gumazir kuram ifaghata ghaze, kɨ bar bizibagh fo. A ghaze, kɨ nɨghnɨzir aghuir avɨriba iti. Egha God gɨnɨghnɨzir puvatɨ. A ghaze, “God, arazir kurar kɨ amibar gari puvatɨ. A nan arazir kaba ikaraghan kogham.”

Hibru 5:9

Egha a uan ingangarir a damuamiba, a bar da gɨfa. Ezɨ God anemɨsevegha ghaze, “Nɨ Ofa Gamir Gumazibar Dapanimɨn ikiam, egh Melkisedekɨn mɨn ikiam.” Ezɨ a gumazamizir an akam baragha an gɨn zuiba, a men Akurvazir Gumazimɨn oto. Egh a men akurvaghtɨ me deravɨra ikɨ mamaghɨra ikiam.

1 Pita 1:22

Ia guizɨn akam baregha an gɨn zui, egha arazir kamɨn ia Godɨn damazimɨn zue. Egha ia uaghan Godɨn gumazamiziba guizbangɨra me gifonge. Egh datɨrɨghɨn ia bar me gifueghɨva, bar uan naviba isɨva me danɨngigh.

Esekiel 17:24

Eghtɨ nguazir kamɨn itir temeba, me bar kamaghɨn fogh suam, kɨ Ikiavɨra Itir God. Kɨ temer ruariba otima, da uaghiri, egha temer igiabagh amima, da aghua ghuavanadi. Kɨ temer dafarir angamtɨzibagh amima, da mɨdɨi. Egha temer dafarir mɨdiaribagh amima, dar dafariba angamɨra iti. Kɨ Ikiavɨra Itir God, kɨ mɨkemegha gɨfa, egh kɨ mɨkemezɨ moghɨn, kɨ biziba bar dar amuam.”

2 Tesalonika 2:8

Egh Godɨn Araziba adoghodozir gumazir kam dughiar kamɨn azenim giram. Eghtɨ Ekiam Iesus uan akamɨn a giveragh a mɨsueghtɨma an aremegham. Ekiam uan angazangarim ko gavgavir ekiam sara izɨva, uan angazangarim ko gavgavir kamra a gumazir kam bar a gasɨghasɨgham.

Aghuzir Akaba 24:9

Gumazamizir nɨghnɨzir aghuiba puvatɨziba, me arazir derazir puvatɨzibar amuasa nɨghnɨsi, ezɨ arazir kaba bar arazir kuraba. Ezɨ gumazamiziba, dɨbovir akabav geir gumazimɨn gara ghaze, a gumazir kuram, e bar an aghua.

Luk Osirizir Akar Aghuim 1:51

A uan dafarimɨn bizir bar gavgavibagh ami. Gumazamizir uarira uan ziaba feba, a men agɨrazɨ me are.

2 Tesalonika 2:4

Bizir gumazamiziba ziaba feba ko dar bora ghaze men godba o men aseba, a dar apanimɨn ikiam. Egh a uabɨra uan ziam fɨva egh a bizir kaba bar da dɨkabɨragham. Egh a Godɨn Dɨpenimɨn aven daperagh ikɨva kamaghɨn mɨkɨmam, “Kɨ uabɨra God.”

Daniel 4:37

Egha datɨrɨghɨn kɨ Nebukatnesar, kɨ Atrivir Uan Nguibamɨn Itim bagha bar akonge, egha an ziam fa ziar ekiam a ganɨdi. Kɨ fo, bizir ana amiba bar voroghɨra ikia bar dera. Egha a gumazir uan ziaba feba da dɨkabɨri.

Aisaia 59:7

Ia zuraram arazir kuram damuasa bar ifonge. Egha ia zurara atamra ghua gumazamizir arazir kurabagh amir puvatɨzibav sozi, me ariaghiri. Ia bizir kurabara damuasa nɨghnɨsi. Egha ia gumazamizibar ikɨrɨmɨrim gasɨghasɨghasava arua bizibagh ami.

Aisaia 2:17

Ikiavɨra Itir God otivamin dughiamɨn, a gumazamizir uarira uari feba bar me abɨragham, eghtɨ me bar aghumsigham. Eghtɨ marvir guaba uaghan bar gɨvagham. Eghtɨ Ikiavɨra Itir God uabɨra dughiar kamɨn ziar ekiam iniam.

Godɨn Araziba 15:9

Ia kamaghɨn pazɨ nɨghnɨghan markɨ, biziba ikarvaghamin azenim a roghɨra izegha gɨfa, egh uan namakamɨn akurvaghsɨ uan biziba mɨghɨn dar suighan markɨ. Egh ia dagɨaba a danɨngan aghuaghtɨ, gumazir kam ian arazir kam bagh Ikiavɨra Itir God ko mɨkɨmɨva arangtɨ, ia Godɨn damazimɨn osɨmtɨzim ikiam.

2 Korin 9:13

Ingangarir ia amua men akurvazir kam, a ian arazir aghuim bar azenaram anekagham. Eghtɨ me fogh suam, ia Kraisɨn Akar Aghuim guizɨn a inigha, deraghavɨra an akamɨn gɨn zui. Eghtɨ me bizir avɨrir ia me ganɨngiziba, ko bizir ia gumazamizir igharazibagh anɨngiziba uaghan dar gan, egh Godɨn ziam fam.

