1 Samuel 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ “Ikiavɨra Itir God uan apaniba bar me gasɨghasigham. A uan Nguibamɨn ikia arariba dagarvazi moghɨn a me dagarvasi. Ikiavɨra Itir God nguazimɨn mɨkebaba bar dar itir gumazamiziba, a bar me akuvagh kotiamɨn men araziba tuisɨgham. Egh a gavgavim isɨ uan atrivir a inabazim danigham, eghtɨ gumazamiziba bar, men tongɨn, atrivir kam ziar ekiam iniam.”

1 Samuel 2:10 ပူးပေါင်းရင်းမြစ်များ

Onger Akaba 2:9

Nɨ uan agharir gavgavimɨn men suiragh men ganam. Nɨ me abightɨ, me nguazir mɨneba bɨaghiri moghɨn bɨghiregh, mɨzumzuiaribar iregham.”

Onger Akaba 89:24

Nan apangkuvim a ko ikɨtɨ, kɨ zurara deraghvɨra a damu, egh dughiatamɨn aneteghan kogham. Kɨ uan gavgavim a danightɨ a bar gavgavigham.

Onger Akaba 96:13

Ia bar moghɨra izɨ, Ikiavɨra Itir Godɨn damazimɨn ighiam damu. A izɨ nguazimɨn gumazamiziba bar me gativagh men ganam. Ikiavɨra Itir God, uan arazir aghuimɨn gɨn mangɨ, gumazamiziba bar me gativagh, uan guizɨn akamɨn men araziba tuisɨgham.

Ua Me Ini 15:6

Ikiavɨra Itir God, nɨn agharir guvim bar gavgavir ekiam iti, nɨ uan apaniba dɨkaragha bar me mɨrmɨri.

Onger Akaba 98:9

Ikiavɨra Itir God izɨ nguazim gativagh an ganam. An atrivimɨn ikɨ, guizɨn arazimɨn gumazamizibar araziba tuisɨgham. Kamaghɨn amizɨ, ia a bagh bar akuegh onger akabar amu.

Onger Akaba 20:6

Kɨ datɨrɨghɨn fo, Ikiavɨra Itir God, uabɨ uan atrivir a ua baghavɨra mɨsevezir kam, an an akurvasi. A uan Nguibar aghuimɨn ikia, an azangsɨziba barasi. Egha uan gavgavimɨn an akurvazima, a mɨdorozimɨn uan apaniba abɨri.

1 Samuel 7:10

Samuel ofan bar isia mɨghɨrim gamuavɨra itima, Filistiaba mɨdorozim forasa roghɨra ize. Ezɨ Ikiavɨra Itir God Filistiabagh isɨn, overiamɨn ararim gamizɨ, a bar pamtem dagarazɨ, men nɨghnɨziba onganizɨ me tintinibar arima, Israelia men gani.

Luk Osirizir Akar Aghuim 19:27

Nan apaniba, kɨ men atrivimɨn ikian me aghua, ia me inigh kagh izɨva, nan damazimɨn me mɨsueghtɨ me arɨmɨghiregh.’ ”

Matyu 28:18

Ezɨ Iesus men boroghɨra iza kamaghɨn me mɨgei, “God nguazim ko overiam gativamin gavgaviba bar na ganɨngi.

Fofozir Gumazim 12:14

Guizbangɨra, God e amizir araziba bagh uan kotɨn aven e tuisɨgham. Arazir aghuiba, ko arazir kuraba, ko mogava amir araziba sara da bagh e tuisɨgham.

Fofozir Gumazim 11:9

Ia gumazamizir igiaba, ia igiamra itir dughiamɨn, ia bar akongegh ikɨ. Ia uan nɨghnɨziba ko ifongiamɨn gɨntɨgh. Kamaghɨn ia uari bagh gan, God uan kotiamɨn dughiam, a ian araziba tuisɨgham.

Onger Akaba 45:7

Nɨ arazir aghuibara ifuegha, arazir kuraba bar dar aghua. Kamaghɨn amizɨ, God nɨ amɨsevegha, nɨ ziar ekiam ikiasa a borem nɨn dapanim ginge. A kamaghɨn nɨ gamizɨ nɨ bar akonge, ezɨ nɨ bar akongezir bizir kam, atrivir igharaziba bar me gafira.

Onger Akaba 21:1

O Ikiavɨra Itir God, nɨ gavgavim isa atrivim ganɨngizɨ, a bizir kam bagha bar akonge. Nɨ a gamizɨ, a uan apanibav sogha me abɨra, bizir kam bagha a guizbangɨra bar akonge.

Onger Akaba 2:6

“Kɨ uabɨ gumazir atrivimɨn ikiamin kam amɨsevegha gɨfa. Kɨ uabɨ a isa Saionɨn Mɨghsɨar ua bagha inabazimra anefazɨ, an aperaghav iti.”

