1 Pita 5:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

² Ia Godɨn gumazamiziba deravɨra men gan. Me sipsipbar mɨn ian agharimɨn iti. Tav ia ingangarir kam damusɨ ia abɨntɨma, ia ingaran markɨ. Ia ingangarir kam damuasa God ifonge. Kamaghɨn, ia ifueghɨva ingangarir kam damu. Ia ivezim baghɨva akongɨva ingangarim damuan markɨ. Egh ia gumazamizibar akurvaghsɨ bar ifongegh.

Godɨn Akar Aghuim; Akar Dɨkɨrɨzir Gavgavir Igiam

² Ia Godɨn gumazamiziba deravɨra men gan. Me sipsipbar mɨn ian agharimɨn iti. Tav ia ingangarir kam damusɨ ia bɨntɨma, ia ingaran markɨ. God ingangarir kam ia a damuasa a ifonge. Kamaghɨn, ia ifueghɨva ingangarir kam damu. Ia ivezim baghɨva akongɨva ingangarim damuan markɨ. Egh ia gumazamizibar akurvaghsɨ bar ifongegh.

1 Pita 5:2 ပူးပေါင်းရင်းမြစ်များ

Taitus 1:7

E fo, Kraisɨn adarazir garir gumazamizir dapaniba, me Godɨn ingangaribar garir gumazamiziba. Kamaghɨn me deraghvɨra daru, egh gumazamizibar damazimɨn deraghvɨra ikɨ, kamaghɨn nɨghnɨghan kogh suam, me ziar ekiam inisɨ me gativagh men ganam. Egh me zuamɨram anɨngaghan markɨ. Egh dɨpar onganir avɨribar aman markɨ. Egh me tintinibar gumazamizibav soghan markɨ, egh me uari baghvɨra dagɨar avɨriba inisɨ, nɨghnɨghan markɨ.

1 Timoti 3:8

Kamaghɨra siosɨn ingangarir gumaziba, gumazibar damazibar me ziar aghuim ikɨ. Egh me mɨzer pumuningɨn ikian markɨ, egh wainɨn dɨpar avɨribar amɨva onganan markɨ. Egh dagɨaba bagh bar ikuvigh ifar da inian markɨ.

Taitus 3:1

Nɨ Godɨn gumazamizibav kɨm suam, me gavmanba ko atrivibar apengan ikɨ, egh me men akabar gɨn mangɨ. Egh me zurara ingangarir aghuibar amusɨvɨra ikɨ.

1 Timoti 3:3

A wainɨn dɨpar avɨribar amɨva onganan markɨ. A zuamɨra anɨngaghɨva gumazibav soghan kogham, a men asughasugh. Egh biziba bagh gumazamiziba adoghan markɨ, egh a dagɨaba baghvɨra ikian markɨ.

1 Korin 9:7

Gumazir manam mɨdorozir gumazimɨn ingangarim gamua, uabɨ ua bagha dagheba buri? A guizbangɨra, da burir puvatɨ. Gumazir manam ua bagha azenim oparigha, an dagheba isir puvatɨ? Puvatɨ, an ada iniam. Gumazir manam sipsipbar gara, egha a uabɨ dar oteba apir pu? Puvatɨ, an ada api.

2 Pita 2:3

Ifavarir tisan kaba dagɨar avɨriba baka, kamaghɨn me eghaghanir ifavarir avɨribar amuva, ian dagɨaba ko biziba iniam. Fomɨra God me isɨ kot darɨghasa dughiam atɨgha, ghaze, me bar ikuvigham. Ezɨ God akuir puvatɨ. A fomɨra me mɨkemezɨ moghɨn me gasɨghasɨghasa me bagha gara iti.

Hibru 12:15

Ia bar deraghvɨra uari bagh gan, ian tav irɨgh egh ua Godɨn apangkuvir kam ataghɨraghan markɨ. Eghtɨ ian tav ua temer ovɨzir mɨsozimɨn mɨn otogh osɨmtɨziba Kraisɨn adarazir anɨngan markɨ.

