1 Samuel 1:22 - Godɨn Eghaghanim: Akar Gavgavir Dɨkɨrɨzir Ghurim ko Igiam

²² Ezɨ Hana me ko zuir puvatɨgha kamaghɨn uan pam mɨgei, “Borim tong ekevegh gɨvagh otem ateghtɨ, kɨ a inigh Ikiavɨra Itir God danɨngam. Eghtɨ a Ikiavɨra Itir Godɨn damazimɨn ikɨ mamaghɨra ikiam.”

1 Samuel 1:22 ပူးပေါင်းရင်းမြစ်များ

1 Samuel 1:28

Kamaghɨn amizɨ, kɨ a isa Ikiavɨra Itir God ganɨdi. Eghtɨ an ikɨrɨmɨrim zurara Ikiavɨra Itir God baghvɨra ikɨ an ingangarim damuam.” Egha me dapaniba avigha Ikiavɨra Itir Godɨn ziam fe.

1 Samuel 1:11

Egha Hana akar gavgavim Ikiavɨra Itir God ko anekɨra ghaze, “O Ikiavɨra Itir Godɨn Gavgaviba Bar Itim, kɨ nɨn ingangarir amizim, nɨ nan ganɨva nan apangkuvasa, kɨ ifonge. Nɨ nan osɨmtɨzir kamɨn gan na gɨnɨghnɨgh. Ga uaning, nɨ na bakɨnɨghnɨghan markɨ. Egh nɨ otaritam na danightɨ, kɨ a isɨ nɨ danɨngightɨ a nɨn ingangarir gumazimɨn ikɨ mangɨ uan ovevem batogham. Eghtɨ bizir kamɨn ababanim bagh, me an dapanir arɨzim apɨran kogham.”

Luk Osirizir Akar Aghuim 2:22

Ezɨ Moses Osirizir Arazibar mɨn amebam Godɨn damazimɨn zueghamin dughiam otozɨma, Maria ko Josep borim inigha Ekiam danɨngasa Jerusalemɨn zui.

1 Samuel 3:1

Ezɨ otarir igiam Samuel, a Elin apengan ikia, Ikiavɨra Itir Godɨn ingangarim gami. Azenir avɨriba ghuezɨma, Ikiavɨra Itir God mɨgɨrɨgɨar avɨriba Israelia ganɨngizir puvatɨ. Dughiar vabara a irebamɨn mɨn garir bizibar aven a me mɨgei.

1 Samuel 2:18

Dughiar kamɨn Samuel uan mugamra ikia ofa gamir gumazimɨn inir ghurghurir aghuim ikegha, Ikiavɨra Itir Godɨn ingangarir kam gami.

1 Samuel 2:11

Hana Ikiavɨra Itir God ko mɨkemegha gɨvagha, Elkana ko ua Raman nguibamɨn ghu. Ezɨ an otarir dozim Samuel, a Silon ikia ofa gamir gumazim Elin apengan ikia, an akurvagha Ikiavɨra Itir Godɨn ingangarim gami.

Godɨn Araziba 16:16

“Eghtɨ Ia azeniba vaghvagh dar dughiar 3plan, ian gumazibara dɨkavigh, Ikiavɨra Itir God, ian God, uan ziam fɨsɨ mɨsɨvamin danganimɨn izɨ, an damazimɨn otivigh an ziam fɨ. Dughiar 3plan kaba kamakɨn, Yis Puvatɨzir Bretɨn Isam Damuamin Dughiam, ko Azenibar Dagher Igiaba Asiamin Dughiamɨn Isar Ekiam, ko Averpenibar Ikiamin Dughiar Ekiam. Ia bar vaghvagh dafarir kɨnibar Ikiavɨra Itir Godɨn damazimɨn izan markɨ.

Ofa Gami 25:23

Ikiavɨra Itir God ua kamaghɨn mɨgei, “Gumazir igharazitam ia da nguazim givezegh, dughiar ruarimɨn an suighan markɨ. Kar guizbangɨra ian nguazim puvatɨ. Kar Ikiavɨra Itir Godɨn nguazim, ezɨ kɨ Israelia ian taghizɨ ia an iti, mati gumazamiziba nguibar igharaziba ataghizɨ me men nguazibar iti.