Onger Akaba 2:2

Nguazir kamɨn itir atriviba, mɨdorozim bagha uari akufi. Ikiavɨra Itir God ko atrivir a ua bagha inabazim, gumazir dapaniba aning dɨkabɨnasa tuaviba buri. Me kamaghɨn mɨgɨa ghaze,

Gumazir Dapaniba 5:31

O Ikiavɨra Itir God, kamaghɨra nɨn apaniba mar oveng. Eghtɨ nɨn namakaba mar angazangarimɨn mɨn isiragh, mati aruer angazangarim otogha pamten nguazim gisira. Ezɨ dughiar kamɨn gɨn, Israelian nguazim 40plan azenibar mɨdoroziba puvatɨgha avughse.

2 Korin 5:10

Guizbangɨra, e bar moghɨra Kraisɨn kotɨn otivightɨ, an en araziba tuisɨgham. Dughiar e nguazimɨn inivafɨzimɨn aven itim, e arazir aghuibagh ami, o arazir kurabagh ami, eghtɨ kotiamɨn dughiam e bar vaghvagh uan arazir amizibar ivezim iniam.

Aposel 10:38

Ia fo, God Nasaretɨn gumazim Iesus, uan Duam ko gavgavim a ganɨngi. Egha God a ko itima, ezɨ a nguibabagh arua gumazamizibar akurvasi. Egha Satanɨn apengan itir gumazamizibagh ami me ua dera.

Aposel 4:27

“Bar guizbangɨra, Herot ko Pontius Pailat, Israelɨn gumaziba, ko Kantrin Igharazibar Gumazamiziba sara, me Jerusalemɨn nguibamɨn uari akuvagha arazir kurabar Godɨn ingangarir gumazir zuezim, Iesus damuasava akabav sosi. A gumazir nɨ fomɨra uan ingangarim bagha inabazim.

Luk Osirizir Akar Aghuim 1:69

God en akurvaghasa uan ingangarir gumazim Devitɨn adarazir aven gumazir bar gavgavim amɨsefe.

Matyu 25:34

Egh Atrivim kamaghɨn agharir guvimɨn itir gumazamizibav kɨmam, ‘Ia izɨ, nan Afeziam deragh ia damuasa ifonge! Ia izɨva, danganir Afeziam fomɨra ia bagha inabazim inigh, a nguazir kam otozir dughiamɨn a ia bagha danganir kam akɨri.

Aisaia 45:24

Egh me kamagh mɨkɨm suam, Godra arazir aghuimɨn en akurvagha gavgavim e ganɨdi. Eghtɨ gumazamizir an anɨngagheziba, bar moghɨra an damazimɨn izɨ, egh aghumsɨzir ekiam inigham.

Aisaia 32:1

Ia oragh! Atrivitam otivam! Atrivir kam, arazir aghuimɨn gɨn mangɨ, kantrin kam gativagham. Eghtɨ kantrin gumazir dapaniba, me guizɨn arazimɨn gɨn mangɨ, gumazamizibagh ativagh men ganam.

Onger Akaba 148:14

A bar Israelia gifonge. Me bar an gumazamizibara. Me bar an boroghɨra itima, a me gamima me gavgavighavɨra iti. Egha me bar an ziam fe. Aleluia! Ia Ikiavɨra Itir Godɨn ziam fɨ.

Onger Akaba 89:17

Nɨrara, nɨ gavgavim e ganɨdi, ezɨ e nɨ bagha bar akonge. Nɨ bar deragha e gamua en akurvazima, e uan apaniba ko mɨsogha me abɨri.

Onger Akaba 28:8

Ikiavɨra Itir Godɨn gumazamiziba, a uabɨ men gavgavim. Egha atrivir a ua bagha inabazim, a uabɨ a geghuva deragha an akurvasi.

Jopɨn Akɨnafarim 40:9

Nɨn gavgavim ko nan gavgavim ti magh ghu? Kɨ pamtem mɨgɨa araribar mɨn dagarvasi. Ezɨ nɨ ti uaghan nan mɨn damuam?

2 Samuel 22:14

Ikiavɨra Itir God uan Nguibamɨn ikia, tiarim akara pamten dagarvasi. Godɨn Bar Pɨn Itim uan akam akara pamtem mɨgei.

2 Samuel 7:13

Atrivir kamra, a na bagh Dɨpenimɨn ingaram. Eghtɨ kɨ an ovavir boribar amightɨ, me gɨn atrivibar ikɨ gavgavigh mamaghɨra ikiam.

2 Samuel 7:8

Egha Ikiavɨra Itir God ua Natan mɨgɨa ghaze, “Nɨ kamaghɨn nan ingangarir gumazim Devit mɨkɨm: Kɨ Ikiavɨra Itir Godɨn Gavgaviba Bar Itim, nɨ sipsipbagh eghuva dar garir dughiamɨn, nɨ nan gumazamiziba Israelia, men gumazir dapanimɨn ikiasa kɨ nɨ amɨsefe.

