1 Samuel 2:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ “Ikiavɨra Itir God, gumazamizir a baghavɨra itiba a me geghufi. Egha gumazamizir kuraba a me gasɨghasightɨ, me nguibar kurar mɨtatem itimɨn ovegham. E fo, gumazir gavgavir ekiam itim, a bar uan gavgavimɨn ikɨva avegham.

1 Samuel 2:9 ပူးပေါင်းရင်းမြစ်များ

Onger Akaba 121:3

A Godɨn akuir puvatɨzim. A nɨ akumakum deragh nɨn gantɨ, nɨ irɨghan kogham.

1 Pita 1:5

Ezɨ ia nɨghnɨzir gavgavim Kraisɨn iti, kamaghɨn amizɨ God uan gavgavimɨn ia pasa, ezɨ ia deravɨra iti. Ezɨ a ua ia iniasa, egh ia damutɨ ia deragh ikiam. Ezɨ Godɨn akurvazir kam, dughiam gɨvaghtɨma an azenim giram.

Sekaraia 4:6

Ezɨ ensel Ikiavɨra Itir Godɨn akam, gavmanɨn gumazir dapanim Serubabel danɨngasa, kamaghɨn na mɨgei, “Kar, Ikiavɨra Itir Godɨn Gavgaviba Bar Itimɨn akam: Nɨ ingangarim damusɨ, nɨ uan mɨdorozir gumazibar gavgavim ko, nɨ uan gavgavimɨn amodoghɨn bizibar amuam markɨ. Bar markɨ. Nan Duamɨn gavgavim nɨ ko ikɨtɨ, nɨ gavgavir kamɨn amodoghɨn ingangaribar amuam.

Onger Akaba 97:10

Arazir kurabar aghuazir gumazamiziba, Ikiavɨra Itir God bar me gifonge. Gumazamizir a baghavɨra itiba, a men apaniba da ua me inigha, me geghuva deragha men gari.

Onger Akaba 94:18

Kɨ kamagh nɨghnɨgha ghaze, “Nan dagarim apɨghsighizɨ, kɨ datɨrɨghɨn irɨgham.” Puvatɨ. Ikiavɨra Itir God bar nan apangkuvigha nan suirazɨ, kɨ arazir kuramɨn irɨzir puvatɨ.

Onger Akaba 37:28

Ikiavɨra Itir God, an arazir aghuibara ifonge. Kamaghɨn, a uan gumazamiziba me ataghɨrazir puvatɨ. A dughiabar zurara me geghuva arazir aghuibara me gami. Egh a gumazir kurabar boribagh asɨghasɨgham.

Jopɨn Akɨnafarim 5:24

Eghtɨ nɨ fogham, nɨn biziba bar deraghvɨra iti, egh nɨ navir amɨrizimɨn ikɨ uan purirpenimɨn aven daperaghɨv ikiam. Egh nɨ gantɨ, nɨn sipsipba bar ikɨtɨ, tam oveghan kogham.

Godɨn Araziba 33:3

Israelia, me Godɨn gumazamizibara, ezɨ a bar me gifongegha, deraghavɨra me geghuva men gari. Ezɨ kamaghɨn, e a bagh uan teviba apɨrigh, dapaniba avigh an apengan ikɨ, egh an akabar gɨn mangam.

Aghuzir Akaba 16:9

E zurara bizibar amuasa nɨghnɨsi. Ezɨ Ikiavɨra Itir God tuavir e daruamibar en akakasi.

Onger Akaba 121:8

Nɨ uan dɨpenim ataghɨraghamin dughiam, a nɨ geghuv deragh nɨn ganam. Egh nɨ ua izamin dughiam, a kamaghɨra damuam, a datɨrɨghɨn ko, dughiar gɨn izamibar, kamaghɨra damuam.

2 Pita 2:17

Gumazamizir kaba, mati mozir dɨpaba dakezɨ moghɨn iti, egha uaghan mati amɨnir ekiam ghuariam givava amadima a tintinibar zuima amoziba puvatɨ. God me bagha danganir bar mɨtategha bar pɨghizim akɨrizɨma a iti. Eghtɨ me mangɨva an ikiam.

Matyu 8:12

Eghtɨ God faragh uan Nguibamɨn ikiasa mɨsevezir darasi, God me batuegh me isɨva danganir mɨtatem me akunigham. Eghtɨ me tuangɨva arangɨva atariba kuskugh danganir kamɨn ikiam.”

