1 Samuel 12:6 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁶ Egha Samuel ua kamaghɨn me mɨgɨa ghaze, “Are, Ikiavɨra Itir God fogha gɨfa. A fomɨra Moses ko Aron amɨsefe, egha ian inazir afeziaba Isipɨn kantrin me inigha azenan kagh ize.

1 Samuel 12:6 ပူးပေါင်းရင်းမြစ်များ

Maika 6:4

Guizbangɨra, kɨrara dughiar ia Isipɨn kalabusɨn itimɨn ia inigha azenan ize. Kɨ tuavim ian akaghasa, Moses ko, Aron ko, Miriam, me amadazɨ, me ian faragha ghua ia inigha ize.

Ua Me Ini 6:26

Ezɨ Aron ko Moses aningra, Ikiavɨra Itir God kamaghɨn aning mɨgei, “Gua Israelian anababa bar, dar ikɨziba vaghvagh me inigh, egh Isipɨn azenan mangɨ.”

Onger Akaba 105:41

A dagɨam gamizɨ, a kuiaghirɨzɨma, dɨpam otogha ivemara ghua dɨpaba puvatɨzir danganimɨn Faner ekiamɨn mɨn oto.

Onger Akaba 99:6

Moses ko Aron, aning Ikiavɨra Itir Godɨn ofa gamir gumazimningɨn iti. Samuel uaghan God ko mɨgeir gumazir mam. Me bar Ikiavɨra Itir God ko mɨgeima, a me baragha me ikarvasi.

Hosea 12:13

Israelia Isipɨn itir dughiamɨn, Ikiavɨra Itir God uan akam inigha izir gumazir mam amada, ezɨ a me inigha Isip ataki. Egha akam inigha izir gumazir kam deravɨra me geghufi.

Onger Akaba 105:26

Gɨn, God uan ingangarir gumazim Moses ko Aron, a mɨsevezir gumazim, an aning amada, ezɨ aning Isipɨn kantrin zui.

Ua Me Ini 6:27

Ezɨ gumazir kamningra, Moses ko Aron, aning Israelian amamangatɨghtɨ me fɨrighɨreghasa Isipɨn atrivim mɨkeme.