1 Samuel 14:27 - Godɨn Eghaghanim: Akar Gavgavir Dɨkɨrɨzir Ghurim ko Igiam

²⁷ Ezɨ Jonatan kamaghɨn oraghizir puvatɨ, an afeziam daghebar aman uan mɨdorozir gumazibar anogoroke. Egha a suigha aruir aghorimɨn ruaghatevimɨn hani garugha aneme. An amegha gɨvagha zuamɨra ua gavgavim ini.

1 Samuel 14:27 ပူးပေါင်းရင်းမြစ်များ

1 Samuel 30:12

Egha me fighɨn ikɨzir muziarir apuzizir mam ko wainɨn ovɨzir apuzizir ikɨzir pumuning a ganɨngi. Ana aruer 3pla ko dɨmagarir 3plan dagheba ko dɨpatam amezir puvatɨgha, mɨtiriam bangɨn mɨkɨrɨgha, gavgaviba bar puvatɨ. An amegha gɨvagha ua gavgavim ini.

1 Samuel 14:43

Ezɨ Sol Jonatanɨn azara, “Nɨ tizim gami?” Ezɨ Jonatan ghaze, “Kɨ hanin bar muziarim asadivir aghorir kɨ suirazimɨn ruaghatevimɨn a inigha aneme. Ezɨ markɨ, kɨ aremegham.”

1 Samuel 14:29

Ezɨ Jonatan kamaghɨn gumazir kam mɨgei, “Nan afeziamɨn akar kam, osɨmtɨzim isa en nguazir kamɨn itir gumazibagh anɨngi. Ia nan gan. Kɨ hanin bar muziarim amegha ua gavgavim ini.

Aghuzir Akaba 25:26

Gumazir kuram arazir kuram damusɨ gumazir kuram gekuigham, a mati mozir par aghuim negenem an oto.

1 Samuel 14:28

Ezɨ gumazir mam kamaghɨn Jonatan mɨgei, “Nɨn afeziam dughiar kamɨn daghebar aman en anogoroke, kamaghɨn amizɨ e mɨtiriam bangɨn amɨra. A pamtemɨn kamaghɨn e mɨgei, gumazitam daghetam ameghtɨ God a gasɨghasɨgham.”

Aghuzir Akaba 24:13

Nan borim, nɨ hanibar amɨ. A bar nɨn akamɨn isɨngi.