Esekiel 34:31

“Ia nan gumazamiziba, ia nan sipsipbar mɨn ikia, nan nguazimra iti. Ezɨ kɨ daghebar ian akuaghapa, ia geghuva, egha ian Godɨn iti. Kɨ Ikiavɨra Itir Godɨn Ekiam, kɨ mɨkemegha gɨfa.”

Taitus 1:11

Gumazamizir kurar kaba arazir kuram damuva gumazamizibar biziba ko men dagɨaba uari bagh da iniasa. Kamaghɨn amizɨ, me arazir e damuan koghamibar men sure gami. Egha arazir kamɨn me gumazamizir mabar men adarazi sara, men nɨghnɨzir gavgavibagh asɨghasɨsi. Kamaghɨn amizɨ, nɨ me mɨkemeghtɨ me akar katam mɨkɨman markɨ.

Luk Osirizir Akar Aghuim 12:32

Egha Iesus ua kamaghɨn mɨgei, “Ia sipsipɨn bɨzir muziarim, ian Afeziam ia damightɨ, ia Atrivimɨn otivasa a bar akonge. Kamaghɨn ia atiatingan markɨ.

Malakai 1:10

Ezɨ Ikiavɨra Itir Godɨn Gavgaviba Bar Itim ghaze, “Kamaghɨn ti deragham, gumazitam nan Dɨpenimɨn tiar akaba asegham, eghtɨ gumazitam aven mangɨ ofan mɨngariba puvatɨzir kabar amusɨ ofa gamir dakozimɨn avim arɨghan kogham. Kɨ ian arazir kabagh ifongezir puvatɨ. Egh ofan ia na bagha inigha iziba, kɨ da inian kogham.

Sekaraia 11:17

O sipsipbagh eghuvir gumazir bar kurar pura sipsipba kavkɨrim, an apaniba izɨ an agharim ko damazir agharir guvimɨn itim mɨsogh an gavgaviba bar da agɨvagham. Eghtɨ an agharim an amɨraghtɨma, an damazir agharir guvimɨn itim bar an okavigham.”

Maika 7:14

O Ikiavɨra Itir God, nɨ gumazamizir ua bagha mɨseveziba, nɨ me eghuvir gumazimɨn mɨn ikɨ, mati sipsipbagh eghuvir gumazim deravɨra uan sipsipbagh eghufi. Me ruarir arɨzibar mɨghsɨabar ikia, nguazir aghuiba puvatɨ. Ezɨ azenibar ingaramin nguazir aghuiba vɨn iti. Me faragha amizɨ moghɨn, nɨ men amamangatɨghtɨ, me mangɨ Basan Distrik ko Gileatɨn Distrighɨn nguazir aghuibar azenibar ingaram, mati sipsipba grazir aghuiba itir nguazim garua grazir avɨriba api.

Maika 5:4

Eghtɨ gumazir dapanir kam otogh, uabɨ uan gumazamiziba Ikiavɨra Itir Godɨn gavgavimɨn men ganam, mati sipsipbagh eghuvir gumazim deravɨra uan sipsipbagh eghufi. Guizbangɨra, a Ikiavɨra Itir God, an God, an an ziar ekiamɨn me gativagham. Eghtɨ gumazamizir kantrin igharazibar itiba an gavgavim gɨfogham. Eghtɨ an gumazamiziba deragh ikiam.

