1 Samuel 17:45 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴⁵ Ezɨ Devit kamaghɨn a ikaragha ghaze, “Nɨ mɨdorozir sabam ko afuziba inigha na mɨsoghasa. Ezɨ kɨ Ikiavɨra Itir Godɨn Gavgaviba Bar Itimɨn ziamɨn nɨn mɨsoghasa izi, a Israelia en mɨdorozir gumaziba gativazir God. A Godɨn kamra, nɨ an akaba barazir puvatɨgha dɨbovir akabar a mɨgei.

1 Samuel 17:45 ပူးပေါင်းရင်းမြစ်များ

2 Korin 10:4

Inogovir bizir e suighiziba, da nguazimɨn inogovir biziba pu. Bar puvatɨ. Bizir kaba, Godɨn gavgavim dar iti. Eghtɨ e dar suighɨva apanibar dɨvɨnir gavgavim abɨghɨrarɨgham.

2 Eghaghaniba 32:8

Asirian atrivim, a gumaziba da uan gavgavim ini, ezɨ en gavgavim, a Ikiavɨra Itir God, en Godra. A e ko ikɨ en akuragh, en mɨdorozibar aven, an e bagh en apaniba abɨnam.” Gumazamiziba atrivimɨn akaba barazima, akar kaba gavgavim men navibagh anɨngi.

2 Korin 3:5

Guizbangɨra, e uari ingangarir kam damuan buraghburaki, egh e uari kamaghɨn mɨkɨman kogh suam, e uari bizibagh ami. Puvatɨ, God uabɨra gavgavim e ganɨdima, e ingangarir kam gami.

Filipai 4:13

Krais zurara gavgavim na ganɨdi, ezɨ an akurvazimɨn kɨ biziba bar dar amuamin gavgavim iti.

Onger Akaba 18:2

Ikiavɨra Itir God, a nan dɨvazir bar gavgavim mɨn iti. A nan dagɨar kɨ aven uabɨ modimɨn mɨn ikia, nan akuragha nan apaniba da ua na ini. Nan God, a dagɨar ekiamɨn mɨn iti, ezɨ kɨ uan apanibar ara ghua an modi. A nan oramɨn mɨn ikia na avara, ezɨ kɨ an uabɨ modi. A nan akuragh nan ganamin gavgavim ikia, egha nan dɨvazir bar gavgavimɨn mɨn iti.

Onger Akaba 124:8

Bar guizbangɨra, Ikiavɨra Itir Godɨn overiam ko nguazimɨn ingarizim, a uabɨra en akurvasi.

1 Samuel 17:36

O atrivim, Filistian gumazir Ikiavɨra Itir God gɨfozir puvatɨzir kam, a gumazir uan mɨkarzir mogomemɨn inim atuzɨ puvatɨzim, a dɨbovir akaba Godɨn mɨdorozir gumazibav gei. Ezɨ kɨ laionba ko beabav soghezɨ moghɨn, arazir kamra, kɨ a damuam.

Aisaia 37:23

Nɨ uabɨra uan ziam fa, egha nɨ tinara akar kuraba ko dɨbovibar a gami? Nɨ tinara pamtemɨn tiraghtirazir akabar a mɨgei? Nɨ tinara dɨkabɨnasa arazir kabagh ami? Kɨrara, kɨ Israelian Godɨn Bar Zuezim, nɨ bizir kabar na gami!

1 Samuel 17:10

Egha Goliat ua kamaghɨn me mɨgei, “Ia oragh. Kɨ datɨrɨghɨn Israelian mɨdorozir gumaziba ian ingarav akɨ ia basamasa. Ia gumazitam amɨseveghtɨ a izɨ na ko mɨsogham.”

Onger Akaba 3:8

Ikiavɨra Itir God, nɨ uabɨra en akurvagha uam e ini, ezɨ bizir katam bar e gasɨghasɨghizir puvatɨ. Nɨ bar deraghavɨra uan gumazamizibagh ami. (Ighiam gamua an suiam atugha avughsegha ua ighiam gami.)

Aghuzir Akaba 18:10

Ikiavɨra Itir Godɨn ziam mati dɨpenir gavgavim. Eghtɨ gumazir aghuiba, ivemarɨva an mangɨva deraghvɨra ikiam.

Onger Akaba 44:6

Kɨ nɨghnɨzir gavgavim uan barir pim ko baribar itir puvatɨ. Da nan akuraghtɨ kɨ uan apaniba abɨraghan kogham.

Aisaia 37:28

“ ‘Ezɨ kɨ bar moghɨra nɨ gɨfo, nɨn dabirabir araziba ko dɨkavir araziba, ko iza zuir araziba, kɨ bar dagh fo. Egha nɨn anɨngagharir nan itim, kɨ uaghan bar a gɨfo.

1 Samuel 17:26

Ezɨ Devit deragha akar kam baraghizir puvatɨgha kamaghɨn an boroghɨn itir gumazibar azai, “Gumazir manatam Filistian gumazir kam mɨsueghtɨ, an aremeghtɨ, Israelian aghumsɨzir kam gɨvagham, eghtɨ atrivim manmaghɨn a damuam? Kɨ kamaghɨn gari, Filistian kam, a gumazir God gɨfozir puvatɨzim, egha uan mɨkarzir mogomemɨn inim atuzir puvatɨ. A uabɨ fava dɨbovir akabar Godɨn Zurara Itimɨn mɨdorozir gumazibav gei.”

1 Samuel 17:6

A brasɨn otevir mamningɨn uan suemning noke, Egha brasɨn ingarizir afuzim gisaghpu.

2 Eghaghaniba 14:10

Me izava otivima, Atrivim Asa uan mɨdorozir gumaziba ko, me dɨkavigha me ko mɨsoghasa zui. Judaba ghua Maresan nguibar ekiamɨn boroghɨn otivigha, Sefatan danganir zarimɨn Seran mɨdorozir gumaziba batifi. Egha mɨdorozir gumazir okoruar kamning uaning mɨsoghasavɨra gara iti.

Onger Akaba 20:8

Gumazamizir kamaghɨn amiba, me asaghpora ira bar puvarɨsi. E puvatɨ. E dɨkavigh tuivigh gavgavigham.