1 Samuel 16:1

Ezɨ Ikiavɨra Itir God, Samuel mɨgɨa ghaze, “Israelian Atrivim Sol, kɨ a batuegha gɨfa. Kamaghɨn amizɨ, nɨ tizim bagha Sol gɨnɨghnɨgha osemeghavɨra iti? Nɨn navir osɨmtɨzir kam manadɨzoghɨn gɨvagham? Kɨ, Betlehemɨn nguibamɨn gumazir mam Jesi bagha, nɨ amadi. Nɨ borer tam sipsipɨn kom gurigh a inigh mangɨ. Kɨ atrivimɨn ikiasa, an otarir mam ginabagha gɨfa.”

1 Samuel 15:28

Ezɨ Samuel kamagh ganigha Sol mɨgɨa ghaze, “Nɨ oragh. Ikiavɨra Itir God datɨrɨghɨn atrivir ingangarimɨn nɨ agɨfa, nɨ korotiar avɨzir kam abɨghizɨ moghɨn, nɨ ua Israelia gativan kogham. A ingangarim isa Israelian gumazir igharazim ganɨngi. Gumazir kam, a gumazir aghuim egha nɨ gafira.

1 Samuel 12:18

Ezɨ dughiar kamra, Samuel Ikiavɨra Itir God ko mɨgeima, an ararim ko amozim amadazɨ, ararim dagarazɨ amozim maghɨram arɨki. Ezɨ gumazamiziba bizir kamɨn ganigha Samuel ko Ikiavɨra Itir Godɨn atiatingi.

1 Samuel 12:13

“Ia gan! Ian atrivir ia inabazimra kara, ia a bagha azarazɨ, Ikiavɨra Itir God a isa ia ganɨngi!

1 Samuel 12:3

Kɨ uabɨ kɨr kara. Ia bar deragha nan arazibagh fo. Kɨ arazir kuratam ia damightɨ, ia Ikiavɨra Itir God ko atrivir a ia bagha inabazimɨn damazimɨn, nan gun mɨkɨm. Kɨ ti gumazitamɨn bulmakaun tam o donkin tam ini, o? Kɨ ti tav gifaragha an biziba okeme, o? Kɨ ti tav pazava a gami, a? Kɨ ti gumazitamɨn amamangatɨzɨ, a modogha dagɨabar na givezegha, na gakaghorima kɨ kotiaba paza dar suisi, a? Kɨ arazir katam damightɨ, ia na mɨkemeghtɨ, kɨ anekɨrigh uam a ikarvagham.”

Aisaia 29:6

Ikiavɨra Itir Godɨn Gavgaviba Bar Itim otoghɨva, arariba ko mɨkɨmkɨzim, ko nɨgɨnir bar dafam, ko amɨnir bar gavgavim, amozir bar dafam ko, avir mɨzariar bar kurar biziba bar da tueghamim sara izam.

Esekiel 29:21

“Bizir kam otoghamin dughiamɨn, kɨ Israelɨn ikɨzim damightɨ me ua gavgavigham. Eghtɨ Esekiel, kɨ nɨn amamangatɨghtɨ nɨ men tongɨn mɨkɨmtɨ, me bar nɨ baragham. Egh me kamaghɨn bar fogh suam, kɨ Ikiavɨra Itir God.”

1 Samuel 12:17

Ia fo, kar witɨn ovɨzir aniziba aghoramin dughiam, ezɨ kar amozimɨn dughiam puvatɨ. Kɨ datɨrɨghɨn Ikiavɨra Itir God ko mɨkɨmtɨ, an ararim ko amozim damutɨ, ararim dagaraghtɨ, amozim arigham. Eghtɨ ia ganigh fogh suam, ia arazir bar kuramɨn Ikiavɨra Itir Godɨn damazimɨn a gamigha, uari bagh atrivitam amɨsɨvasa an azara.”

Onger Akaba 20:7

Gumazir maba nɨghnɨzir gavgavim uan mɨdorozir karisbar ikia ghaze, da men akurvagham. Ezɨ marazi nɨghnɨzir gavgavim uan hoziabar ikia ghaze, da men akurvagham. Ezɨ eia, e nɨghnɨzir gavgavim uan Ikiavɨra Itir Godɨn ziamɨn ikia kamaghɨn fo, a en akurvagham.

Onger Akaba 89:25

Kɨ Mediterenianɨn Ongarir Ekiamɨn mɨriamɨn itir nguaziba bar a danɨng mangɨ, Yufretisɨn Faner dadarimɨn tugham. Eghtɨ an adagh ativagh dar ganam.

Onger Akaba 132:17

“Kɨ Devitɨn adarazir aven gumazitam damightɨ an otogh Atrivir bar gavgavimɨn ikiam. Kɨ an mɨseveghtɨ, a mati lamɨn angazangarimɨn mɨn isiragh gavgavigh ikɨ mangɨvɨra ikiam.