Maika 3:11

Ezɨ Jerusalemɨn gumazir dapaniba kotɨn dughiamɨn, gumazamizibar amamangatɨzɨ, me modogha dagɨaba me givezegha me gakaghorima, me paza kotiaba tuisɨsi. Ezɨ ofa gamir gumaziba, gumazibar amamangatɨghtɨ me dagɨaba me danɨngtɨ, me Godɨn Akar Gavgavibar mɨngariba abɨgh me mɨkɨmam. Ezɨ akam inigha izir gumaziba uaghan ghaze, me dagɨaba inighɨva, akar mogomebar mɨngariba deragh da abɨgham. Jerusalemɨn gumazir ekiar kaba bar, me kamaghɨn amua ghaze, “Ikiavɨra Itir God e ko iti. Ezɨ bizitam e gasɨghasighan kogham.”

Esekiel 34:23

“Kɨ uan ingangarir gumazim Devit, an ikɨzimɨn gumazitam amɨseveghtɨ, a sipsipbagh eghuvir gumazimɨn ikiam. Egh a deravɨra dar ganam.

Jeremaia 13:17

Ia Ikiavɨra Itir Godɨn gumazamiziba, ia mati an sipsipɨn bɨzim, a deravɨra ia geghufi. Ia nan akam baraghan aghuaghavɨra ikɨtɨ, apaniba izɨ, ia inigh mangɨ, kantrin igharazimɨn pura ingangarir gumazir kɨnibar mɨn ia arigham. Eghtɨ, kɨ uabɨra modogh ikɨva ian ifaghatir arazim gɨnɨghnɨgh, ia bagh pamtem azitɨ, temeriba nan damazimning gizɨvagh izighiram.

Jeremaia 6:13

Men gumazamizir ziaba puvatɨzibar ikegha ghua, gumazamizir ziaba itibar tuziba, me bar moghɨra ifara uari baghavɨra nɨghnɨgha, arazir kurar avɨribagh amua dagɨaba ko biziba isi. Ezɨ gumazir ofa gamiba, ko akam inigha izir gumaziba, me uaghan arazir kurar kamɨn gɨn ghua ifavaribagh ami.

Aisaia 63:11

Egha me gɨn God fomɨram amizir bizibagh nɨghnɨsi. Men nɨghnɨzim uamategha Moses ko an gumazamizibar ghua kamaghɨn mɨgei: “Ikiavɨra Itir God managh iti? A fomɨra uan gumazamiziba ko, men gumazir dapaniba inigha izima, me iza ongarim abigha vongɨn oto. Ikiavɨra Itir God managh iti? A fomɨram uan Duam amadazɨ, a men tongɨn iti.

Aisaia 56:11

Me afiabar mɨn daghem bagha bar ikufi, egha tong izɨvazir puvatɨ. Me mati sipsipbar garir gumazim uan ingangarim gɨfozir puvatɨ. Me vaghvagha uan ifongiabar gɨntɨsi. Me uarira uarigh nɨghnɨgha bizibagh amua uarira uarir akurvasi.

Aisaia 40:11

A sipsipbagh eghuvir gumazimɨn mɨn, uan gumazamiziba deragha me geghuva men gari. A zurara uan agharimningɨn sipsipɨn nguziba akumakua, me isa uan evarim garɨgha, me ateragha arui. A sipsipɨn amebar nguzir bar muziariba itiba, a men asughasugha, me isa tuaviba men akakagha, men akua zui.

Aisaia 6:8

Ezɨ kɨ orazima, Ekiam kamaghɨn enselbar azangsɨsi, “Kɨ tinaram amangam? Tina e bagh akam inigh mangɨ gumazamizibav kɨmam?” Ezɨ kɨ ghaze, “Nɨ na amadaghtɨ, kɨ mangam.”

Solomon 1:8

O nan amizir dirim, nɨn ganganim bar deragha amizir igharazibar ganganiba bar dagh afira. Nɨ nan gansɨ, nɨ memebar diarir nozibar gɨn mangɨ. Nɨ dar gɨn mangɨ, egh nɨ grazir aghuibar apigham, eghtɨ nɨn memeba dar amam. Grazir kaba sipsipbagh eghuvir gumazibar averpenibar boroghɨn iti.