Sefanaia 1:15

Dughiar kamɨn, Ikiavɨra Itir Godɨn anɨngagharim azenim giram, eghtɨ gumazamiziba osɨmtɨzir ekiamɨn aven ikɨ men naviba bar ikuvigham, eghtɨ biziba tintinimɨn ikuvam. Eghtɨ ghuariaba aruem avaraghtɨ, mɨtater pɨgha duar dafam otogham.

Fofozir Gumazim 9:11

Kɨ uamategha overiamɨn apengan bizir mamɨn gari. Gumazir bar puvɨra atamra ivemariba, me dughiar mabar gumazir igharazibagh afirazir pu. Ezɨ mɨdorozir gumazir gavgaviba, dughiar mabar uan apanibagh afirazir puvatɨ. Gumazir nɨghnɨzir aghuiba itiba, ko fofozir ekiaba itiba, me dughiar mabar dagɨaba ko bizir avɨriba isir puvatɨ. Ezɨ ingangarir guar avɨribagh amir fozir gumaziba, me dughiar mabar ingangarir ekiaba isir puvatɨ. E fo, dughiar kuram dughiatabar bar e bativam.

Aghuzir Akaba 3:26

Nɨ fo, nɨ nɨghnɨzir gavgavim Ikiavɨra Itir Godɨn ikɨ, eghtɨ a nɨ ekɨarugh egh nɨn ganam, eghtɨ apaniba uan ivebar nɨ inighan kogham.

Fofozir Gumazim 5:17

Nguazir kamɨn tir dabirabim, a derazir pu, mati e zurara osɨmtɨzim ikia ovevemɨn mɨtarmemɨn aven apia dagheba api. E zurara navir kuram isava, atarava, arɨmariaba isi.

Aghuzir Akaba 2:8

God gumazamizibar gari, me gumazamizir igharaziba deragha arazir magh gariba me gami, ezɨ a deravɨra men gara men akura. Egha gumazamizir an tuavimɨn gɨn zuiba, a deravɨra me geghufi.

Onger Akaba 121:5

Ikiavɨra Itir God, nɨn boroghɨra ikia, mati dughuazim nɨ avara. Egha nɨ geghuva deragha nɨn gari.

Jut Osirizir Akɨnafarim 1:13

Me mati ongarir fɨfɨzir ekiaba dɨpɨraghiri. Egha me arazir kurabar amuasa aghumsɨzir puvatɨgha, mati ongarim dɨpɨra izima an puvpuvir mɨzɨrɨziba pɨn otivi moghɨn men arazir kuraba azenim giri. Egha me mati mɨkoveziba pɨn overiamɨn uan tuavibar gɨntɨzir puvatɨ. Kamaghɨn amizɨ, God me bagha danganir mɨtarmer bar pɨghatomezim atɨ, eghtɨ me mangɨ an ikɨ mamaghɨra ikiam.

Jut Osirizir Akɨnafarim 1:3

Nan namakar aghuiba, kɨ faragha ingangarir God ua bar e inizir kamɨn, akɨnafarim osirigha ia mɨkɨmasa bar ifonge. Egha kɨ datɨrɨghɨn kamaghɨn nɨghnɨsi, kɨ akɨnafarir igharazim osiram. Ia uan nɨghnɨzir gavgaviba bagh bar gavgafigh. Egh ia Godɨn akar aghuimɨn apanibar akaba batogh. E Godɨn gumazamiziba, a nɨghnɨzir gavgavimɨn arazir vamɨram e ganɨngi. Eghtɨ gumazamiziba en nɨghnɨzir gavgavim batueghɨva, akar igiatam arɨghan kogham. Bar puvatɨ.

Jut Osirizir Akɨnafarim 1:1

Kɨ Jut, kɨ Iesusɨn ingangarir gumazim; egha kɨ Jemsɨn dozim. Ia God diazir gumazamiziba, kɨ ia bagha akɨnafarir kam osiri. God Afeziam bar ia gifonge, ezɨ Krais Iesus uabɨ ian gari.

Akɨnafarir Pol Romɨn Nguibar Ekiamɨn Itir Sios Bagha Osirizim 3:19

E fo, God kamaghɨn ifonge, an kotɨn dughiamɨn Judaba ko Kantrin Igharazibar Gumazamiziba sara, me Godɨn arazir gumazamiziba tuisɨzim riagh mɨgɨrɨgɨatam damighan kogham. Kamaghɨn God, Moses Osirizir Araziba isa, Judabagh anɨngi. Eghtɨ me dar gɨn mangɨ dar apengan ikiam.

