1 Samuel 30:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Ezɨ Devitɨn gumaziba uan otariba ko guivibagh nɨghnɨgha, bar a basemegha dagɨabar a ginivightɨ an aremeghasava amima, a bar osɨmtɨzir ekiam isi. Egha Devit uan God ko mɨgei, ezɨ Ikiavɨra Itir God, gavgavim an nɨghnɨzim ganɨngi.

1 Samuel 30:6 ပူးပေါင်းရင်းမြစ်များ

Onger Akaba 56:11

Kɨ nɨghnɨzir gavgavim Godɨn iti, kamaghɨn, kɨ bizitamɨn atiatir puvatɨ. Gumazir kɨnitam arazir manatamɨn na damuam? Puvatɨ.

Onger Akaba 62:5

Kɨ nɨghnɨzir gavgavim Godra ikia a baghavɨra iti. Anarɨra deragha nan garima, kɨ angamɨra ikiavɨra iti.

Onger Akaba 18:6

Kɨ osɨmtɨzir ekiamɨn ikia egha pamten Ikiavɨra Itir Godɨn dei. Kɨ uabɨn akurvaghasa uan Godɨn arai. Ezɨ a uan Dɨpenimɨn ikia nan ararem barazima, an an kuarir torim giraghu.

Onger Akaba 25:17

Osɨmtɨziba nan navimɨn aven ikia ekɨva ghuavɨra iti. Nɨ nan akuraghtɨ osɨmtɨzir kaba na abɨnan markɨ.

Hibru 13:6

Kamaghɨn amizɨ, e gavgavim uan navibar anɨng egh mɨkɨm suam: “Ekiam nan Akurvazir Gumazim, na ko itima kɨ atiatir puvatɨ. Kɨ fo, gumazamiziba arazitamɨn na damighan kogham.”

Akɨnafarir Pol Romɨn Nguibar Ekiamɨn Itir Sios Bagha Osirizim 4:18

Abraham fozir puvatɨ, God manmaghɨn uan akar dɨkɨrɨzim damightɨ an otivam. Egha a guizbangɨra nɨghnɨzir gavgavim Godɨn ikia, bizir aghuir a fogha iniamiba bagha mɨzuai iti. Egha kamaghɨn a “Kantrin avɨribar afeziamɨn oto.” Godɨn Akɨnafarim mɨkemezɨ moghɨn, “Nɨn ovavir boriba bar avɨrasemegham.”

Onger Akaba 116:10

Kɨ faragha ghaze, “Osɨmtɨzir ekiam na avaragha na dɨkabɨraghasava ami.” Ezɨ dughiar kamɨn kɨ nɨghnɨzir gavgavim Ikiavɨra Itir Godɨn ikiavɨra ikia kamaghɨn mɨgei.

Akɨnafarir Pol Romɨn Nguibar Ekiamɨn Itir Sios Bagha Osirizim 8:31

E bizir kabagh foghava, manmaghɨn mɨkɨmam? E fo, God e baghvɨra ikɨtɨ, tina e dɨkabɨragh e gafiragham? Bar puvatɨgham.

Ua Me Ini 17:4

Ezɨ Moses pamten kamaghɨn Ikiavɨra Itir God ko mɨgei, “Gumazamizir kaba dagɨabar na ginivigh, na mɨsueghtɨ kɨ aremeghasa. Ezɨ kɨ manmagh me damuam?”

Onger Akaba 42:11

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn deragham, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.

Onger Akaba 27:14

Nɨ nɨghnɨzir gavgavim Ikiavɨra Itir Godɨn ikɨ a bagh mɨzuam. Nɨn navim osɨman markɨ. Nɨ tugh gavgavigh mamaghɨra ikɨ mangɨtɨ a izɨ nɨn akuragham.

2 Korin 4:8

Ezɨ dughiar mabar osɨmtɨzir avɨriba e bativigha, e dɨkabɨrazir puvatɨ. Ezɨ bizir avɨriba en nɨghnɨzibar iza e gamima e okam nɨghnɨsi, da en nɨghnɨziba bar da apɨrizir puvatɨ.

1 Samuel 1:10

Ezɨ Hana bar osemegha bar paza uabɨ baragha aziava, Ikiavɨra Itir God ko mɨgei.

Jon Osirizir Akar Aghuim 8:59

Ezɨ me a ginivasa dagɨaba isi. Ezɨ Iesus uabɨ modogha egha Godɨn Dɨpenimɨn mɨriam ategha azenan ghu.

Dɨboboniba 14:10

Ezɨ Israelian gumazamiziba bar, Josua ko Kalepɨn akam nɨghnɨzir gavgavim an itir puvatɨgha, dagɨabar aning ginivightɨ, aning aremeghasa. Egha gumazamiziba maghɨra garima, Ikiavɨra Itir Godɨn angazangarir bar gavgavim zuamɨra izaghira a bativamin Purirpenim gisɨn iti.