Filemon 1:14

Kɨ kamaghɨn nɨghnɨsi, nɨ bizir kam gifueghan koghtɨma, kɨ bizir kam damuan kogham. Kamaghɨn ami, Onesimus na ko ikiasa, kɨ nɨ mɨgeir puvatɨ. Bizir tizim nɨ a damuasa, kɨ mɨghɨghvɨra nɨ gakaghonan aghua. Kɨ kamaghɨn nɨghnɨsi, nɨ arazir aghuim nan akurvaghsɨ nɨ damu, kamaghɨn nɨ uan ifongiamɨn gɨn mangɨva a damu.

Taitus 2:14

Krais kamaghɨn ifonge, a uam e inigh en arazir kuraba adangasa. Eghtɨ e bar zuegh an gumazamizibar mɨn ikiam. Egh e arazir aghuibar amusɨ bar ifongegham. Bizir kam bagha, a uabɨ uan mɨkarzim anigha, areme.

Akɨnafarir Pol Romɨn Nguibar Ekiamɨn Itir Sios Bagha Osirizim 1:15

Kamaghɨn amizɨ ia Romɨn itir gumazamiziba, kɨ Akar Aghuim uaghan ia mɨkɨnasa, nan navim dɨkafi.

Aposel 21:13

Ezɨ Pol me ikaragha kamaghɨn mɨgei, “Ia tizim bagha aziava nan navim gamima a ikufi? Me na ikɨsɨ, a dera. Kɨ uaghan Ekiam Iesusɨn ziam bagh Jerusalemɨn aven aremegham, a dera.”

Jeremaia 13:20

“O Jerusalemɨn nguibar ekiam, nɨ kogh notɨn amadaghan izir mɨdorozir gumazibar gantɨ, me nɨ bagh izam. Gumazamizir nɨ bar ifuegha deragha me geghuva men gariba, me mati sipsipɨn dirir nɨ me bagha bar akongeziba, me managh iti?

Jeremaia 8:10

“Men gumazir ziaba itiba ko ziaba puvatɨziba sara arazir kurar kam gami. Ezɨ men ofa gamir gumaziba ko akam inigha izir gumaziba uaghan gumazamizibagh ifari. Kamaghɨn, kɨ men azeniba ko amuiba isɨ azenan itir gumazir igharazibar anigam.

Dɨboboniba 18:7

Ezɨ nɨ uan otariba ko, iarara ofa gamir gumazibar mɨn ofa gamir dakozimɨn ingangariba ko Bar Anogoroghezir Danganimɨn aven damuamin ingangariba, ia dar amuam. Kɨ ofa gamir gumazibar ingangariba isa bizir aghuimɨn mɨn ia ganɨdi. Kamaghɨn amizɨ, ingangarir kaba, kar ian ingangaribara. Eghtɨ gumazir kɨnitam ingangarir kabar amusɨ ian boroghɨn izɨtɨ, ia a mɨsueghtɨ an aremegh.”

Aposel 20:29

Kɨ kamaghɨn fo, kɨ gɨn ia ategh mangɨghtɨ, gumazitaba afiar atiabar mɨn ian tongɨn izam. Ezɨ afiar atiaba sipsipbagh asɨghasɨzi moghɨn, gumazir kaba ian gari darazigh asɨghasɨgham.

2 Atriviba 12:6

Ezɨ azenir mabar gɨn, kar Joasɨn namba 23plan azenibar an atrivimɨn iti, egha an ofa gamir gumazibar garima, me Ikiavɨra Itir Godɨn Dɨpenim akɨrasa bizitam gamir puvatɨ.

Esekiel 46:24

Ezɨ gumazir kam kamaghɨn na mɨgei, “Kar ofan dagheba tuamin danganim. Godɨn Dɨpenimɨn ingangarir gumaziba, gumazamiziba ofa damuasa inigha izir asɨziba inigh, me kagh adar tuziba avigham.”