1 Samuel 1:15 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁵ Ezɨ Hana kamaghɨn an akam ikaragha ghaze, “Gumazir ekiam, kɨ dɨpar onganitam amezir puvatɨ, bar puvatɨ. Nan navim, osɨmtɨzim bar a itaragha uaghirima, kɨ bar oseme. Egha kɨ uan osɨmtɨzim isa Ikiavɨra Itir God ganɨga a ko mɨgei.

1 Samuel 1:15 ပူးပေါင်းရင်းမြစ်များ

Onger Akaba 62:8

Nan adarasi, ia zurara nɨghnɨzir gavgavim Godɨn ikɨ. Egh osɨmtɨzir ia itiba ko nɨghnɨzir ia itiba, ia bar da isɨ a danɨng. E ia a bagh mangɨ an aven mongegh deraghvɨra ikiam. (Ighiam gamua an suiam atugha avughsegha ua ighiam gami.)

Onger Akaba 42:4

Kɨ fomɨra gumazamizir avɨrimɨn faragha ghua me inigha Godɨn Dɨpenimɨn aven ghu. Kɨ me ko zuir dughiamɨn, gumazamizir avɨrir kam Godɨn ziam fa a mɨnabava pamten tiariba akara onger akabagh ami. Kɨ bizir kabagh nɨghnɨgha egha nan navim bar moghɨra biaghɨrɨ.

Onger Akaba 143:6

Kuarim na mɨsɨngizɨ, kɨ dɨpatamara amasa bar ifongezɨ moghɨn, nan duam nɨ ko mɨkɨmasa bar ifonge. (Ighiam gamua an suiam atugha avughsegha ua ighiam gami.)

Aghuzir Akaba 15:1

Gumazim nɨn anɨngagham, nɨ nɨmɨram an akam ikarvaghtɨ, an anɨngagharim amɨragham. Egh nɨ uan akabar gumazir igharazim pazav a mɨkemegh, a damightɨ a bar puvɨra nɨn anɨngaghegham.

Jopɨn Akɨnafarim 30:16

“Ezɨ kɨran oveghangɨn nan ikɨrɨmɨrim gɨvagham, dughiaba bar kɨ osɨmtɨzim ko mɨzazim barasi.

Aghuzir Akaba 25:15

Nɨ nɨmɨra mɨgɨava zuamɨram atarir puvatɨ, nɨ gumazir nɨn akam baraghan aghuazibar amutɨ, me navibagh iragham. Egh nɨ uaghan gumazir dapanibar nɨghnɨzibagh iragham.

1 Samuel 1:16

Nɨ kamaghɨn na gɨnɨghnɨghan markɨ, kɨ amizir kuram. Puvatɨ. Kɨ paza uabɨ baragha nan nɨghnɨziba bar ikufi. Kɨ arazir kam bagha Ikiavɨra Itir God ko mɨgeima nɨ nan gari.”

1 Samuel 7:6

Ezɨ gumazamiziba bar iza Mispan uari akufa. Me mozir dɨpamɨn, Ikiavɨra Itir God bagha ofan mɨn, an dɨpam tuava nguazim ginge. Egha dagheba tagha ikia ghua aruem iraghu. Egha me kamaghɨn Ikiavɨra Itir God mɨgei, “E nɨn damazimɨn arazir kuram gami.” Ezɨ Samuel Mispan Israelian mɨdorozir gumazir dapanimɨn ikia, men kotiaba baragha men mɨgɨrɨgɨaba akɨri.

Onger Akaba 62:9

Gumazir kɨniba mati, amɨnim pura akamɨn otiva zui. Gumazir ziaba itiba, me uaghan pura biziba. E men osɨmtɨziba tuisɨgh fogham, me guizbangɨrama osemes ti. Men osɨmtɨziba akamɨn otivir amɨnim ko magh ghue.

Aghuzir Akaba 14:10

Gumazim uabɨ uan navim gɨfo, an osɨmtɨzim ko a bar akongezir arazim, a uabɨ dagh fo. Ezɨ gumazir igharazitam an navimɨn aven itir bizitam gɨfoghan kogham.