1 Samuel 24:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Kamaghɨn amizɨ, Sol Israelian 3,000plan mɨdorozir gumaziba amɨsevezɨma, me Devit ko an gumaziba buri. Me danganir kurar kamaghɨn dɨborim, Memen Atiaba Itir Danganir Kuram, me an me buri.

1 Samuel 24:2 ပူးပေါင်းရင်းမြစ်များ

1 Samuel 26:2

Ezɨ Sol zuamɨra dɨkavigha ghua Israelian 3,000ɨn mɨdorozir gumazir aghuiba inigha, Sifɨn gumazamiziba puvatɨzir danganimɨn ghuaghira, Devit buriasa zui.

Onger Akaba 141:6

Gumazitaba gumazir kurar kaba inigh me gasɨghasightɨ, me fogh suam, nan akam a bar guizbangɨra.

Onger Akaba 104:18

Memen atiaba mɨghsɨaba itir danganibagh arui, ezɨ iriaba mɨghsɨabar itir dagɨar toribar modi.

Onger Akaba 38:12

Gumazir na mɨsueghtɨ kɨ aremeghasava amiba, me na bagha azuazim guragha gɨfa. Gumazir na gasɨghasɨghasava amiba, me zurara pazavɨra na damuasavɨra mɨgei. Egha me dughiabar zurara na gasɨghasɨghasavɨra akabav sosi.

Onger Akaba 37:32

Gumazir kuram gumazir aghuim mɨsueghtɨ an aremeghasa, a bagha mɨzua gara iti.

1 Samuel 13:2

Dughiar kamɨn Sol ua bagha 3,000pla Israelian mɨdorozir gumaziba amɨsevegha, igharaziba amadazɨma me ua nguibabar ghue. A mɨdorozir gumazir kabar tongɨn, 2,000pla inizɨ, me a ko Mikmasɨn nguibar ekiamɨn iti, a Betelɨn nguibamɨn boroghɨn mɨghsɨar dozibar iti. Egha a uaghan mɨdorozir gumazir 1,000pla amadazɨ, me an otarim Jonatan ko, me Benjaminɨn anabamɨn nguazimɨn aven, Gibean nguibar ekiamɨn iti.

2 Samuel 22:2

Ighiar kamɨn mɨgɨrɨgɨaba kamakɨn: Ikiavɨra Itir God, a nan dɨvazir bar gavgavimɨn mɨn iti. A nan dagɨar kɨ an aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh deragh nan ganamin gavgavim iti, egha nan dɨvazir bar gavgavimɨn mɨn iti.

Jopɨn Akɨnafarim 39:1

“Nɨ ti fo, azenibar dughiar manamra, mɨghsɨamɨn itir memen amebaba oti? Nɨ ti garima, asɨzir dian amebaba uan nguziba bati?

1 Samuel 23:28

Ezɨ Sol akar kam baregha uan gumaziba ko me Devit ategha, uamategha ghua Filistiaba ko mɨsosi. Kamaghɨn amizɨ, me danganir kam dɨbora ghaze, “Mɨdorozibagh Itaghvɨrazir Dagɨam.”