1 Samuel 2:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ Gumazamizir fomɨra dagher avɨriba itiba, God datɨrɨghɨn me damightɨ me dagheba bagh ingar uan ivezim isi moghɨn da iniam. Ezɨ gumazamizir faragha dagheba puvatɨgha mɨtiriamra itiba, God datɨrɨghɨn dagher avɨriba me danɨngtɨ me ua ingaran kogham. Ezɨ amizir otir puvatɨzim, God datɨrɨghɨn an akurazɨ a borir 7pla bate. Ezɨ amizir borir avɨriba itim, an boriba ovengezɨ a uabɨra iti.

1 Samuel 2:5 ပူးပေါင်းရင်းမြစ်များ

Luk Osirizir Akar Aghuim 1:53

A bizir aghuiba isava mɨtiriaba azibagh anigha, biziba bar izɨvaziba amangizɨma me pura ghue.

Onger Akaba 113:9

An amizir boriba batir puvatɨziba deragha me akɨrizɨ, me borir avɨriba bata bar akonge. E Ikiavɨra Itir Godɨn ziam fam!

Jeremaia 15:9

Ezɨ amizir borir 7pla batezim, an boriba bar arɨmɨghireghtɨ, amebar kamɨn navir averiam bar ikuvigh, mati mɨnemɨn mɨn isikuam, eghtɨ an kuarmɨzim mati asɨzir agharim an guraghtɨ, an angam aremeghsɨ damuam. Amebar kamɨn dughiar aghuim, ua dughiar bar kuramɨn otoghtɨ, a bar aghumsigham. Mati an aruer arɨzimɨn itima, aruem zuamɨra iraghugha gɨfa. Kamaghɨra, Judan ikiavɨra itir varazira, kɨ apaniba amangightɨ, me izɨ me mɨsueghtɨ me arɨmɨghiregham. Kɨ Ikiavɨra Itir God, kɨ mɨkemegha gɨfa.”

Onger Akaba 34:10

Dughiar mabar laionɨn nguziba dagheba puvatɨzɨ, mɨtiriaba men azi. Ezɨ gumazamizir nɨghnɨzir gavgavim Ikiavɨra Itir God ikia an apengan itiba, me bizir aghuiba bagha asaghasazir puvatɨ.

Luk Osirizir Akar Aghuim 16:25

“Ezɨ Abraham an dɨmdiam ikaragha ghaze, ‘Otarim, nɨ bizir kam uam a ginɨrɨgh, nɨ angamɨra itir dughiamɨn, nɨ bizir aghuiba iti. Ezɨ Lasarus bizir kuraba iti. Ezɨ a datɨrɨghɨn kagh deraghavɨra itima nɨ mɨzazir kuram isi.

Aisaia 54:1

Ikiavɨra Itir God kamaghɨn mɨgei, “O Jerusalem, noka! Nɨ mati amizir furabaghatim. Nɨ boritam batezir puvatɨ. Nɨ mati amizir borim batasa an mɨzazim inizir puvatɨzim. Nɨ mati amizir nɨn pam nɨ ataghizim. Egh nɨ gɨn borir bar avɨriba inightɨ, nɨn boribar dɨbobonim, amizir uan pam ko itimɨn boribar dɨbobonim gafiragham. Kamaghɨn amizɨ, nɨ bar akuegh dɨmɨva ighiabar amu.

1 Samuel 1:6

Amizir kamning, aning penemning, egha dughiabar aningɨn mav bizibar faraghɨvɨra mangasava ami. Ezɨ Hanan penem a gasɨghasɨghasa a dɨpova ghaze, Ikiavɨra Itir God Hanan navim apuizɨ, Penina osɨmtɨzim an navim danɨngasa, akar igharagha gariba ko aghumsɨzir akabar Hana gami.

1 Samuel 1:20

Dughiar mong otevimɨn gɨn, Hana navim asegha otarim bate. Egha ghaze, “Kɨ Ikiavɨra Itir Godɨn azarazɨma, a borir kam na ganɨngi. Ezɨ kɨ ziam Samuel a gatɨ.”

Rutɨn Eghaghanim 4:15

Nɨn asamim bar nɨ gifongezɨ, nɨ uaghan bar a gifonge. Nɨn asamim bar nɨ gifongezɨ moghɨn, nɨn otarir 7pla nɨ gifueghan kogham. Kamaghɨn amizɨ otarir kam, a nɨn akurvagh mangɨ nɨ ghurighamin dughiam a nɨn ganam.”

Aisaia 33:9

Ezɨ nguazim uabɨ bar osemegha azirakabagh amima, an gavgavim gɨfa. Lebanonɨn ruaribar temeba mɨdɨi, egha bar aghumsɨki. Ezɨ Saronɨn Danganir Zarim bar mɨsɨngigha dɨpaba puvatɨzir danganim gava. Ezɨ Basanɨn Distrighɨn temeba ko, Karmelɨn Mɨghsɨamɨn temebar dafariba da mɨdɨa suaghiri.