1 Samuel 1:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ Dughiar mamɨn me Silon ikia amegha gɨvagha, Hana dɨkavigha ghua Ikiavɨra Itir Godɨn Purirpenimɨn azenan an damazimɨn mɨtɨ. Dughiar kamɨn ofa gamir gumazim Eli, uan dabirabim inigha Ikiavɨra Itir Godɨn Purirpenimɨn tiar akamɨn azenan, a gaperaghav iti.

1 Samuel 1:9 ပူးပေါင်းရင်းမြစ်များ

1 Samuel 3:3

Ezɨ Samuel Godɨn Purirpenimɨn ikia, Godɨn Akar Dɨkɨrɨzir Gavgavimɨn Boksiam itir danganim gakui. Dughiar kamɨn Godɨn Dɨpenimɨn itir lam a isiavɨra itima,

Onger Akaba 27:4

Kɨ bizir vamɨra bagha Ikiavɨra Itir Godɨn azaragha gɨfa. Bizir kɨ bar ifongezimra kara: kɨ angamɨra itir dughiamɨn, kɨ an Dɨpenimrama aven ikiam. Kɨ an ganganir aghuimɨn gan an boroghɨn ikɨ bar akueghasa. Kɨ an Dɨpenimɨn ikɨ a baghvɨra ikɨva an nɨghnɨzim gɨfofoghsɨ an azangam.

Onger Akaba 5:7

Nɨ zurara nan apangkufi, kamaghɨn, kɨ nɨn Dɨpenir mɨriamɨn aven mangam. Kɨ dɨpenir nɨ ua bagha inabazimɨn izɨ, nɨn atiatigh uan tevimning apɨrigh nɨn ziam fam.

2 Samuel 7:2

Egha atrivim kamaghɨn akam inigha izir gumazim Natan mɨgei, “Kɨ dɨpenir aghuir me sidan temebar ingarizim gaperaghav iti. Ezɨ Godɨn Akar Dɨkɨrɨzir Gavgavimɨn Boksiam, a purirpenimɨn iti. Bizir kam ti derazir puvatɨ.”

1 Samuel 3:15

Ezɨ Samuel akar kam baregha uan mɨsiamɨn akua ghua amɨnim tira. Egha a ghua Ikiavɨra Itir Godɨn Purirpenimɨn tiar akam kui. Egha Samuel uan irebamɨn mɨn garir bizimɨn gun, Elin mɨkɨman atiatingi.

Onger Akaba 29:9

Ikiavɨra Itir Godɨn tiarim pamtem asɨzir atiabagh amima, da agoa otamin dughiaba ataghɨragha puram oti. Ezɨ ruarimɨn ter afarir angamtɨziba purama asiaghira iri. Ezɨ Godɨn Dɨpenimɨn aven itir gumazamiziba bar pamtem dɨa ghaze, “God uabɨra gavgavim ko ziar ekiam iti!”

Ua Me Ini 21:6

eghtɨ an gumazir dapanim a inigh Godɨn Dɨpenimɨn mangɨ. Egh ingangarir gumazim tiar akam o temer tiar akamɨn mɨriamɨn asaraghav itimɨn boroghɨn tughɨv ikɨ. Eghtɨ an gumazir dapanim dɨkonir tam inigh, egh an kuarim okoregham. Arazir kamɨn a gumazir dapanir kamɨn ingangarir gumazir kɨnimra ikɨ mangɨtɨ, an ovevemɨn dughiam otogham.

1 Samuel 1:10

Ezɨ Hana bar osemegha bar paza uabɨ baragha aziava, Ikiavɨra Itir God ko mɨgei.

1 Samuel 4:13

Ezɨ Eli Silon nguibamɨn tuavimɨn mɨriamɨn uan dabirabim gaperaghav iti. A pamtemɨn Ikiavɨra Itir Godɨn Boksiam gɨnɨghnɨgha gara iti. Ezɨ mɨdorozir gumazir kam, mɨdorozir otozimɨn arazimɨn gun gumazamizibagh eghanasa, Silo nguibamɨn aven izi. Ezɨ gumazamiziba oregha bar osemegha, pamtemɨn diava arai.