2 Korin 1:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ God kamaghɨn ifonge, an en gɨrakɨrangɨn tuiva navir amɨrizim e ganɨdi moghɨn, e gumazamizir osɨmtɨzir avɨriba ateritabar gɨrakɨrangɨn tuiva navir amɨrizim me danɨngam. Kamaghɨn, osɨmtɨziba e bativir dughiabar, an en gɨrakɨrangɨn tuiva navir amɨrizim e ganɨdi.

Godɨn Akar Aghuim; Akar Dɨkɨrɨzir Gavgavir Igiam

⁴ God kamaghɨn ifonge, an en gɨrakɨrangɨn tuiva navir amɨrɨzim e ganɨdi moghɨn, e gumazir osɨmtɨzir avɨriba ateritabar gɨrakɨrangɨn tuiva navir amɨrɨzim me danɨngam. Kamaghɨn, osɨmtɨziba e bativir dughiabar, an en gɨrakɨrangɨn tuiva navir amɨrɨzim e ganɨdi.

2 Korin 1:4 ပူးပေါင်းရင်းမြစ်များ

1 Tesalonika 5:11

Kamaghɨn, ia uari vaghvagh akar aghuibar uariv kɨm egh gavgavim uari danɨng, mati ia datɨrɨghɨn ami mokɨn.

Aisaia 51:12

Ezɨ Ikiavɨra Itir God kamaghɨn uan gumazamiziba mɨgei, “Kɨ uabɨ, kɨ gavgavim ian navibagh anɨga, ian osɨmtɨzibagh ami da gefi. Kamaghɨn amizɨ, ia tizim bagha gumazamizir igharazibar atiati? Me gavgaviba puvatɨ. Gumazamiziba bar zuamɨra arɨmɨghiregh, mati ogheba zuamɨra mɨsɨngi.

Aisaia 40:1

Ian God ghaze: “Ia gavgavim isɨ nan gumazamizibar anɨngtɨ, me navir amɨrizimɨn ikɨ.

Onger Akaba 32:7

Nɨrara nan mogomer danganim, kɨ nɨn aven modima osɨmtɨziba na abɨrir puvatɨ. Kɨ osɨmtɨzibar aven itima, nɨ na ekɨarugha nan akurvasi. Kamaghɨn kɨ pamten dia ighiabagh amua nɨn ziam fe. (Ighiam gamua an suiam atugha avughsegha ua ighiam gami.)

Hibru 12:12

Eghtɨ ian aghariba gavgaviba puvatɨgh egh amɨragh ikɨtɨ, ia da fegh ingangarim damu. Eghtɨ ian sueba aremegh pura ikɨtɨ,

Jon Osirizir Akar Aghuim 14:18

“Kɨ ia ateghtɨ, ia mati borir ameboghfeziaba puvatɨzibar mɨn uarira ikian kogham. Puvatɨ. Kɨ ua ia bagh izam.

Jon Osirizir Akar Aghuim 14:16

Eghtɨ kɨ Afeziamɨn azangsɨghtɨ, a gavgavim ia danɨngamin Akurvazir mam ia bagh anemangam. Eghtɨ a ia ko ikɨ mamaghɨra ikiam.

Aisaia 12:1

Eghtɨ gɨn izamin Dughiam otoghtɨ, ia Israelia kamaghɨn igham damuam: “O Ikiavɨra Itir God, kɨ nɨn ziam fe. Nɨ nan anɨngaghe, ezɨ nɨn anɨngagharim gɨfa, ezɨ nɨ bar deraghavɨra nan asughasugha gavgavim na ganɨdi. Ezɨ datɨrɨghɨn nan navim deraghavɨra iti.

Jon Osirizir Akar Aghuim 14:26

Ezɨ Gavgavim ia Danɨngamin Akurvazir Gumazim, a Godɨn Duam. Ezɨ nan ziamɨn, Afeziam anemadaghtɨ a izam. A biziba bar ian sure damuam. Eghtɨ akar kɨ ia mɨkemeziba, a ian sure damutɨ ia uam a dagh nɨghnɨgham.

