1 Samuel 25:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ E me ko ikiava uan sipsipbagh eghuvir dughiamɨn, me arueba ko dɨmagariba bar, dɨvazimɨn mɨn e ekɨarugha deravɨra e geghufi.

1 Samuel 25:16 ပူးပေါင်းရင်းမြစ်များ

Jopɨn Akɨnafarim 1:10

Nɨ zuraram a ko, an amuiroghboriba ko, an biziba deravɨra dar gari. Mati, gumazim dɨvazir bar gavgavimɨn aven iti. Nɨ zurara deravɨram a gamua bulmakauba ko asɨzir avɨriba a ganɨngizɨ, da a itir nguazim bar a gizɨfa.

Ua Me Ini 14:22

Egha dɨvazimningɨn mɨn vong ko vongɨn akuvagha itima, Israelia aningɨn tongɨn nguazir dakɨrtɨzimɨn ghua vongɨn otifi.

Sekaraia 2:5

Eghtɨ kɨ Ikiavɨra Itir God, kɨ uabɨ deragh an ganam, mati kɨ bɨrir avimɨn mɨn an dɨvazim aghuigham. Egh kɨ an aven ikɨ, an angazangarim ko gavgavimɨn mɨn ikiam.’ ”

Jeremaia 15:20

Kɨ gumazamizir kabar damazimɨn nɨ damightɨ, nɨ brasɨn dɨvazimɨn mɨn tugh gavgavigham. Kɨ datɨrɨghɨn nɨn akuragha, nɨ ko iti. Eghtɨ gumazamizir kaba nɨn apanim damuva nɨ dɨkabɨraghan kogham. Kɨ Ikiavɨra Itir God, kɨ kamaghɨn mɨkemegha gɨfa.

1 Samuel 25:17

Nɨ deraghvɨra fogh, Devit uan gumaziba ko izɨ, en gumazir ekiam ko an gumazamizir a ko itibagh asɨghasɨghasa nɨghnɨsi. Kamaghɨn amizɨ, e nɨ bagha izi. E nɨn azai, nɨ deraghvɨra nɨghnɨgh, nɨ manmaghɨn osɨmtɨzir kam akɨram? E bar Nabal gɨfo, a gumazir bar kuram, a ifaghata, akaba barazir puvatɨzir gumazim.”