1 Samuel 7:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Samuel ofan bar isia mɨghɨrim gamuavɨra itima, Filistiaba mɨdorozim forasa roghɨra ize. Ezɨ Ikiavɨra Itir God Filistiabagh isɨn, overiamɨn ararim gamizɨ, a bar pamtem dagarazɨ, men nɨghnɨziba onganizɨ me tintinibar arima, Israelia men gani.

1 Samuel 7:10 ပူးပေါင်းရင်းမြစ်များ

1 Samuel 2:10

“Ikiavɨra Itir God uan apaniba bar me gasɨghasigham. A uan Nguibamɨn ikia arariba dagarvazi moghɨn a me dagarvasi. Ikiavɨra Itir God nguazimɨn mɨkebaba bar dar itir gumazamiziba, a bar me akuvagh kotiamɨn men araziba tuisɨgham. Egh a gavgavim isɨ uan atrivir a inabazim danigham, eghtɨ gumazamiziba bar, men tongɨn, atrivir kam ziar ekiam iniam.”

1 Samuel 12:17

Ia fo, kar witɨn ovɨzir aniziba aghoramin dughiam, ezɨ kar amozimɨn dughiam puvatɨ. Kɨ datɨrɨghɨn Ikiavɨra Itir God ko mɨkɨmtɨ, an ararim ko amozim damutɨ, ararim dagaraghtɨ, amozim arigham. Eghtɨ ia ganigh fogh suam, ia arazir bar kuramɨn Ikiavɨra Itir Godɨn damazimɨn a gamigha, uari bagh atrivitam amɨsɨvasa an azara.”

Gumazir Dapaniba 5:20

Overiamɨn itir mɨkoveziba uaghan mɨsosi. Da pɨn overiamɨn uan tuavimɨn ghua, Sisera ko mɨsosi.

Josua 10:10

Dughiar kamɨn Israelian mɨdorozir gumaziba izima, Ikiavɨra Itir God, Amoria gamizɨ, me atiatigha okam nɨghnɨgha tintinibar ari. Ezɨ Israelia Gibeonɨn nguibamɨn, Amorian avɨrim mɨsoghezɨ me ariaghire, egha bar men gɨntɨgha ghua Bethoronɨn nguibamɨn boroghɨn mɨghsɨamɨn zuir tuavimɨn ghuavanabo. Me puv me mɨsogha ghua sautɨn amadaghan Aseka ko Makedan nguibamningɨn tu.

Sekaraia 4:6

Ezɨ ensel Ikiavɨra Itir Godɨn akam, gavmanɨn gumazir dapanim Serubabel danɨngasa, kamaghɨn na mɨgei, “Kar, Ikiavɨra Itir Godɨn Gavgaviba Bar Itimɨn akam: Nɨ ingangarim damusɨ, nɨ uan mɨdorozir gumazibar gavgavim ko, nɨ uan gavgavimɨn amodoghɨn bizibar amuam markɨ. Bar markɨ. Nan Duamɨn gavgavim nɨ ko ikɨtɨ, nɨ gavgavir kamɨn amodoghɨn ingangaribar amuam.

Gumazir Dapaniba 5:8

Ezɨ Israelia aser igiabar gɨn zuir dughiamɨn, mɨdoroziba me batifi. Israelia mɨdorozir gumazir 40,000pla iti, egha me bar moghɨra mɨsoghamin oraba ko afuziba puvatɨ.

Gumazir Dapaniba 4:15

Barak uan mɨdorozir gumaziba ko ghua otogha mɨdorozim forezir dughiam, Ikiavɨra Itir God men damazimɨn Sisera gamizɨ, an ainɨn karisba ko mɨdorozir gumaziba bar ongani. Ezɨ Sisera uan karis ategha uan suemningɨn arav ghu.

1 Samuel 7:11

Egha Israelian gumaziba Mispa ategha, Filistiabar agɨragha tuavimɨn men avɨrim mɨsozi me ariaghire, egha me ghua Betkarɨn nguibamɨn boroghɨn oto.

1 Samuel 14:15

Ezɨ Filistian mɨdorozir gumazir uan averpenibar itiba ko, mɨdorozir gumazir nguibabagh arua mɨsoziba ko, Filistian igharaziba bar, mɨdorozir eghaghanir kam baregha nɨgha bar atiatingi. Ezɨ mɨkɨmkɨzim nguazimɨn oto. Ezɨ Ikiavɨra Itir God Filistiabar nɨghnɨzibagh amizɨ da ikuvizɨ me tintinibar are.

Onger Akaba 29:3

Ikiavɨra Itir Godɨn tiarim ongaribagh isɨn izima, da bar a barasi. Godɨn Gavgavir Bar Ekiam Itim, araribar mɨn pamten dagarvasi. An akam ongarimɨn danganiba bar dagh isɨn pamten dagarvagha da avara.

Onger Akaba 29:4

Ikiavɨra Itir Godɨn dagarvaziba gavgaviba dar iti. A dagarvazima, gumazamiziba a baragha an atiatia an ziam fe.

Godɨn Araziba 28:7

“Ikiavɨra Itir God, apanir ia mɨsoghsɨ izamiba, a ian damazimɨn me dɨkabɨnam. Me tuavir vamɨran izeghɨva ua tuavir avɨribar tintinibar aregham.

Onger Akaba 18:15

O Ikiavɨra Itir God, nɨ men atarir adarir kam, mati amɨnir ekiam nɨn atinimɨn otogha me gɨva me munamadi. Nɨn adarir kam ongarim gamizɨ, a bar mɨsɨngi, ezɨ bizir nguazir mɨngarimɨn suiraziba bar azenim gire.

Onger Akaba 78:66

A uan apanibav sogha me abɨnigha men agɨntɨghizɨ me ghuegha, aghumsɨzir dafam isa kamaghɨra iti.