2 Korin 7:5

E ghua Masedonian itir dughiam, e avughsasa amuava avenge. Nguibar kamɨn osɨmtɨzir avɨrir maba zurara e isi. Gumazamiziba akabar, e uari batogha uariv gei. Ezɨ atiatir nɨghnɨziba, en navir averiabar aven iti.

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.

Jeremaia 16:19

O Ikiavɨra Itir God, nɨ gavgavim na ganɨga, nan danganir mogomemɨn mɨn ikia, egha osɨmtɨzibar dughiabar nɨ nan akurvasi. Nguazir kamɨn oteviba bar dar gumazamiziba bar, nɨ bagh izɨ kamaghɨn mɨkɨmam: En inazir afeziabar aseba, da pura bizir kɨniba, da e gifara, en akuraghan kogham.

Jopɨn Akɨnafarim 13:15

A dera, God na mɨsueghtɨ kɨ aremeghasa ifonge, eghtɨ kɨ a mɨzuamɨva nɨghnɨzir gavgavim an ikɨ mamaghɨra ikiam. A nan gantɨ, kɨ an damazimɨn an gun mɨkɨm suam, kɨ arazir kurabagh amir puvatɨ.

2 Korin 1:6

God kamaghsua, ia navir amɨrizim ko an akurvazim iniam, bizir kamɨn e osɨmtɨzim ateri. God navir amɨrizim e danɨngɨva, a uaghan navir amɨrizim ia danɨngam. Ia en mɨn tuivigh gavgavigh osɨmtɨziba atertɨ, God navir amɨrizim en mɨn ia danɨngam.

Akɨnafarir Pol Romɨn Nguibar Ekiamɨn Itir Sios Bagha Osirizim 4:20

Egha Abraham uan nɨghnɨzir gavgavim anetaghizir puvatɨ. Egha Godɨn akar dɨkɨrɨzim gɨnɨghnɨgha navir pumuningɨn itir puvatɨ. An nɨghnɨzir gavgavim a gamima a bar gavgavigha Godɨn ziam fe. A bar fo, God uan akar dɨkɨrɨzimɨn gɨn mangɨ bizir kam damuamin gavgavim iti.

Matyu 27:22

Ezɨ Pailat men azai, “Eghtɨ, Iesus me a dɨbora ghaze, ‘God Ua E Iniasa Mɨsevezir Gumazim,’ kɨ manmaghɨn a damuam?” Ezɨ me bar dɨa ghaze, “A isɨ ter ighuvimɨn a gafugh!”

Matyu 21:9

Ezɨ gumazamizir faragha zuiba ko Iesusɨn gɨn iziba, uan tiariba akara ghaze, “Hosana! Ia Devitɨn Otarimɨn ziam fɨ! Gumazir, Ekiamɨn ziam ko gavgavimɨn izim, God deragh a damu! Hosana! Ia Nguibar bar pɨn itimɨn itir Godɨn ziam fɨ!”

Aisaia 25:4

Gumazamizir biziba puvatɨziba, nɨ deravɨra me geghuva men gari. Gumazamizir onganarazibagh amiba, osɨmtɨzibar dughiamɨn itima, nɨ men mogomer danganir bar gavgavimɨn mɨn iti. Atrivir kurabar adariba ko anɨngaghariba, mati amɨnir gavgavim iza dɨpenir bɨrim ginifi. Ezɨ nɨ mati averpenim me avarazɨ, amɨnir gavgavim izɨva me gɨnobaghan kogham. Ezɨ gumazir kurabar adariba, mati aruemɨn fefem dɨpaba puvatɨzir danganimɨn ikegha pamtem me gisira. Ezɨ nɨ mati, me tememɨn dughuazimɨn apengan ikia, aruemɨn fefemɨn uari apasi. Ezɨ amɨnim ko amozimɨn dughiamɨn, nɨ biziba puvatɨzir gumazamiziba avarazɨ me deravɨra iti, ezɨ aruer gavgavim me gapongezir puvatɨ, mati overiamɨn ghuariaba aruemɨn fefeim avarazɨ, nguibam bar orangi. Nɨ ifaghatir apanibar akaba dukumizɨ, atrivir kurabar dɨmdiaba pura gefi.

Onger Akaba 62:1

Godra, kɨ nɨghnɨzir gavgavim an ikia a baghavɨra mɨzua iti. Anarɨra, a nan akurvazima kɨ angamɨra ikiavɨra iti.

Gumazir Dapaniba 18:25

Ezɨ Danɨn anabamɨn adarazi kamaghɨn a ikaragha ghaze, “Nɨ mɨgɨrɨgɨar avɨribar e damuan markɨ. Gumazir kaba ua nɨn atar nɨ mɨsuegh, egh nɨn amuiroghboriba sara mɨsueghtɨ me arɨghiregham.”

