1 Samuel 31:8 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁸ Mɨdorozim gɨvazɨ, amɨmzaraghan Filistiaba uamategha iza, Israelian ariaghirezibar kuabar korotiaba suva, men biziba iniasa izi. Egha me garima, Sol uan otariba ko, men kuaba Gilboan mɨghsɨamɨn ireghav iti.

1 Samuel 31:8 ပူးပေါင်းရင်းမြစ်များ

2 Eghaghaniba 20:25

Ezɨ Atrivim Jehosafat uan adarazi ko, gumazir kuar kabar tongɨn ghua garima, bizir bar avɨriba iti. Ezɨ me dagheba ko korotiaba ko bizir bar aghuir avɨrir maba ini. Biziba bar avɨraseme, kamaghɨn amizɨ, me aruer pumuning ko mɨkezimɨn bizir kaba isavɨra iti.

1 Eghaghaniba 10:8

Mɨdorozim gɨvazɨ, amɨmzaraghan Filistiaba uamategha iza, Israelian ariaghirezibar kuabar korotiaba suva, men biziba iniasa izi. Egha me garima, Sol uan otariba ko, men kuaba Gilboan mɨghsɨamɨn ireghav iti.

1 Samuel 31:7

Ezɨ Israelian Jordanɨn Fanemɨn vongɨn itiba, ko Jesrilɨn danganir zarimɨn vongɨn itiba kamaghɨn oraki, Israelian mɨdorozir gumaziba are. Me uaghan kamaghɨn oraki, Sol uan otariba ko, me bar ariaghire, ezɨ me uan nguibar ekiaba ategha are. Ezɨ gɨn Filistiaba iza nguibar kaba inigha dar iti.

1 Samuel 31:9

Ezɨ me Solɨn kuamɨn fɨrim atugha, an mɨdorozir korotiaba ini. Egha me gumazir maba amadazɨma, me akaba isa ghua Filistiabar nguazimɨn tintinibar arua uan asebar dɨpenibar aven ghua an gun gumazamizibav gei.

2 Samuel 1:20

Ia Getɨn nguibar ekiam ko Askelonɨn nguibar ekiamɨn tuavibar bizir kamɨn gun mɨkɨman markɨ. Filistian amiziba oregh bar akuegham. Eghtɨ God gɨfozir puvatɨzibar guiviba, me navir amɨrizim inigh bar akuegham.

1 Samuel 28:4

Ezɨ Filistiaba Israelia mɨsoghasa. Filistiabar mɨdorozir gumaziba, uari akuvagha Sunemɨn nguibar ekiamɨn boroghɨn, notɨn amadaghan uan averpenibar ingari. Ezɨ Sol Israelian mɨdorozir gumaziba akuvagha, Gilboan mɨghsɨamɨn uari bagh averpenibar ingari.

2 Samuel 1:21

“En mɨdorozir gumazir gavgaviba Gilboan mɨghsɨabar ariaghire. Ezɨ mɨdorozir oraba pura mɨghsɨar kabagh irav iti. Ezɨ Solɨn oram uaghan pura iti, ezɨ me borem uam a gazuir puvatɨ. Kamaghɨn amizɨ, kɨ kamaghsua, amozim ko dɨmagarimɨn ghuariam mɨghsɨar kam uam a giran markɨ. Eghtɨ dagher aghuiba ua nguazir kamɨn aghungan kogham.