1 Samuel 2:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² O Ikiavɨra Itir God, tav nɨn mɨn, bar zuezir puvatɨ. Egha godɨn igharazitam nɨn mɨn itir pu. Bar puvatɨ. Nɨ bar dagh afira. Nɨ uabɨra, dagɨar ekiamɨn mɨn gavgavim ikia e moga en akurvagha e geghufi.

1 Samuel 2:2 ပူးပေါင်းရင်းမြစ်များ

2 Samuel 22:32

Ikiavɨra Itir God, a bar uabɨra guizbangɨra God. A bar uabɨra dagɨar ekiamɨn mɨn ikia e apasa.

Aisaia 44:6

Ikiavɨra Itir God, a Israelian atrivim, a men Akurvazir Gumazim, a Ikiavɨra Itir Godɨn Gavgaviba Bar Itim, A kamaghɨn mɨgei, “Kɨ Ikiavɨra Itir God, kɨrara kɨ bar faraghavɨra ikia, egh bar gɨn ikɨva abuan ikɨvɨra ikiam. Ezɨ godɨn tam ua itir puvatɨ. Kɨrara, kɨ God.

Onger Akaba 86:8

O Ekiam, nɨ iti moghɨn ua godɨn tam itir puvatɨ. Tav nɨ ingari moghɨn ingari puvatɨ.

Onger Akaba 89:8

O Ikiavɨra Itir Godɨn Gavgaviba Bar Itim. Gumazitam bar gavgavigha nɨn mɨn itir puvatɨ. O Ikiavɨra Itir God, nɨ zurara deraghavɨra e gami, egha dughiatamɨn e ataghɨrazir puvatɨ.

Ua Me Ini 15:11

O Ikiavɨra Itir God, ua godɨn manam ikia nɨn mɨn gavgafi? Tav ua itir puvatɨ. Nɨ atrivir ekiam, egha arazir aghuibaram ami. Nɨ bar pɨn kozɨ, e nɨn atiati. Tina nɨn mɨn iti? Tav ua itir puvatɨ. Nɨrara dɨgavir kuram gamir arazibagh ami, egha ingangarir ekiabagh ami.

Jeremaia 10:6

Ikiavɨra Itir God gavgavir bar ekiam iti, ezɨ ua godɨn tam nɨn mɨn itir puvatɨ. Nɨn ziam gavgavir ekiam iti. Egha nɨ bizir igharagha garibagh amima da nɨn gavgavim aka.

Aisaia 57:15

“Kɨrara, kɨ God, kɨ ziar bar pɨn itim ikia, egha zurara iti. Ezɨ nan ziam bar zue. Kɨ bar pɨn ikia uan Nguibar Zuezimra iti. Egha kɨ uaghan gumazamizir uari dɨkabɨra, uan arazir kuraba ataghɨragha navibagh iraziba, kɨ me ko iti. Egha kɨ gavgavim men navibagh anɨga, men ikɨrɨmɨrim gamima, a ua deraghavɨram oto.

Godɨn Araziba 3:24

‘O Ikiavɨra Itir God, nan Ekiam, kɨ fo, nɨ bizir ekiar nɨ damuamiba, nɨ dar otevir muziariba nan akakasi, kɨ nɨn ingangarir gumazim. Ua godɨn igharazitam overiam ko nguazimɨn itir puvatɨ, egh a bizir ekiar nɨ amigha gɨvazir kabar amuan kogham.

Akɨnafarir Pol Romɨn Nguibar Ekiamɨn Itir Sios Bagha Osirizim 15:4

Godɨn mɨgɨrɨgɨar me fomɨra Godɨn Akɨnafarimɨn osiriziba, da bar en sure damuasa me ada osiri. Mɨgɨrɨgɨar kam e damutɨ, e nɨmɨra ikɨ, osɨmtɨziba aterɨva tugh gavgavigh God e danɨngamin bizir aghuiba bagh mɨzuamam.

