1 Samuel 26:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Egha Devit ua kamaghɨn mɨgei, “Ikiavɨra Itir Godɨn zurara itimɨn ziamɨn, kɨ kamaghɨn nɨ mɨgei, Ikiavɨra Itir God, uabɨ Solɨn mɨsuegham, o Sol uabɨ uan dughiamɨn aremegham, o an apaniba mɨdorozir tamɨn a mɨsueghtɨ an aremegham.

1 Samuel 26:10 ပူးပေါင်းရင်းမြစ်များ

Godɨn Araziba 31:14

Egha Ikiavɨra Itir God, Moses mɨgɨa ghaze, “Nɨn ovever dughiam a bar roghɨra ize. Nɨ Josuan diaghtɨ a nɨ bagh izɨ, na bativamin Purirpenimɨn boroghɨn izeghtɨ, kɨ ifongezir ingangarir a damuamim an akagham.” Ezɨ Moses ko Josua God bativamin Purirpenimɨn boroghɨn ghua Godɨn damazimɨn tu.

Jenesis 47:29

A fo, a gurumram ovengam, egha a uan otarim Josepɨn diazɨ, a ize. Ezɨ a kamaghɨn a mɨgei, “Nɨ guizbangɨra bar na gifuegh, uan dafarim isɨ nan buarakɨrimɨn apengan amadagh, akar dɨkɨrɨzir gavgavim damigh suam, nɨ bar arazir aghuimɨn na damuam. Nɨ Isipɨn kantrin narafan kogham.

Akɨnafarir Pol Romɨn Nguibar Ekiamɨn Itir Sios Bagha Osirizim 12:19

Nan namakar aghuiba, me arazir kuram ia damightɨ, ia men arazir kuram ikarvaghan markɨ. Ia teghtɨ, God uabɨ uan anɨngagharimɨn tuavimɨn me ikarvagham. Ia fo, Godɨn Akɨnafarimɨn aven en Ekiam kamaghɨn mɨgei, “Arazir kuraba ikarvaghamin ingangarim, kar nan bizim. Kɨ uabɨ men arazir kuraba ikarvagh egh ivezir kuraba me danɨngam.”

Onger Akaba 37:13

Ekiam kamaghɨn fo, gumazamizir kuraba gɨvaghamin dughiam a izi. Kamaghɨn a men ingaravati.

1 Samuel 31:6

Dughiar kamra, Sol uan otarir 3pla ko, an gumazir igiar an mɨdorozir biziba aterim ko, Solɨn mɨdorozir gumaziba sara, me bar moghɨra ariaghire.

1 Samuel 25:38

Egha a kamaghɨra irɨghav ikia ghua 10plan dughiaba gɨvazɨ, Ikiavɨra Itir God Nabal mɨsoghezɨma an areme.

1 Samuel 25:26

Nɨ oragh. Ikiavɨra Itir God uabɨ nɨ gamizɨ gumazir nɨn apanim gamiba, nɨ uabɨ me mɨsoghezir puvatɨ. Puvatɨzɨ, men ghuzibar osɨmtɨzim nɨn ikiam. Ezɨ Ikiavɨra Itir Godɨn zurara itimɨn ziamɨn, kɨ guizbangɨra pamtemɨn mɨgɨa ghaze, mɨzazir God Nabal danɨngamim, a uaghan nɨn apaniba kamaghɨra me damuam.

Godɨn Araziba 32:35

Ikiavɨra Itir God ghaze, Arazir kuraba ikarvaghamin ingangarim, kar nan bizim. Kɨ uabɨ men arazir kuraba ikarvagh egh ivezir kuraba me danɨngam. Eghtɨ dughiar bar ovezimɨn me iregh bar ikuvigham.

Akar Mogomem 18:8

Amizir kam Babilon, uan ziar gavgavim fe, kamaghɨn amizɨ, dughiar bar otevir vamɨran, bizir bar kuraba bar a bativam. Bizir kaba, arɨmariar ekiaba ko osɨmtɨzir ekiaba a bativtɨ an azitɨma, mɨtiriar ekiaba an agham. Eghtɨ avim an isigham. Ekiam God an araziba tuisɨgha gɨvagha ghaze, ‘A ikuvigham.’ Godɨn kam gavgavir ekiam iti. Kamagh amizɨ, bizir kurar avɨriba dughiar vamɨra bar moghɨram a bativam.”

Hibru 9:27

Gumaziba bar dughiar vamɨran ovegh egh gɨn Godɨn kotiamɨn otivam.

