1 Samuel 15:29 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁹ Bar guizbangɨra, Ikiavɨra Itir God, a Israelian God, a nguazir kamɨn gumazim puvatɨ. Kamaghɨn amizɨ, a ifarir puvatɨgha uan nɨghnɨziba otavkɨrir puvatɨ. Bar puvatɨ. Kamaghɨn, e fo, God uan akam uam a giraghan kogham. Bar puvatɨ.”

1 Samuel 15:29 ပူးပေါင်းရင်းမြစ်များ

Esekiel 24:14

Kɨ Ikiavɨra Itir God kamaghɨn mɨkeme, kɨ ia gasɨghasɨghamin dughiam izi. Kɨ a damu, egh ian arazir kuraba ateghan kogham. Egh ian apangkuvighan kogham. Kɨ ia amizir arazir kuraba tuisɨgh, da bagh ivezir kuram ia danɨngam. Kɨ Ikiavɨra Itir Godɨn Ekiam, kɨ kamaghɨn mɨkemegha gɨfa.”

Dɨboboniba 23:19

God a gumazamizibar mɨn ikia ifarir puvatɨ. Egha gumazamizibar mɨn ikia uan nɨghnɨzim gɨghavkɨrir puvatɨ. A bizir manam damuasa akar dɨkɨrɨzim gami, an a damuam. A mɨgeir biziba otivaghiri.

Taitus 1:2

Kɨ me damutɨ, me nɨghnɨzir gavgavim Godɨn ikɨva, egh God me danɨngamin zurara itir ikɨrɨmɨrir aghuarim mɨzuamam. Fomɨra fomɨra nguazir kam otozir puvatɨzir dughiamɨn, an akar dɨkɨrɨzim e ganigha gɨvagha ghaze, a ikɨrɨmɨrir kam e danɨngam. A Godɨn ifarir puvatɨzim.

Hibru 6:18

Egha datɨrɨghɨn akar pumuning iti, kar Godɨn akar dɨkɨrɨzim, ko Godɨn arazir uan ziam dɨborim, aning otevkɨnighan kogham. God uabɨ ifarir puvatɨ. Kamaghɨn amizɨ, e gumazamizir ara ghua Godɨn boroghɨn mongeziba, e Godɨn akar dɨkɨrɨzim gɨnɨghnɨgh egh e uan naviba gavgavim dar anɨng, egh bizir aghuir e fogha iniamiba mɨzuamvɨra ikiam.

2 Timoti 2:13

Eghtɨ e an gɨn mangɨsɨ a ko akam akɨrigh, egh gɨn e uan akar kamɨn gɨn mangan koghtɨ, a uan akar an amizimɨn gɨn mangɨvɨra ikiam. A uabɨ uan akam giraghan kogham. Bar puvatɨ.”

Onger Akaba 95:11

Kamaghɨn amizɨ, kɨ anɨngaghegha kamaghɨn me mɨgɨa ghaze, ‘Me nan aghuvsazir danganimɨn aven mangɨghan kogham. Bar puvatɨ!’ ”

2 Korin 12:9

Ezɨ a kamaghɨn na mɨgei, “Nan apangkuvim nɨ baghavɨra iti, eghtɨ nɨ bizitamɨn oteveghan kogham. Guizbangɨra, nan gavgavim, gumazamizir gavgaviba puvatɨziba, bar me gizefi.” Ekiam kamaghɨn mɨkemezɨ, kɨ datɨrɨghɨn gumazir gavgaviba puvatɨzimɨn mɨn ikia bar akuegha iti, eghtɨ Kraisɨn gavgavim na ko ikɨ na avaragham.

Joel 3:16

Ikiavɨra Itir God, Jerusalemɨn aven Saionɨn Mɨghsɨamɨn pamtemɨn deima, an dɨmdiam mati ararim dagarvasi, ezɨ overiam ko nguazim nɨsi. Ezɨ God uan gumazamizibagh eghufi, eghtɨ me ikuvighan kogham. A Israelian mogomer danganimɨn mɨn iti.

Aisaia 45:24

Egh me kamagh mɨkɨm suam, Godra arazir aghuimɨn en akurvagha gavgavim e ganɨdi. Eghtɨ gumazamizir an anɨngagheziba, bar moghɨra an damazimɨn izɨ, egh aghumsɨzir ekiam inigham.

Onger Akaba 68:35

Israelian God uan Dɨpenimɨn iti, ezɨ e an atiatingam. A gavgavir ekiam isa uan gumazamizibagh anɨdi. E Godɨn ziam fam!

Onger Akaba 29:11

Ikiavɨra Itir God uan gumazamiziba gavgavim me ganɨga, deragha me gamua dabirabir aghuim ko navir amɨrizim me ganɨdi!

Filipai 4:13

Krais zurara gavgavim na ganɨdi, ezɨ an akurvazimɨn kɨ biziba bar dar amuamin gavgavim iti.

Godɨn Araziba 33:27

Godɨn Zurara Itim, an en mogomer danganim. A zurara uan dafarimningɨn ian suigha ia ataghɨrazir puvatɨ. Ia mangɨ Kenanɨn nguazim iniamin dughiam a ian faragh mangɨ, ian apaniba batuegh ia mɨkemeghtɨ, ia mangɨ me mɨsoghɨrarigham.

1 Eghaghaniba 29:11

Nɨ gavgavir bar ekiam ikia, ziar ekiam ikia, bar pɨn mar iti, nɨ bar faragha iti. Bar guizbangɨra, overiam ko nguazimɨn itir bizir kaba bar nɨn biziba. Kamaghɨn amizɨ, nɨ biziba bar dagh ativagha dar atrivir ekiam.

Hibru 7:21

God uabɨ guizbangɨra mɨkemezɨ, tuavir kamɨn Iesus ofa gamir gumazimɨn oto. God kamaghɨn mɨkeme: “Ekiam bar guizbangɨra mɨkemegha akar dɨkɨrɨzim gamua ghaze, ‘Nɨ ofa gamir gumazimɨn ikɨ mamaghɨra ikiam,’ egh uan nɨghnɨzim giraghan kogham.”