Aisaia 44:8

Nan gumazamiziba, ia nɨgh akongɨva atiatingan markɨ. Bizir otivamin kaba, kɨ fomɨra dar gun ia mɨkemegha gɨfa. Ezɨ ia uan damazibar dar ganigha na gɨfo, egh kotɨn aven ia nan gun mɨkɨm. Godɨn tam ua itir puvatɨ! Bar puvatɨ. Kɨ uabɨra kɨ ian dagɨar ekiamɨn mɨn itima, ia nan aven uari modi. Kɨ bizir kam bar a gɨfo, a bar guizbangɨra!

Aisaia 40:18

Kamaghɨn amizɨ, tinara Godɨn mɨn gari? Guizbangɨra, bizitam a ko magh garir puvatɨ.

Aisaia 6:3

Egha me dɨa ongava uarira uariv gɨa ghaze: “Ikiavɨra Itir Godɨn Gavgaviba Bar Itim, an arazir kurabar saghon ikiava Bar Zue, a Bar Zue, a Bar Zue! An angazangarim ko gavgavim ko ziar ekiam, bar nguazim avara.”

Onger Akaba 111:9

A ua uan gumazamizibagh ivezegha ua me ini. Egha Akar Gavgavim me koma anekɨra ghaze, Akar Dɨkɨrɨzir Gavgavir kam zurara ikɨ mamaghɨra ikiam. Ikiavɨra Itir God, an arazir aghuibaram amua bar derazir God, ezɨ gumazamiziba an ziar ekiam gɨnɨghnɨgha ghaze, a bar pɨn kozɨ, me an atiatia an apengan iti.

Onger Akaba 99:5

Ia Ikiavɨra Itir Godɨn ziam fɨ, a en God. An arazir aghuiba, ko an damazimɨn zuezir arazibara amir God. Kamaghɨn, ia an boroghɨn mangɨ teviba apɨrigh, an ziam fɨ.

Onger Akaba 89:6

O Ikiavɨra Itir God, nɨn Nguibamɨn aven, tav nɨn mɨn itir puvatɨ. Nɨn nguibamɨn enseltam nɨ ko magh ghuzir puvatɨ.

Godɨn Araziba 32:39

Ia oragh. Ia kamaghɨn fogh, kɨ uabɨra, kɨ guizbangɨra God. Ezɨ godɨn tam ua itir puvatɨ. Kɨ uabɨ, kɨ ikɨrɨmɨrir angamɨra itim gumazamizibagh anɨga, egha men duaba isi me ovei. Kɨ gumazim gasɨghasigh ua anekɨrightɨ a deragham. Egh kɨ bizitam damutɨ gumazitam nan anogoreghan kogham.

Godɨn Araziba 32:4

En God zurara kamaghɨra iti. A zurara guizɨn arazibaram ami. A mati dagɨar ekiar mamɨn mɨn gavgavigha kamaghɨra iti. A zurara uan akamɨn gɨn ghua egha ifarir puvatɨ. Ezɨ an araziba bar deragha egha voroghɨra iti. A guizɨn arazimɨn gɨn ghua biziba tuisɨgha egha ifarir puvatɨ.

Onger Akaba 99:9

E Ikiavɨra Itir Godɨn ziam fam, a en God, e an mɨghsɨamɨn an ziam fam. Ikiavɨra Itir God, a en God, a Godɨn arazir aghuibaram amim.

Onger Akaba 73:25

O God, tina ua nɨn Nguibamɨn ikɨ deragh nan ganam? Nɨ bar uabɨra, ua gumaziba puvatɨ. Kɨ bar nɨ gifonge. Kɨ nguazir kamɨn ua bizitam gifongezir puvatɨ.

Onger Akaba 71:19

God, nɨn arazir aghuim nguazir kamɨn danganiba bar dagh izɨvagha, uanaga overiamɨn tu, egha gumazamizibar damazibar azenara iti. Nɨ ingangarir bar ekiam gami. Ezɨ nguazir kamɨn gumazitam nɨn mɨn garir pu. Bar puvatɨ. Nɨ bar moghɨra me gafira.

Onger Akaba 71:3

Nɨ dagɨar ekiamɨn mɨn na modogh. Nɨ dɨvazir gavgavimɨn mɨn ikɨ na ekɨarughtɨ, nan apaniba na abɨnan kogham. Kɨ nɨn aven modogh ikiam. Nɨrara deragh na geghuv nan gantɨ, kɨ deragh ikiam.

