1 Samuel 13:7 - Godɨn Eghaghanim: Akar Gavgavir Dɨkɨrɨzir Ghurim ko Igiam

^7-8 Ezɨ marazi Jordanɨn Fanemɨn vongɨn otogha Gat ko Gileatɨn nguazimɨn vongɨn ghue. Sol Israelian gɨn mɨdorozim bagha ghuzir puvatɨ. Samuel faragha 7plan dughiabar Gilgalɨn uabɨn mɨzuamasa a mɨkeme. Kamaghɨn amizɨ, a Gilgalɨn ikia a mɨzuai. Ezɨ gumazamizir a ko itiba me kamaghɨn oraki, Filistiaba mɨdorozimɨn Israelia abɨni, ezɨ me bar atiatingi. Ezɨ 7plan dughiaba gɨvazɨ Samuel izezir puvatɨ. Ezɨ gumazamizir maba uari amɨkɨrvagha Sol ataghɨragha tintinibar zui.

1 Samuel 13:7 ပူးပေါင်းရင်းမြစ်များ

Gumazir Dapaniba 7:3

Kamaghɨn amizɨ, nɨ kamaghɨn me mɨkɨm, ‘Gumazir manam atiati, a Gileatɨn Mɨghsɨam ategh uamategh uan nguibamɨn mangɨ.’ ” Ezɨ Gideon kamaghɨn me tuisɨgha, me mɨkemezɨma, 22,000plan mɨdorozir gumaziba dɨkavigha uamategha ghue. Ezɨ 10,000plan mɨdorozir gumaziba ikiavɨra iti.

Godɨn Araziba 28:25

“Eghtɨ Ikiavɨra Itir God, ian apanibar amamangatɨghtɨ, me ia dɨkabɨragham. Ia me ko mɨsoghsɨ tuavir vamɨran mangɨva, egh men arɨ tuavir avɨribar tintinibar mangegham. Eghtɨ nguazir kamɨn ikɨziba bar dar gumazamiziba ian gantɨ, bizir kurar kaba ia bativtɨma, me dɨgavir kuram damuam.

Godɨn Araziba 20:8

“Egh mɨdorozir gumazibar dapaniba ua kamaghɨn, uan mɨdorozir gumazibav kɨm suam, ‘Gumazitaba ti kagh ikia mɨsoghan atiatia egha agoa ikiama? Ian tina kagh ikia kamaghɨn ami, a uamategh uan nguibamɨn mangɨ. A kamaghɨn damu mɨdorozir gumazir igharazibar amutɨ, me uaghan atiatingam.’

Godɨn Araziba 3:12

Moses kamaghɨn Israelia mɨgɨa ghaze, “E nguibar kaba inigha gɨvagha, kɨ nguazir kabar maba Ruben ko Gatɨn anabamningɨn adarazigh anɨngi. Men nguazim, Arnonɨn Fanemɨn boroghɨn itir nguibam Aroer, a nguazir notɨn amadaghan itim. Egha uaghan kɨ Gileatɨn itir mɨghsɨaba itir danganimɨn nguazir akuar mam ko an nguibaba me ganɨngi.

Ofa Gami 26:17

Egh kɨ uabɨ ian apanim damuam. Kɨ gumazir igharaziba amadaghtɨ, me izɨ ia mɨsogh ia dɨkabɨnam. Eghtɨ gumazir kaba ia gativagham. Apaniba tɨghar ia bagh izɨ ia gɨntɨghamin dughiamɨn, ia puram atiating aregham.

Josua 13:8

Ikiavɨra Itir Godɨn ingangarir gumazim Moses, a fomɨra Rubenɨn anabamɨn adarasi, ko Gatɨn anabamɨn adarasi, ko Manasen anabar me tuirazimningɨn faragha zuimɨn adarasi, nguazir maba me ganigha gɨfa. Men nguaziba aruem anadi naghɨn Jordanɨn Fanemɨn vongɨn iti.

Josua 13:11

Egha me uaghan Gileatɨn nguazim isava, Gesur ko Makatɨn Distrik sara inigha, uaghan Hermonɨn mɨghsɨam sara, bar ada ini. Egha Basanɨn Distrighɨn danganiba bar ada inigha, ghua Salekan nguibamɨn tu.

1 Samuel 17:11

Ezɨ Sol uan mɨdorozir gumaziba ko akar kam baregha, me bar atiatigha nɨghnɨzir avɨribagh ami.

1 Samuel 31:7

Ezɨ Israelian Jordanɨn Fanemɨn vongɨn itiba, ko Jesrilɨn danganir zarimɨn vongɨn itiba kamaghɨn oraki, Israelian mɨdorozir gumaziba are. Me uaghan kamaghɨn oraki, Sol uan otariba ko, me bar ariaghire, ezɨ me uan nguibar ekiaba ategha are. Ezɨ gɨn Filistiaba iza nguibar kaba inigha dar iti.