1 Samuel 3:11 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹¹ Ezɨ Ikiavɨra Itir God kamaghɨn a mɨgei, “Nɨ deraghvɨra oragh. Kɨ kɨran oveghangɨn, bizitam Israelian tongɨn a damigham. Eghtɨ me bizir kamɨn mɨgɨrɨgɨam baregh, me dɨgavir kuram damigham.

1 Samuel 3:11 ပူးပေါင်းရင်းမြစ်များ

Habakuk 1:5

Ezɨ Ikiavɨra Itir God kamaghɨn uan gumazamizibav mɨgei, “Ia bar deraghvɨra kantrin igharazimɨn gumazamizibar gan! Maia! Ia nguazir kamɨn itir dughiamɨn, kɨ bar bizir igharagha garim ian tongɨn a damigham. Eghtɨ ia bizir kam bareghamin dughiamɨn, ia ti nɨghnɨzir gavgavim an ikian kogham! Kamaghɨn amizɨ, ia bar dɨgavir kuram damigham!

Aposel 13:41

“ ‘Kɨ ian dughiamɨn bizir igharazitam damightɨ a ia batogham. Eghtɨ gumazitam ia mɨkɨmtɨ ia nɨghnɨzir gavgavim an ikian kogham. Kamaghɨn, ia gumazir dɨbovir akar kurabagh amiba, ia gan, ia dɨgavir kuram damigh ikuvigham.’ ”

Jeremaia 19:3

‘Ia Judan atriviba ko Jerusalemɨn gumazamiziba, ia Ikiavɨra Itir Godɨn akam baragh! Kɨ Ikiavɨra Itir Godɨn Gavgaviba Bar Itim, Israelian God, kɨ guizbangɨra mɨgei. Kɨ bizir bar kuram damightɨ, a danganir kamɨn otivam. Eghtɨ gumazamizir bizir otivamin kamɨn akaba bareghamiba, me bar dɨgavir kuram damigham.

2 Atriviba 21:12

Kamaghɨn amizɨ, kɨ Ikiavɨra Itir God, Israelian God, kɨ kamaghɨn mɨgei: Kɨ bar Jerusalemɨn nguibar ekiam ko Judabar kantri gasɨghasigham. Eghtɨ Kantrin Igharazibar Gumazamiziba bizir kamɨn akam baregh, me dɨgavir bar kuram damigh, egh nɨghnɨzir avɨribar amuam.

Luk Osirizir Akar Aghuim 21:26

Eghtɨ overiamɨn biziba bar nɨgham, kamaghɨn amizɨ gumazamiziba atiatingɨva damaziba men isirtɨma, me daighirɨva otivamin biziba bagh mɨzuamɨva nɨghnɨgham.

Aisaia 29:14

Kamaghɨn amizɨ, kɨ uamategh bizir bar igharagha garitabar amutɨ, da gumazamizir kaba bativam. Eghtɨ me bar dɨgavir kuram damigham. Eghtɨ kɨ gumazamizir nɨghnɨzir aghuiba me ganɨdibar fofoziba adegham, egh kɨ men fofozir gumazamizibar fofoziba bar da agɨvagham.”

Aisaia 28:19

Dughiar kurar kaba ia ateghan kogham. Puvatɨ. Da dɨmagariba ko aruebar zurara ia bativ mamaghɨra ikiam, mati amizim bɨzimɨn uan dɨpenim zurara aneviavɨra iti.” Egh ia guizbangɨra Godɨn akar kabar mɨngaribagh foghɨva, puv atiating nɨgham.

1 Samuel 3:10

Ezɨ Ikiavɨra Itir God, ua iza tugha faragha Samuelɨn diazɨ moghɨn, uam an dɨa ghaze, “Samuel, Samuel.” Ezɨ Samuel ghaze, “Nɨ na mɨkɨm. Kɨ nɨn ingangarir gumazim, kɨ orasi.”

1 Samuel 4:10

Kamaghɨn amizɨ, Filistiaba bar pamtemɨn mɨsoghava Israelia abɨnizɨ, Israelia ara uamategha uan nguibabar ghue. Dughiar kamɨn Filistiaba, 30,000plan mɨdorozir gumazibav soghezɨ me ariaghire.

Jopɨn Akɨnafarim 41:9

“Nɨ ongarimɨn itir goar ekiar kamɨn ganigh, egh nɨ bar atiatigh nɨrɨzim nɨn agharapaniba asivkɨntɨ, nɨn gavgaviba bar gɨvagham. Kamaghɨn amizɨ, nɨ ongarimɨn itir goar ekiar kamɨn suighsɨ nɨghnɨghan markɨ.