1 Samuel 17:24 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁴ Ezɨ Israelia Goliatɨn garava bar atiatigha are.

1 Samuel 17:24 ပူးပေါင်းရင်းမြစ်များ

Aisaia 30:17

Ian apanibar mɨdorozir gumazir vamɨra izɨ mɨsoghsɨ dɨmtɨ, ian 1,000plan mɨdorozir gumaziba puv aregham. Egh men mɨdorozir gumazir 5plara izɨ ian dɨmtɨ, ia bar moghɨra dɨkavigh nguibar ekiam ategh aregham, eghtɨ gumazitam ua ikian kogham. Eghtɨ ian gumazir ikiavɨra itir varazira bar uarira ikiam, mati me inir avɨzim guasa temer vamɨra mɨghsɨar itimɨn a kuasa.

Aisaia 7:2

Judan Atrivim Ahas, a Devitɨn ovavir borim, a kamaghɨn oraki, “Siriabar mɨdorozir gumaziba Israelian mɨdorozir gumazibar akuraghasa Israelɨn nguazimɨn izegha gɨfa.” Ezɨ atrivim uan gumazamiziba ko, me bar puvɨram atiatia bar puv nɨsi, mati amɨnim temebagh ivai.

1 Samuel 17:11

Ezɨ Sol uan mɨdorozir gumaziba ko akar kam baregha, me bar atiatigha nɨghnɨzir avɨribagh ami.

Godɨn Araziba 32:30

Men Ikiavɨra Itir Godɨn gavgavim, a men dagɨar ekiar gavgavimɨn mɨn iti. Egha a men aghuagha me ataki. Ezɨ ia bizir Israelia batozir kam gɨnɨghnɨgh: manmaghsua, apanir vamɨra Israelian 1,000pla mɨsogha me abɨni? Ezɨ manmaghsua apanir pumuning, Israelian 10,000pla mɨsogha me abɨni? Bar guizbangɨra, bizir kamɨn mɨngarim kamakɨn: Men God men aghuagha akɨrim ragha me gasara.

Dɨboboniba 13:33

Bar guizbangɨra, Anakɨn ovavir boriba bar ruarigha ekefe. E uarir gari, e bar suvigha pura gumazir kɨniba, egha odezibar mɨn gari. E fo, me ti en gantɨ, e bar suvigh odezibar mɨn ganam.”

Ofa Gami 26:36

Eghtɨ ian varazira mɨdorozimɨn arɨmɨghireghan kogh, egh mangɨ apanibar kantrin ikiam. Eghtɨ kɨ ia damutɨ ia bar puvɨram atiating, egh ia oraghtɨ, amɨnim temer dafaribagh ivangtɨ, da tɨngaghɨtɨ, ia da baregh puram atiating aregham, mati apaniba gumazibar agɨntɨzima me ari. Eghtɨ apaniba ian gɨntɨghan kogham, ia puram arɨ mangɨ tintinibar uarir ghuanang daghiram. Eghtɨ apaniba ti ia ko mɨsoghtɨ, ia me ko mɨsoghamin gavgaviba puvatɨgham.

1 Samuel 17:23

A me ko mɨgɨavɨra itima, Filistian mɨdorozir gumazir bar gavgavim Goliat, a Getɨn nguibar ekiamɨn gumazim, a Filistian mɨdorozir gumaziba ategha iza azenara tugha, Israelian dɨa mɨgeir akar kamra uam a gami, ezɨ Devit a barasi.

1 Samuel 17:25

Egha Israelia kamaghɨn uariv gei, “Ia gumazir munamɨn ganɨva an dɨmdiam baragh. A mɨdorozim bagha e gaghora en ingaravati. Ezɨ en atrivim kamaghɨn mɨgei, gumazitam Filistian kam mɨsueghtɨ an aremeghtɨ, a dagɨar avɨriba ko bizir avɨriba a danɨngam, egh a uaghan uan guivim ateghtɨ, gumazir kam an ikiam. Eghtɨ atrivim uaghan gumazir kamɨn adarazi da dagɨaba inian kogham, egh atrivim uaghan uan ingangariba bagh men dɨman kogham.”