Aisaia 9:7

Eghtɨ atrivir kam, Atrivim Devitɨn danganim inigh, Devitɨn atrivir dabirabim daperagh gumazamizibar ganam. Eghtɨ a gumazamizibagh ativagh men ganamin gavgavir kam, an ekɨv mangɨvɨra ikiam. Kamaghɨn mɨdoroziba ua puvatɨghtɨ, gumazamiziba navir amɨrizimɨn ikia, deraghvɨra dapiagh ikɨ mamaghɨra ikiam. Atrivir kam, guizɨn arazimɨn gɨn ghua biziba deragha da tuisɨgha, Godɨn arazir aghuibara amuasavɨra iti. A kamaghɨn damutɨ, an atrivir ingangarim datɨrɨghɨn ikegh gavgavigh mangɨvɨra ikiam. Ikiavɨra Itir Godɨn Gavgaviba Bar Itim, uan gumazamiziba guizbangɨra bar me gifonge, kamaghɨn amizɨ, a bizir kam damightɨ an otogham.

Onger Akaba 110:4

Ikiavɨra Itir God Akar Gavgavim nɨ koma anekɨrigha gɨfa, egh uan nɨghnɨzim giraghan kogham. A ghaze, “Nɨ ofa gamir gumazimɨn ikɨ mamaghɨra ikiam. Nɨ Melkisedeghɨn mɨn ofa gamir gumazimɨn ikiam.”

Onger Akaba 27:4

Kɨ bizir vamɨra bagha Ikiavɨra Itir Godɨn azaragha gɨfa. Bizir kɨ bar ifongezimra kara: kɨ angamɨra itir dughiamɨn, kɨ an Dɨpenimrama aven ikiam. Kɨ an ganganir aghuimɨn gan an boroghɨn ikɨ bar akueghasa. Kɨ an Dɨpenimɨn ikɨ a baghvɨra ikɨva an nɨghnɨzim gɨfofoghsɨ an azangam.

Onger Akaba 23:6

Bar guizbangɨra, nɨn arazir aghuim ko apangkuvir arazim, dughiabar zurara na ko ikiam. Eghtɨ kɨ Ikiavɨra Itir Godɨn Dɨpenimɨn ikɨ mamaghɨra ikiam.

Josua 4:7

Eghtɨ ia kamaghɨn me mɨkɨm suam, Ikiavɨra Itir Godɨn Akar Dɨkɨrɨzir Gavgavimɨn Boksiam, Jordanɨn Fanem abɨghizɨ, dɨpam dakezir dughiamɨn, me dagɨar kaba ini. Egh dagɨar kaba kagh ikɨtɨ Israelia dar gan, dughiar kam gɨnɨghnɨgh mangɨvɨra ikiam.”

Ua Me Ini 21:6

eghtɨ an gumazir dapanim a inigh Godɨn Dɨpenimɨn mangɨ. Egh ingangarir gumazim tiar akam o temer tiar akamɨn mɨriamɨn asaraghav itimɨn boroghɨn tughɨv ikɨ. Eghtɨ an gumazir dapanim dɨkonir tam inigh, egh an kuarim okoregham. Arazir kamɨn a gumazir dapanir kamɨn ingangarir gumazir kɨnimra ikɨ mangɨtɨ, an ovevemɨn dughiam otogham.

1 Samuel 13:13

Ezɨ Samuel kamaghɨn a mɨgei, “Arazir nɨ amizir kam bar onganigha derazir puvatɨ. Nɨ Ikiavɨra Itir God, nɨn God, nɨ ganɨngizir Akar Gavgaviba nɨ dar gɨn zuir puvatɨ. Nɨ ti an akabar gɨn ghuai, a nɨ ko nɨn ovavir boriba ataghizɨ, ia zurara Israelia gativagha ikiai.

1 Samuel 28:2

Ezɨ Devit a mɨgɨa ghaze, “Kɨ fo, kɨ nɨn ingangarir gumazim, nɨ gɨn nan ingangarir aghuir kɨ damuamimɨn ganam.” Ezɨ Akis ghaze, “Bar dera. Kɨ zurara uabɨ geghuv uabɨn ganamin ingangarim nɨ danɨngam.”