Jeremaia 9:23

Ikiavɨra Itir God ghaze: “Fofozir gumazim uan fofozim bagh bar akuegh uabɨ fan markɨ. Eghtɨ gumazir gavgavim uan gavgavim bagh bar akuegh uabɨ fan markɨ. Eghtɨ dagɨaba izɨvazir gumazim uan dagɨaba bagh bar akuegh uabɨ fan markɨ.

Jeremaia 8:14

Eghtɨ Judaba kamaghɨn mɨkɨmam: “Manmaghɨn amizɨ e puram apia? E uari akuvagh mangɨ nguibar ekiar dɨvazir gavgaviba itibar aven mongam. Egh e nguibar kabar aven arɨghiram. E arazir kuramɨn Ikiavɨra Itir God gami, a en God. Ezɨ a ghaze, e ovengam. A ivezir kuram e danɨngam, mati gumazir mam marasinɨn kurar gumazibagh asɨghasɨzim me danɨngtɨ me aneremam.

Jopɨn Akɨnafarim 5:16

Kamaghɨn, onganarazibagh amir gumazamiziba nɨghnɨzir gavgavim Godɨn ikia, uarir akurvaghasa a mɨzua iti. Eghtɨ gumazir arazir kurabagh amiba pazɨ me damuan kogham.

Dɨboboniba 6:24

“ ‘Ikiavɨra Itir God, deraghvɨra ia damuva, egh deraghvɨra ian ganam.

Onger Akaba 31:17

O Ikiavɨra Itir God, kɨ nɨn azangsɨsi, nɨ nan akuragham. Nɨ apanibar amamangatɨghtɨ me na abɨraghtɨ kɨ aghumsɨzim inian markɨ. Gumazir kuraba mar ikuvighɨva aghumsɨgh. Me mar oveng mangɨ Gumazamizir Oveaghuezibar Nguibamɨn magɨrɨ, egh akabar kumigh ikɨ.

1 Samuel 25:26

Nɨ oragh. Ikiavɨra Itir God uabɨ nɨ gamizɨ gumazir nɨn apanim gamiba, nɨ uabɨ me mɨsoghezir puvatɨ. Puvatɨzɨ, men ghuzibar osɨmtɨzim nɨn ikiam. Ezɨ Ikiavɨra Itir Godɨn zurara itimɨn ziamɨn, kɨ guizbangɨra pamtemɨn mɨgɨa ghaze, mɨzazir God Nabal danɨngamim, a uaghan nɨn apaniba kamaghɨra me damuam.

Jopɨn Akɨnafarim 18:18

Me angamɨra itir dughiamɨn, me aruemɨn angazangarimɨn gari. Ezɨ ovevem iza me batoghezɨ, me nguibar bar mɨtarmangizɨmɨn ghue.

Jopɨn Akɨnafarim 40:13

Egh Oveaghuezibar Nguibamɨn, kalabuziar danganimɨn me arɨkigh. Egh me isɨ nguazir torim datɨghtɨ, gumazamizir igharaziba ua men ganan kogham.

Onger Akaba 1:6

Guizbangɨra, gumazamizir Ikiavɨra Itir Godɨn damazimɨn deraziba, a me geghuv deragh men ganam. Eghtɨ gumazamizir arazir kurabagh amiba, me bar ikuvigh ovegham.

Onger Akaba 105:37

A gɨn Israelia inigha Isipɨn kantri ategha azenan ghu. Me gol ko silvan avɨriba inigha da sara ghue. Egha me bar moghɨra mɨkarziba deragha gavgavigha azenan izi.

Aisaia 47:5

Ikiavɨra Itir God kamaghɨn Babilonia mɨgei, “Babilon, Kantrin Igharazibar Gumazamiziba ua kamaghɨn nɨ dɨponan kogh suam, ‘Kantriba bar men atrivir amizim.’ Kamaghɨn amizɨ, nɨ uan akam dukuagh mangɨ mɨtarmemɨn daperagh nɨmɨra ikɨ.

Nahum 1:8

An aperiar ekiamɨn mɨn, Niniven nguibar ekiam bar a gasɨghasigham. Egha gumazir an akam batoziba, a me mɨsozi me ariaghiri.