Onger Akaba 18:2

Ikiavɨra Itir God, a nan dɨvazir bar gavgavim mɨn iti. A nan dagɨar kɨ aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh nan ganamin gavgavim ikia, egha nan dɨvazir bar gavgavimɨn mɨn iti.

Godɨn Araziba 32:20

Egha a ghaze, ‘Ia borir naviba gavgavigha nan akabar gɨn zuir puvatɨziba. Kɨ men gantɨ, osɨmtɨziba me bativigh me gasɨghasightɨ, kɨ uan guam men modogh, men akuraghan kogham.

Godɨn Araziba 4:35

Ikiavɨra Itir God, ian God, bizir kaba ian akakasi, eghtɨ ia fogh suam, a uabɨra God. Ezɨ ua godɨn igharazitam itir puvatɨ. Bar puvatɨ.

Akɨnafarir Pol Romɨn Nguibar Ekiamɨn Itir Sios Bagha Osirizim 4:8

Gumazamizir arazir kurabagh amiba, God men arazir kuram mengvɨra ikian koghtɨ, gumazamizir kaba bar akuegham.”

2 Samuel 7:22

O Ikiavɨra Itir God, en Ekiam, nɨn gavgavim bar ekevezɨ, tav ua nɨn mɨn itir puvatɨ. E uan inazibar akatoribar oraghizɨ moghɨn, nɨ uabɨra bar guizɨn God.

2 Samuel 22:3

Nan God mati dagɨar ekiam, ezɨ kɨ an ghuava an uan apanibar modi. A nan oramɨn mɨn ikia na avara, ezɨ kɨ an uabɨ modi. A ua na isir gavgavim ikia egha na geghufi. Kɨ an deima, an nan akurazɨma, apaniba na gasɨghasɨghizir puvatɨ. A nan akuragh deragh nan ganamin gavgavim iti, egha nan dɨvazir bar gavgavimɨn mɨn iti. O Ikiavɨra Itir God, nɨ nan Akurvazir Gumazim. Kɨ an deima, a nan akurazɨma, apaniba na gasɨghasɨghizir puvatɨ.

1 Atriviba 8:23

Egha a kamaghɨn God ko mɨgei, “O Ikiavɨra Itir God, Israelian God, godɨn tam nɨn mɨn overiam ko nguazimɨn itir puvatɨ. Nɨ zurara, uan Akar Dɨkɨrɨzir Gavgavir kamɨn gɨn ghua, uan ingangarir gumazamizir uan navir averiabar aven nɨ baghavɨra itiba, apangkuvir ekiam men ikiavɨra iti.

Onger Akaba 18:31

Ikiavɨra Itir God, a bar guizbangɨra God. A bar uabɨra dagɨar ekiamɨn mɨn ikia e apasa.

Onger Akaba 99:3

Gumazamiziba bar anarɨra nɨghnɨgh, ana atrivim, egha gavgavim ko ziar ekiam itima, an ziam bar zue. Me an ziar ekiam fɨ.

Ofa Gami 11:44

Kɨ Ikiavɨra Itir God, ian God, egha kɨ bar zue. Eghtɨ ia uari isɨ na danigh, nan gumazamizibar ikɨvɨra ikɨ, egh arazir kuraba ategh, arazir aghuibar gɨn mangɨ nan mɨn zueghvɨra ikɨ. Ia kɨ aghuazir asɨzir mɨzɨrɨzibar amɨva, nan damazimɨn mɨzeghan markɨ.

Ofa Gami 11:45

Kɨ Ikiavɨra Itir God. Kɨ ian Godɨn ikiasa Isipɨn kantrin aven ia inigha azenan ize. Kɨ uabɨ bar zuezɨ nan araziba bar dera. Kamaghɨn amizɨ, ia zuegh ikɨ nan arazir aghuibar gɨn mangɨ.

Godɨn Araziba 4:39

Ezɨ datɨrɨghɨn ia bizir kam gɨnɨghnɨgh mamaghɨra ikɨ. Ikiavɨra Itir God, an overiam ko nguazimɨn God. Ezɨ ua godɨn igharazitam ua itir pu. Bar puvatɨ.