Aisaia 52:9

Ia Jerusalemɨn nguibar apaniba asɨghasɨghizimɨn gumazamiziba, ia kamaghɨn fogh, Ikiavɨra Itir God uan gumazamizibar osɨmtɨziba agɨvagha gavgavim isa me ganɨngi. A Jerusalemɨn nguibamɨn itir gumazamiziba ua me ini. Kamaghɨn amizɨ, ia bar akuegh pamten dɨmɨva onger akabar amu.

Onger Akaba 32:5

Datɨrɨghɨn kɨ uan arazir kuraba bar dar gun Ikiavɨra Itir God mɨkemezɨ, an ada gɨn amadagha gɨfa. Egha kɨ uan arazir kuratam modozir puvatɨ, kɨ bar da aghurigha nɨ mɨkeme. (Ighiam gamua an suiam atugha avughsegha ua ighiam gami.)

1 Tesalonika 4:18

Egh ia akar kam Godɨn gumazamizir igharazibav kɨm, egh gavgavim uari danɨng.

2 Korin 7:13

Ezɨ datɨrɨghɨn ian arazir kam e gamizɨ, en navir averiaba amɨraghavɨra iti. En naviba amɨraghɨrɨgh iti, e bar akonge. Ia Taitusɨn akuragha an osɨmtɨziba agɨvazɨ, an navim amɨra. Ezɨ bizir kamɨn e guizbangɨra bar akonge.

Aisaia 51:3

“Kɨ Ikiavɨra Itir God, nguibar datɨrɨghɨn ikuvigha itir kam Saionɨn, kɨ bar an apangkufi. Egh kɨ an osɨmtɨziba, bar dar amightɨ da gɨvagham. A datɨrɨghɨn mati gigir kɨnimɨn mɨn iti, eghtɨ, kɨ bizir avɨrir bar aghuibar amutɨ da a bativightɨ, an azenir kɨ Idenɨn ingarizimɨn mɨn gan bar deragh gan ikiam. Eghtɨ bar akongezir arazim bar a gizɨvaghtɨ, an itir gumazamiziba zurara ighiar na mɨnabibar amu ikiam.

Onger Akaba 86:17

O Ikiavɨra Itir God, Nɨ bizitam damightɨ an otogh, nan akaghtɨ kɨ fogh suam, nɨ bar na gifonge. Eghtɨ nan apaniba uaghan ganigh fogham, nɨ nan akuragha gavgavim na ganɨngi. Kamaghɨn, me uan arazir kurar me amizir kam gɨnɨghnɨgh, bar aghumsigham.

Onger Akaba 66:16

Ia gumazamizir Godɨn atiatia an apengan itiba, ia izɨ nan akam baragh. God nan akurvaghasava amizir biziba, kɨ dar gun ia mɨkɨmam.

Aisaia 49:10

Gumazir men apangkuvim bar deravɨra men ganam, mati gumazir sipsipbar garim, sipsipba inigha ogher avɨriba itir danganim ko dɨpar aghuiba itir danganim bagha me inigha zui. Kamaghɨn me dɨpam ko daghebar oteveghan kogham, eghtɨ amɨnir fefem ko aruer dafam men mɨkarzibar apongan kogham.

Filipai 1:14

Ezɨ en adarazir avɨriba oraki, kɨ kalabusɨn iti, ezɨ me na gɨnɨghnɨsi. Ezɨ bizir kam gavgavim men navibagh anɨdima me nɨghnɨzir gavgavim Ekiamɨn iti. Egha me atiatir arazim ataghɨragha bar gavgavigha Godɨn akam akura ghuavɨra iti.

2 Korin 7:4

Kɨ kamagh fogha bizitam modozir puvatɨ. Kɨ bighɨvɨra ia mɨkɨmam, nan navim bar amɨraghɨrɨzɨ, kɨ ia bagha bar akonge. Osɨmtɨziba guizbangɨra e batifi, ezɨ da pura biziba. E ia gɨnɨghnɨsi, ezɨ bizir kam e gamizɨ, en naviba ia bagha bar akueghavɨra iti.