1 Samuel 27:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ezɨ Atrivim Akis zurara dughiabar kamaghɨn Devitɨn azai, “Nɨ datɨrɨghɨn ghua te ko mɨsoke?” Eghtɨ Devit a gifar suam, “Kɨ ghua Negevɨn Judabar gumazibav sosi.” O, a na mɨkɨm suam, “Kɨ ghua Jeramelian nguibamɨn gumazibav sosi.” O, a suam, “Kɨ ghua Kinian nguibamɨn gumazibav sosi.” Gumazamizir ikɨzir kaba, me sautɨn amadaghan Judan nguazimɨn iti.

1 Samuel 27:10 ပူးပေါင်းရင်းမြစ်များ

Gumazir Dapaniba 1:16

Mosesɨn amerer afeziam, a Kinɨn ikɨzimɨn gumazir mam. Ezɨ Mosesɨn amerer afeziamɨn adarazi ko Judan anabamɨn adarasi, me Temer Detba itir nguibar ekiam, ategha ghua sautɨn amadaghan, Judan gumazamiziba puvatɨzir danganimɨn, Negevɨn danganimɨn aven itir nguibar ekiam, Aratɨn boroghɨn ghue. Me ghua Amalekia ko danganir kamɨn iti.

1 Eghaghaniba 2:25

Ezɨ Hesronɨn otarir ivariam Jeramel, a 5plan otariba iti. Ram, an otarir ivariam. Ezɨ otarir igharazibar ziabar kara: Buna, Oren, Osem, ko Ahiya.

1 Eghaghaniba 2:9

Peresɨn otarim Hesron, a otarir 3pla iti, men ziabar kara: Jeramel, Ram ko Kalep.

1 Samuel 30:29

ko Rakal Jeramelia ko Kinian nguibaba,

Gumazir Dapaniba 4:11

Ezɨ dughiar kamɨn, Heber a Kinian adarazir mav, a Kinia ataki, me Mosesɨn ivozir afeziam Hobap, an ovavir boriba, a me ategha ghua uan averpenim Kedesɨn nguibamɨn boroghɨn, Sananimɨn itir okɨn temer ekiamɨn boroghɨn an ingari.

Efesus 4:25

Kamaghɨn ia ifavarir arazim atakigh. E bar moghɨra Kraisɨn inivafɨzimɨn soroghafariba ko an bizibar mɨn iti. Kamaghɨn amizɨma, ia bar moghɨrama guizɨn akabar gumazamizir igharazibav kɨm.

Aghuzir Akaba 29:25

Gumazitam gumazir igharazibar atiatingtɨ, an atiatim, mati a ivem agurazɨ, ivem an suira. Ezɨ gumazir nɨghnɨzir gavgavim Ikiavɨra Itir Godɨn itim, a deraghvɨra ikiam.

Onger Akaba 119:163

Kɨ guizbangɨra ifavarir arazim bar an aghua, egha nɨn Araziba kɨ bar dagh ifonge.

Onger Akaba 119:29

Nɨ nan akuraghtɨ kɨ ifavarir tuavim ategham. Nɨ ifongezir arazir aghuimɨn na damu, egh uan Arazibar nan sure damu.

2 Samuel 17:20

Ezɨ gɨn Apsalomɨn gumazir maba aningɨn gɨn iza kamaghɨn amizimɨn azai, “Ahimas ko Jonatan managh iti?” Ezɨ amizim ghaze, “Aning fanem girɨgha vongɨn ghu.” Ezɨ gumaziba ghua Ahimas ko Jonatan buriava aningɨn apizir puvatɨgha uamategha Jerusalemɨn ghu.

1 Samuel 23:27

Ezɨ gumazir mam iza kamaghɨn Sol mɨgei, “Filistiaba en nguazimɨn izegha e mɨsosi. Ezɨ nɨ zuamɨra uamategh izɨ.”

1 Samuel 21:2

Ezɨ Devit ghaze, “Atrivim ingangarir mam na ganɨngizɨ kɨ izi. A ghaze, kɨ damuamin ingangarir kam, kɨ an gun gumazir igharazitam mɨkɨman kogham. Kɨ uan mɨdorozir gumazibav gɨa ghaze, ia danganir igharazitamɨn na batogh.

1 Samuel 15:6

Ezɨ Kinia Amalekian boroghɨn iti. Ezɨ Sol akar gavgavim me bagha anemaga ghaze, “Ia Amalekia ategh mangɨ danganir igharazitamɨn ikɨ. Puvatɨghtɨ, e mangɨ me mɨsoghtɨ ia me sara arɨghiregham. En inazir afeziaba fomɨra Isip ategha azenan izir dughiamɨn, ian inazir afeziaba deraghavɨra Israelia e gami. Kɨ ian inazir afeziabagh nɨghnigha ia bagha akam amadi. Kamaghɨn, ia arɨghiram kɨ aghua.” Ezɨ Kinian gumazamiziba kamaghɨn oregha Amalekia ategha ghue.

Gumazir Dapaniba 5:24

Jael, a Heberɨn amuim, ezɨ Heber a Kinian adarazir gumazir mam, God deraghvɨram a damutɨ, an navim bar akuegham. An navir agorogem, averpenimɨn aven itir amizir igharazibagh afiragham.

Dɨboboniba 24:21

Egha Balam irebamɨn mɨn garir bizimɨn aven a Kinian gari. Egha kamaghɨn mɨgei: “Danganir ia itim, a nguibar gavgavir aghuim, ia deravɨra an ikia, mati kuarazir isamɨn mɨkonim, dagɨabagh isɨn bar pɨn mar mɨghsɨamɨn iti.

Jenesis 27:24

egha uam an azara, “Nɨ guizbangɨra Iso, o puvatɨ?” Ezɨ Jekop a ikaragha ghaze, “Are, kɨrara.”

1 Samuel 27:11

Egha Devit ghua mɨsozir dughiabar a gumazamiziba kuavarei. A kamaghɨn nɨghnɨsi, “Gumazitam ikɨva, a gɨn Getɨn izɨva, kɨ uan gumaziba ko amizir bizibar gun Getia geghanigham.” Devit Filistian ikia dughiabar zurara arazir kamram ami.

1 Samuel 29:8

Ezɨ Devit kamaghɨn Atrivim Akis mɨgei, “Nan gumazir ekiam, kɨ nɨn ingangarir gumazim, kɨ osɨmtɨzir manam gami? Dughiar kɨ iza nɨn ingangarim gamua ikia iza datɨrɨghɨn itimɨn, kɨ arazir kurar manam gami? Atrivim, bizir tizim bagh kɨ mangɨ nɨn akuragh nɨn apanibav soghan kogham?”