Luk Osirizir Akar Aghuim 18:7

God inabazir gumazamiziba, me dɨmagariba ko aruebar a bagha araima, a men osɨmtɨziba bagh izɨ da akɨram, o puvatɨgham? A me ataghɨraghtɨ me pura mangam? Bar puvatɨ.

Fofozir Gumazim 3:2

Amiziba otamin dughiaba iti, ezɨ e bar arɨmɨghiramin dughiaba iti. Egha e dagheba oparamin dughiaba iti, egh e dagheba asiamin dughiaba iti.

Onger Akaba 94:23

Apaniba arazir kurar bar avɨribagh ami, ezɨ a men arazir kurar kaba ikarvagham. Ikiavɨra Itir God, en God, a men arazir kurabagh nɨghnɨgh, me mɨsoghtɨ me arɨmɨghiregham.

Onger Akaba 37:10

Dughiar ruarim puvatɨghtɨ, gumazamizir arazir kurabagh amiba pura puvarigham. Nɨ men nguibabar me buriva men apighan kogham.

Jopɨn Akɨnafarim 14:5

Nɨ en ikɨrɨmɨrimɨn ababanim atɨgha gɨfa, eghtɨ e manmaghɨn dughiaba ko azenibar nguazir kamɨn ikiam? Gumazitam uan ikɨrɨmɨrim bagh ua dughiatam gisɨvaghan kogham.

Jopɨn Akɨnafarim 7:1

Egha Jop ua kamaghɨn mɨgɨa ghaze: “O God, e nguazir kamɨn itir ikɨrɨmɨrim a kamaghɨn iti, gumazamiziba bar puvɨra ingar ikiam, mati gumaziba ingangarim damuasa e amɨkɨrvagha zui. Egha mati gumazim uan ingangarir ivezim iniasa uabɨ abɨragha, bar pamten ingaravɨra iti.

1 Samuel 24:15

Kamaghɨn, Ikiavɨra Itir God uabɨ ga tuisɨgh mɨkɨm suam, gan tinara osɨmtɨzim gami. A uan kotɨn aven nan akuragh na bagh akam akɨrightɨ, nɨ na gasɨghasɨghan kogham.”

Hibru 10:30

Ezɨ e fo, God kamaghɨn mɨkeme, “Arazir kuraba ikarvaghamin ingangarim, ka nan bizim. Kɨ uabɨ men arazir kuraba ikarvagh egh ivezir kuraba me danɨngam.” Egha ua kamaghɨn mɨgei, “Ekiam uabɨ uan gumazamizibar araziba tuisɨgham.”

1 Samuel 24:12

Ikiavɨra Itir God uabɨ, gan araziba tuisɨgh egh fogh suam, gan tinara arazir kuram gami. A, nɨ amizir arazir kurar kam bagh nɨ ikarvagh, ivezir kuram nɨ danɨngam. Eghtɨ kɨ uabɨ arazitam nɨ damighan kogham.

1 Samuel 25:39

Ezɨ Devit Nabalɨn ovever akam baregha kamaghɨn mɨgei, “Kɨ Ikiavɨra Itir God mɨnaba. A uabɨ Nabal na gamizir arazir kurar kam ginɨrɨgha, an arazim tuisɨgha, a ikara. Nabal uabɨ arazir kuram gamizɨ, Ikiavɨra Itir God mɨzazim a gase. Ikiavɨra Itir God uabɨ nan tuavim apɨrizɨma, kɨ arazir kuratam gamizir puvatɨ.” Ezɨ Devit gɨn Abigelɨn ikiasa uan ingangarir gumaziba amadazɨma, me an azangsɨghasa ghue.

1 Samuel 31:4

Kamaghɨn amizɨ, Sol uan gumazir igiar an mɨdorozir biziba aterimɨn diagha ghaze, “Nɨ uan mɨdorozir sabam inigh izɨ na bɨraghtɨma kɨ aremeka. Puvatɨghtɨ, Filistian mɨkarzir mogomebar iniba aghorezir puvatɨzir kaba, izɨ na dɨpov mɨzazim na danɨngɨva na mɨsueghtɨ kɨ aremegham.” Ezɨ gumazir igiar kam bar atiatigha Sol ginivan bar aghua. Kamaghɨn amizɨ, Sol uabɨ uan mɨdorozir sabam asaragha a gaverazɨ, sabam a mɨtɨzɨ an areme.