Jenesis 32:7

Ezɨ Jekop mɨgɨrɨgɨar kam baregha puvɨram atiatigha nɨghnɨzir avɨribagh ami. Egha uan gumazamiziba, sipsipba, memeba, bulmakauba, ko kamelba isa okoruar pumuningɨn me abɨki, egha danganir pumuningɨn me arɨki.

Onger Akaba 42:5

Kɨ uan navir averiamɨn aven uabɨra uabɨn azangsɨgha ghaze, kɨ tizim bagha bar oseme? Kɨ osɨman kogham. Kamaghɨn dera, kɨ ua nɨghnɨzir gavgavim Godɨn ikɨva, uam an ziam fam. Nan God, a nan Akurvazir Gumazim.

2 Samuel 17:8

Nɨ fogh, nɨn afeziam Devit uan mɨdorozir gumaziba ko, me mɨsozir gumazir gavgaviba, egha bar osemegha iti, me mati bean amebam gumazim an nguziba okemezɨma, an navim isia iti. Nɨ uan afeziamɨn mɨdorozir arazibagh fo, a dɨmangan uan mɨdorozir gumaziba ko dakuighan kogham.

2 Atriviba 4:27

Amizim iza mɨghsɨamɨn Elisa batogha, aviragha Elisan dagarimningɨn suira. Ezɨ Gehasi amizimɨn garima, a kamaghɨn amima, an a tɨvamadaghtɨ a tong saghon mangasa. Ezɨ Elisa kamaghɨn Gehasi mɨgei, “Anetakigh. Kɨ fo, an osɨmtɨzir bar ekiam iti. Ezɨ Ikiavɨra Itir God an osɨmtɨzim nan modogha an gun na mɨkemezir puvatɨ.”

1 Samuel 23:16

Ezɨ Solɨn otarim Jonatan Devitɨn ganasa ghua, nɨghnɨzir gavgavim Ikiavɨra Itir Godɨn ikiasa akar aghuibar a mɨgei.

Onger Akaba 18:2

Ikiavɨra Itir God, a nan dɨvazir bar gavgavim mɨn iti. A nan dagɨar kɨ aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh nan ganamin gavgavim ikia, egha nan dɨvazir bar gavgavimɨn mɨn iti.

Onger Akaba 31:24

Ia gumazamizir nɨghnɨzir gavgavim Ikiavɨra Itir Godɨn itiba, ia uan navibar aven atiatingan kogh, egh tugh gavgavigh mamaghɨra ikɨ.

Onger Akaba 71:4

Nan God, nɨ gumazir kurabar dafarimɨn ua na ini. Me arazir kurabar amuasa bar gavgafi.

Onger Akaba 71:5

Ekiam, kɨ nɨghnɨzir gavgavim nɨn iti. Kɨ fomɨra uan igiamra ikia, nɨghnɨzir gavgavim Ikiavɨra Itir God, nɨn ikia, iza datɨrɨghɨn ikia kamaghɨra iti.

Jona 2:2

A ghaze, “O Ikiavɨra Itir God, kɨ osɨmtɨzim ikia nɨn dei, ezɨ nɨ nan akuragh, nan dɨmdiam barakigh. Kɨ Gumazamizir Oveaghuezibar Nguibar kuramɨn ikia, nɨn diava arai. Ezɨ nɨ nan ararem baraki.

Gumazir Dapaniba 20:22

Ezɨ Israelia uamategha ofa gamir dakozimɨn ghuegha Ikiavɨra Itir Godɨn guamɨn azia ikia ghuavti, aruem gɨfa. Me kamaghɨn an azai, “E ua uan aveghbuaba, Benjaminɨn anabamɨn adarazi ko mɨsogham, o markiam?” Ezɨ Ikiavɨra Itir God kamaghɨn me mɨgei, “Ia uamategh mangɨ me ko mɨsogh.” Ezɨ Israelia uamategha gavgavim uarigh anigha, amɨmzaraghan uamategha ghua Gibean, me faragha mɨdorozir gumaziba danganibar me arɨghizɨ naghɨn ua me arɨsi.

1 Samuel 28:15

Ezɨ Samuel kamaghɨn Sol mɨgei, “Nɨ tizim bagha na gaghura, egha nan diazɨ kɨ dɨkavigha izi?” Ezɨ Sol Samuel ikaragha ghaze, “God na ataghizɨ Filistiaba izɨ na mɨsoghasa, kamagh amizɨ kɨ osɨmtɨzir bar ekiam iti. God ua irebabar na mɨgeir puvatɨ. Egha a uan akam inigha izir gumazibar akatoribar na mɨgeir puvatɨ. Ezɨ kɨ foghasa, kɨ manmaghɨn damuam. Kamaghɨn amizɨ kɨ uabɨn mɨkɨmasa nɨn dia.”

Onger Akaba 138:3

Kɨ nɨn deima, nɨ dughiar kamɨn nan dɨmdiaba barasi. Egha uan gavgavim na ganɨgavɨra iti.