1 Pita 2:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Egh ia Ekiam bagh izɨ, a dɨpenir akɨnir aghuir angamɨra itim, o dagɨar aghuir angamɨra itimɨn mɨn iti. Gumazamiziba an aghua, ezɨ God a ginabagha an garima a bar pɨn ko.

Godɨn Akar Aghuim; Akar Dɨkɨrɨzir Gavgavir Igiam

⁴ Egh ia Ekiam bagh izɨ, a dagɨar aghuir angamra itimɨn mɨn iti. Gumazamiziba an aghua, ezɨ God a ginabagha egha an garima a bar pɨn ko.

1 Pita 2:4 ပူးပေါင်းရင်းမြစ်များ

1 Pita 2:7

Ezɨ ia nɨghnɨzir gavgavim Kraisɨn itiba, ia fo, Krais mati dɨpenir akɨnir bar aghuim. Ezɨ nɨghnɨzir gavgavim puvatɨziba, Godɨn Akɨnafarimɨn me ghaze: “Dɨpenir akɨnir kam, kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava.”

Aisaia 28:16

Ezɨ Ikiavɨra Itir God, nan Ekiam, kamaghɨn mɨgei, “Ia gan! Kɨ datɨrɨghɨn dagɨar mam isa, Saionɨn Mɨghsɨamɨn anerɨsi. Ezɨ a dɨpenim aterir dagɨamɨn mɨn oto. Kɨ deravɨra a tuisɨgha ghaze, a dagɨar aghuir bar gavgavim, egha an ivezim bar pɨn ko. Gumazamizir nɨghnɨzir gavgavim an itiba, me zuamɨram atiating nɨghan kogham.

Kolosi 3:4

Ezɨ Kraisra, a guizbangɨra ian ikɨrɨmɨrir angamɨra itimɨn mɨngarim. Eghtɨ Krais uamategh izamin dughiam, ia uaghan a ko an angazangarir gavgavir ekiamɨn aven otivam.

Sekaraia 3:9

Kɨ Ikiavɨra Itir Godɨn Gavgaviba Bar Itim, kɨ dagɨar aghuir mam inigha Josuan boroghɨn anetɨ. Dagɨar kam, a 7plan damaziba iti. Eghtɨ dagɨar kam gisɨn, kɨ akatam osirigham. Egh kɨ dughiar vamɨran, nguazir kamɨn arazir kurabar osɨmtɨzim gɨn amangam.

Daniel 2:34

Ezɨ dughiar nɨ marvir guar kamɨn garavɨra itimɨn, dagɨam a uabɨ mɨghsɨamɨn kuiaghirɨ, gumazitam a poghezir puvatɨ. A uabɨ izaghira marvir guar kam mɨsogha an dagarir me nguazim ko ainɨn ingarizimning mɨsoke. Ezɨ aning bar mɨsaraghire.

Aisaia 42:1

Ikiavɨra Itir God ghaze: Ia gan! Kar nan ingangarir gumazim, kɨ uabɨ anemɨsefe, egha kɨ bar a gifuegha, a bagha bar akonge. Egha uan Duam isa a gatɨ. Eghtɨ a nguazir kamɨn kantribar gumazamiziba guizɨn arazimɨn gɨn mangɨsɨ me tuisɨgham.

2 Pita 1:4

Egha bizir bar aghuiba e ganɨngi, da bar ekefe. Ezɨ kar bizir a fomɨra e danɨngasa akam akɨriziba. E nguazir kamɨn itir gumazamiziba, e navir ghurimɨn araziba bagha puv agoima, da bar pazav e gami. Ezɨ Krais bizir aghuir kaba bar e ganɨngi. Tuavir kamɨn, a ian akuraghtɨ, ia arazir kurar kabagh itaghɨva, egh Godɨn ikɨrɨmɨrim inighɨva egh an arazibar amuam.

2 Pita 1:1

Kɨ Saimon Pita, kɨ Krais Iesusɨn ingangarir gumazim ko an aposel. Kɨ, ia gumazamizir nɨghnɨzir gavgavir aghuim itiba, akar kam ia bagha an osiri. Krais Iesus en God, a en Akurvazir Gumazim. Egha a uan arazir aghuimɨn God nɨghnɨzir gavgavir aghuim ia ganɨngizɨma, ian nɨghnɨzir gavgavir kam, a enanam ko voroghɨra ghu.

