1 Samuel 5:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egha amɨmzaraghan bar mɨzaraghara, Asdotɨn gumazamiziba osegha dɨkavigha garima, Dagonɨn marvir guam Ikiavɨra Itir Godɨn Boksiamɨn boroghɨn ira fuagha guam nguazim mɨsoke. Kamaghɨn amizɨ, me Dagon inigha uam an danganimɨn anesara.

1 Samuel 5:3 ပူးပေါင်းရင်းမြစ်များ

Aisaia 19:1

Isipia bar ikuvighasa, Ikiavɨra Itir God akar kam me bagha an anɨngi. “Ia gan! Ikiavɨra Itir God ghuariam gisɨn aperaghav ikia, ivegha akɨgha Isipɨn kantrin izi. A izɨ otoghamin dughiamɨn, Isipian aseba, bar puvɨra nɨghtɨ, Isipian gumazamiziba bar puvɨram atiatingɨva, gavgaviba amɨragh magɨrɨgh bar gɨvagham.”

Aisaia 46:7

Egh me marvir guar kam uan dɨpɨzibar afegh, aneter mangɨ, danganir me anesasa dɨkɨrɨzimɨn anesaraghtɨ, a mɨtɨghiv ikiam. Marvir guar kam uabɨ daru danganir igharazimɨn mangan kogham. Kamaghɨn amizɨ, a danganir me anetɨzir kamra iti. Egh gumazir an deibar dɨmdiaba ikarvaghan koghɨva, egh dughiar kurabar men akurvaghan kogham. Bar puvatɨ.

Sefanaia 2:11

Ikiavɨra Itir God me damutɨ, me puvɨram atiatingam. Kantriba bar, a men asebar amutɨ da pura bizir kɨnibar mɨn otivam. Eghtɨ gumazamizir ongarimɨn mɨriamɨn itiba ko, gumazamizir ongarir arighatɨzimɨn itiba, me uan nguibabara ikɨva uan teviba apɨr dapaniba avighɨva an ziam fam.

Mak Osirizir Akar Aghuim 3:11

Iesus me mɨgeima, duar kuraba apazazir gumazir maba iza, Iesusɨn gara duar kuraba zuamɨra me gamima me Iesusɨn guamɨn daighira kamaghɨn dɨa mɨgei, “Nɨ Godɨn Otarim.”

Jeremaia 10:8

Gumazir kaba bar fofoziba puvatɨgha bar ongani. Marvir guar me temebar dɨkɨrigha arɨghizir kaba, pura biziba, da fofozir aghuir manatam me danɨngam? Bar puvatɨ.

Aisaia 41:7

Egha me asebar marvir guabar ingari. Gumazir dɨgɨribagh amiba, golɨn bizibar ingarir gumazibav gɨa ghaze, Ia ingangarir bar aghuimram ami. Ezɨ golɨn mɨsogha anekɨri gumaziba, kamaghɨn ainɨn bizibar ingarir gumazibav gei, Aia, ia bar deravɨram ada isavsuiki. Egha me gɨn da iran atiatigha, dɨkonibar dagh afughafuki.

Aisaia 40:20

Gumazamizir onganarazibagh amiba, me temer aghuir bar gavgavir zuamɨra kurighan koghamiba amɨsefi. Egha gumazir dɨgɨriba deragha dagh amiba me mɨgei. Ezɨ me me bagha asebar marvir guaba temebar dar aghori. Gumazir kam bar deravɨra marvir guar kam tememɨn aneghoreghtɨ, a tugh gavgavigh ikɨ irɨghan kogham.

Onger Akaba 97:7

Gumazamizir marvir guabar ziaba feba bar aghumsɨki. Aseba teviba apɨrigh Ikiavɨra Itir Godɨn ziam fam.

Ua Me Ini 12:12

“Eghtɨ dɨmagarir kamra, kɨ Isipɨn danganiba bar dar mangɨ, gumazamizibar otarir ivariaba ko asɨzibar apurir ivariaba, kɨ dav soghtɨ me bar arɨmɨghiregham. Eghtɨ Isipɨn aseba bar, kɨ ivezir kuraba me danɨngam. Guizbangɨra, kɨ uabɨ Ikiavɨra Itir God.

1 Samuel 6:1

Ikiavɨra Itir Godɨn Boksiam 7plan iakɨnibar Filistian nguazimɨn ike,

1 Atriviba 18:26

Ezɨ asem balɨn akam inigha izir gumaziba, bulmakaun gumazamiziba inigha izezir kamningɨn mam ini. Egha ofa damuasa bizibar kɨri. Egha me mɨzaraghara asem Bal ko mɨgɨa, an dɨa ghua aruer arɨzimɨn tu. Me kamaghɨn dɨa mɨgɨa ghaze, “Bal, nɨ en dɨmdiam baraghasa e ifonge.” Ezɨ me dɨa mɨgeir mɨgɨrɨgɨabar ikarvaziba pu. Bar puvatɨ. Me onger akaba banga, igha uari akura ofa gamir dakozir gumaziba ingarizir kam gighuagha rui.

Onger Akaba 115:7

Da dafariba ikia, bizibar suizir pu. Da sueba ikia, egha aruir puvatɨ. Da akaba akartɨ tiariba puvatɨgham.