1 Samuel 14:38 - Godɨn Eghaghanim: Akar Gavgavir Dɨkɨrɨzir Ghurim ko Igiam

³⁸ Ezɨ Sol kamaghɨn Israelian gumazir dapanibav gei, “Ia izɨ. E uarira uarir buri fofogham, tina arazir kuram gamizɨ, Ikiavɨra Itir God en akam barazir puvatɨ.

1 Samuel 14:38 ပူးပေါင်းရင်းမြစ်များ

Sekaraia 10:4

Eghtɨ Judan anababar tongɨn, gumazir dapanir gavgavir maba otivam, egh me mati dɨpenim aterir dagɨaba ko, dɨpenim aterir guariba ko, mɨdorozir barir pibar mɨn ikiam.

Onger Akaba 47:9

Gumazamizibar gumazir dapaniba, me Abrahamɨn Godɨn gɨn zuir gumazamiziba ko uari akuvagh ikiam. Nguazimɨn itir atriviba bar men mɨdorozir gumazibar oraba, da bar Godɨn biziba. Eghtɨ me bar an ziam fam!

2 Samuel 18:3

Ezɨ me kamaghɨn a mɨgei, “Puvatɨ. Nɨ e ko mangan kogham. E bar mɨdorozimɨn areghtɨ, me e gɨnɨghnɨghan kogham. Egh me en taraziv sueghtɨ, e arɨmɨghireghtɨ, me uaghan gumazir aremezibagh nɨghnɨghan kogham. Ezɨ nɨ e ko mangɨtɨ, me nɨ mɨsueghtɨ nɨ aremeghtɨ, bizir kam mati me 10,000plan gumazibav soghezɨ me bar ariaghire. E ghaze, kamaghɨn ti deragham, nɨ nguibar ekiamɨn kaghɨra ikɨ. Eghtɨ e gumaziba o bizitabar oteveghtɨ, nɨ e bagh da amangam.”

Gumazir Dapaniba 20:2

Ezɨ Israelian anababa vaghvagha dar gumazir dapaniba bar moghɨra Godɨn gumazamizibar ivɨriar ekiam bagha ize. Ezɨ mɨdorozir gumazibar dɨbobonim 400,000pla uaghan iti, kar mɨdorozir sababar mɨsozir gumaziba.

Josua 7:11

Israelia arazir kuram gamigha gɨfa. Kɨ faragha Jerikon nguibamɨn biziba inian men anogoroke, ezɨ me nan akam batoke. Egha bizir kɨ asɨghasɨghasa mɨkemeziba, me da inigha, ifara bizir kaba, uan bizibar tongɨn da monge.

Dɨboboniba 24:17

Kɨ gɨn otivamin bizibar gara, egha uaghan Israelian gari. Atrivir mam men tongɨn otogh, ziar ekiam ko gavgavim ikiam, egh mɨkovezir angazangarim itimɨn mɨn ikɨ gumazamizibagh siragham. Egh Moapɨn gumazir dapanibav sogh bar me agɨvagham. Egh Setɨn ikɨzimɨn gumazamiziba bar me abɨragham.

Efesus 2:20

Ia uaghan mati God ingarizir dɨpenimɨn mɨn iti. Gumazim dɨpenim ingarasa ter akɨniba kuazizɨ moghɨn, God aposelba ko uan akam inigha izir gumazibav sevezɨ me tuivigha ingangarim gami. Ezɨ Krais Iesus, a uabɨ dɨpenir guarimɨn mɨn iti.

Matyu 21:42

Ezɨ Iesus kamaghɨn men azai, “Ia Godɨn Akɨnafarimɨn aven itir osizirir kabar ganis, o puvatɨ? Osizirir kaba kamaghɨn mɨgei: “ ‘Kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava. Ekiam uabɨ arazir kam gamizɨma an oto. Ezɨ e an garima, a bar dera.’

Josua 7:12

Bizir kam bangɨn, Israelia tugh uan apaniba ko mɨsoghan gavgaviba puvatɨ. Me datɨrɨghɨn bar moghɨra ikuvigham, kamaghɨn amizɨ, me uan apanibar ari. Bizir kɨ ian anogorogheziba, ia dagh asɨghasighan koghtɨ, kɨ ua ia ko ikian kogham.