1 Samuel 2:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁷ Ikiavɨra Itir God gumazir mabagh amizɨ me biziba puvatɨ, egha marazi gamizɨ, me bizir avɨriba iti. A gumazir mabagh amima, men ziaba bar iraghuegha bar vɨn iti. A marazi gamizɨ, me ziar ekiam ikia bar pɨn iti.

1 Samuel 2:7 ပူးပေါင်းရင်းမြစ်များ

Onger Akaba 75:7

God uabɨra en araziba tuisɨsi. A gumazamizir maba fa, igharaziba abɨri.

Jopɨn Akɨnafarim 5:11

A ziar ekiaba, ziaba puvatɨzir gumazamizibagh anɨdi. Egha azia naviba ikuvir gumazamizibar arareba agɨva me gamima, me ua deragha bar akuegha iti.

Jopɨn Akɨnafarim 1:21

Egha a kamaghɨn mɨgei, “Nan amebam na batezir dughiamɨn, kɨ bizitam inigha izezir puvatɨ. Kɨ bibiamra ize. Egh kamaghɨra, kɨ aremegh pura mangam. Ikiavɨra Itir God uabɨ bizir kaba na ganigha, egha datɨrɨghɨn ua da ini. Kamaghɨn, kɨ an ziam fe.”

Jems 4:10

Ia Godɨn damazimɨn bar uari dɨkabɨragh ikɨ. Ia kamaghɨn damutɨ, God ia fegham.

Aisaia 2:12

Ikiavɨra Itir Godɨn Gavgaviba Bar Itim uabɨ gumazamizir uarira uan ziaba feba abɨnasa dughiar kam amɨsefe. Egh dughiar kamra, bizir ekiar gumazamiziba gara bar akuegha uan ziaba feba, a bar dagh asɨghasɨgham.

2 Atriviba 9:6

Ezɨ Jehu dɨkavigha dɨpenimɨn aven ghuzɨ, Godɨn akam inigha izir gumazim an gɨn ghua olivɨn borem inigha Jehun dapanim ginga kamaghɨn a mɨgei, “Ikiavɨra Itir God, a Israelian God, kamaghɨn mɨgei, ‘Kɨ datɨrɨghɨn Israelian atrivimɨn ikiasa nɨ amɨsefe. Eghtɨ nɨ nan gumazamiziba Israelia, me gativagh men ganam.

Jopɨn Akɨnafarim 40:12

Nɨ gumazamizir akaba batozibar gan me dɨkabɨn. Egh gumazamizir arazir kurabagh amiba, me itir danganibara, zuamɨra bar me dɨkɨ me mɨrmɨrigh.

1 Eghaghaniba 29:12

Nɨrara bar bizir aghuir avɨriba e ganɨdi. Egha nɨrara biziba bar dagh atifa. Nɨrara gavgavir ekiar kamɨn mɨngarim. Nɨrara gumazamizibar amutɨ me gavgavigh ziar ekiaba iniam.

2 Eghaghaniba 32:27

Hesekia dagɨar bar avɨriba ikia, atrivir bar gavgavimɨn otogha ziar ekiam iti. A ingangarir gumazamizibav kemezɨ, me silvaba ko, gol ko, dagɨar ivezir bar pɨn koziba ko pauran mughuriar aghuim zuiba ko, bizir igharazir ivezim bar pɨn kozibar arɨghamin dɨpenibar ingari.

2 Eghaghaniba 32:29

God bizir aghuir bar avɨriba Hesekia ganɨngi, ezɨ Hesekia sipsipba ko, bulmakaun bar avɨriba ini. Ezɨ an ingangarir gumaziba a bagha nguibar ekiar avɨribar ingari.

Onger Akaba 75:8

Ikiavɨra Itir Godɨn anɨngagharim kamaghɨn iti. A kavɨn mamɨn suira, ezɨ wainɨn igiar gavgavir ekiam itim a gizɨfa. An a ingezɨ gumazamizir kuraba anepa bar anegɨfa. Arazir kamra, gumazamizir kuraba Godɨn kotɨn otivigh, egh bar gevegham.

Aghuzir Akaba 22:2

Ikiavɨra Itir God gumazamiziba bar adar ingari, gumazamizir dagɨaba izɨvaziba ko gumazamizir onganarazibagh amiba.

Jeremaia 49:15

Ikiavɨra Itir God kamaghɨn Idomɨn kantri mɨgei: “Idom, nɨ oragh. Kɨ ian gavgaviba abightɨ, kantrin igharazibar gavgaviba ian gavgavibagh afiragham. Eghtɨ gumazamiziba bar ian aghuagh dɨbovir akabar ia mɨkɨm egh akɨrim ragh ia gasaragham.

Esekiel 17:24

Eghtɨ nguazir kamɨn itir temeba, me bar kamaghɨn fogh suam, kɨ Ikiavɨra Itir God. Kɨ temer ruariba otima, da uaghiri, egha temer igiabagh amima, da aghua ghuavanadi. Kɨ temer dafarir angamtɨzibagh amima, da mɨdɨi. Egha temer dafarir mɨdiaribagh amima, dar dafariba angamɨra iti. Kɨ Ikiavɨra Itir God, kɨ mɨkemegha gɨfa, egh kɨ mɨkemezɨ moghɨn, kɨ biziba bar dar amuam.”