2 Atriviba 19:22

Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!

Akɨnafarir Pol Romɨn Nguibar Ekiamɨn Itir Sios Bagha Osirizim 1:5

God kamaghɨn ifonge, Kantrin Igharazibar Gumazamizir maba, nɨghnɨzir gavgavim Iesusɨn ikɨva an akamɨn gɨn mangam. Kamaghɨn God, Krais Iesusɨn ingangarimɨn tuavimra, a en apangkufi. Egha God, Krais bagha, aposelɨn ingangarim damuasa e atɨ.

Aisaia 60:14

Egha fomɨra paza nɨ gamua bar nɨ gifongezir puvatɨzir darasi, men ovavir boriba uan dapaniba avigh nɨ bagh izɨ, nɨn apengan ikiam. Egh me nɨn suemɨn boroghɨn, uan teviba apɨrigh, nɨn ziam fam. Egh me kamaghɨn nɨ dɨponam, ‘Ikiavɨra Itir Godɨn Nguibar Ekiam’ ko, ‘Saion, Israelɨn Godɨn Bar Zuezimɨn Nguibar Ekiam.’

2 Atriviba 19:28

Nɨn anɨngagharir akar nan itiba ko, nɨ uabɨra uabɨ feir arazim, kɨ bar dagh fo. Ezɨ kɨ datɨrɨghɨn akezim isɨ nɨn atinim darugh, egh ainɨn otevir me hosɨn akam gazuim, isɨ nɨn akam darugham. Egh nɨ amɨkɨrɨgh tuavir nɨ uan nguibamɨn ikegha izezim, uam an mangɨgham.’ ”

1 Pita 1:2

God kamaghɨn ifonge, ia Krais Iesusɨn akam baraghtɨ, an ghuzim ia rueghtɨ ia Godɨn damazimɨn zuegham. God Afeziam fomɨra ia gɨfo, egha ia mɨsevezɨ ia an gumazamizibar otifi. Godɨn Duam ia gamizɨma ia an gumazamizibar otifi, tuavir kamɨn a ia mɨsefe. Ezɨ God bar ian apangkuvigha ia gamima ia navir amɨrizimɨn iti.

Onger Akaba 18:27

Gumazamizir uari abɨriba, nɨ men akurvasi. Gumazamizir uari pɨrafiba, nɨ me abɨri.

Jopɨn Akɨnafarim 42:6

Kamaghɨn amizɨ, kɨ uan mɨgɨrɨgɨaba ko uabɨra uabɨn aghumsɨki. Egha datɨrɨghɨn nguazir mɨnemeniam ko averenim gaperaghav iti, nan arazir kam kamaghɨn nɨn akagham, kɨ navim giragha gɨfa.”

Onger Akaba 18:44

Kantrin Igharazibar Gumazamiziba kamaghɨn na baregha zuamɨra iza, nan guamɨn uan teviba apɨrigha nan akam barasi.

Ua Me Ini 5:2

Ezɨ atrivim ghaze, “Ikiavɨra Itir God, a tina? Kɨ tizim bagh a baregh Israelia ateghtɨ me mangam? Kɨ Ikiavɨra Itir God gɨfozir puvatɨ, kamaghɨn kɨ Israelia ateghtɨ me mangɨghan kogham.”

Jenesis 8:21

Ezɨ Ikiavɨra Itir God Noa amizir mughuriar aghuim zuir ofa bagha bar ifuegha ghaze, “Kɨ ua gumazamizibar arazir kuraba bagh nguazim gasɨghasɨghan kogham. Guizbangɨra, gumazamiziba boribar mɨn ikia ghua asangizir dughiamɨn, me bar arazir kuram damuamin nɨghnɨziba iti. Ezɨ bizir kam bagha, kɨ biziba bar dagh asɨghasɨki. Egh kɨ dughiar kamɨn amizir arazir kamɨn mɨrara, uamategh angamɨra itir biziba bar dagh asɨghasɨghan kogham.

Jeremaia 23:29

Kɨ Ikiavɨra Itir God, kɨ guizbangɨra mɨgei, nan akam mati avim. Egha mati haman ekiam, a dagɨaba bɨgha dagh amima, da mɨnemɨniar kɨniba iri.

2 Korin 11:20

Bar guizbangɨra, gumazitam ia gativaghtɨ, ia mati kalabuziar gumazamizibar mɨn ikiam, o a ian biziba bar ada gɨvagham, o a ia gifar ia isɨ uan gavgavimɨn apengan darɨgham, o a uabɨ uabɨ damigh gumazir ekiamɨn mɨn ikiam, o a ian tav akar kurabar a damuva, an guam apezegham. Eghtɨ gumazir arazir kabar ia gamiba, ia uari men amamangatɨghtɨ, me uari ifongezɨ moghɨn ia damuam.

Filipai 4:7

Eghtɨ kamaghɨn God ia damutɨ ia navir amɨrizimɨn ikiam. Egh ia Krais Iesus ko porogh deragh ikiam, eghtɨ tuavir kamɨn Godɨn navir amɨrizim deravɨra ian naviba ko nɨghnɨzibagh eghuvtɨ da bar deravɨra ikiam. God navir amɨrizir e ganɨngizir kam, a bar bizir aghuim, ezɨ navir amɨrizir kam gumazibar fofozim bar a gafira.