1 Pita 1:19

A Kraisɨn ghuzimɨn ia givese, ezɨ ghuzir kam a bar pɨn ko. Ezɨ Krais a sipsipɨn nguzir mamɨn mɨn ami. Ofa gamir sipsipba, duar kuriba dar mɨkarzibar itir puvatɨ, ezɨ Krais mati sipsipɨn nguzir mam, arazir kuratam an itir puvatɨ.

1 Pita 1:7

Arazir kamɨn God ian nɨghnɨzir gavgavibar gan fogham, ia guizbangɨra nɨghnɨzir gavgavim an iti, o puvatɨ. E fo, gol a bizir aghuim, eghtɨ me avimɨn a tuaghɨva, a gɨfogham, a guizɨn gol, o puvatɨ. Gol a gɨvaghamin bizim. Ezɨ en nɨghnɨzir gavgavim bar gol gafira. Kamaghɨn amizɨma, arazaraziba ia bativtɨ ia fogh, ia nɨghnɨzir gavgavim Kraisɨn iti. Eghtɨ dughiar Krais Iesus ua izamim, a bar ia gakueghɨva, ian ziaba fɨva ziar ekiaba ia danɨngam.

Akɨnafarir Pol Romɨn Nguibar Ekiamɨn Itir Sios Bagha Osirizim 5:10

E faragha Godɨn apaniba, ezɨ an Otarimɨn ovevemɨn an e gamizɨ e an namakaba. Datɨrɨghɨn e an namakaba, ezɨ Iesus angamɨra ikiava, kamaghɨn bar guizbangɨra a en akurvagham.

Jon Osirizir Akar Aghuim 14:19

Dughiar ovezimɨn nguazimɨn gumazamiziba ua nan ganan kogham. Eghtɨ ia nan ganam. Kɨ angamɨra iti, eghtɨ kamaghɨn ia uaghan angamɨra ikiam.

Jon Osirizir Akar Aghuim 14:6

Ezɨ Iesus kamaghɨn a mɨgei, “Kɨ uabɨ kɨ tuavim, egha kɨ guizɨn akamɨn mɨngarim, egha kɨ ikɨrɨmɨrir aghuimɨn mɨngarim. Ezɨ gumazitam tuavir igharazimɨn Afeziam bagh mangɨghan kogham. Puvatɨ. Kɨrara kɨ Afeziam bagha zuir tuavim.

Jon Osirizir Akar Aghuim 6:57

Afeziar ikɨrɨmɨrir angamɨra itim anɨdim, a na amadazɨma kɨ ize, ezɨ kɨ Afeziamɨn gavgavimɨn angamɨra iti. Ezɨ kamaghɨra gumazim nan inivafɨzim api, a nan gavgavimɨn ikɨrɨmɨrir angamɨra itim iniam.

Jon Osirizir Akar Aghuim 6:37

Ezɨ gumazamizir Afeziam na ganɨngiziba, me bar na bagh izam. Egh gumazir na bagh izamim, kɨ a batueghan kogham.

Jon Osirizir Akar Aghuim 5:40

Ezɨ ia na bagh izɨ zurara itir ikɨrɨmɨrir aghuarim inian aghua.

Jon Osirizir Akar Aghuim 5:26

Afeziam, a uabɨ ikɨrɨmɨrir zurara itim anɨngamin gavgavim iti. Kamaghɨra a uan Otarim gamizɨ, a uaghan ikɨrɨmɨrir zurara itim anɨngamin gavgavim iti.

Matyu 21:42

Ezɨ Iesus kamaghɨn men azai, “Ia Godɨn Akɨnafarimɨn aven itir osizirir kabar ganis, o puvatɨ? Osizirir kaba kamaghɨn mɨgei: “ ‘Kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava. Ekiam uabɨ arazir kam gamizɨma an oto. Ezɨ e an garima, a bar dera.’

Matyu 12:18

“Kar nan ingangarir gumazim, kɨ uabɨ anemɨsefe, egha kɨ bar a gifuegha, a bagha bar akonge. Kɨ uan Duam a datɨghtɨ, a Kantrin Igharazibar Gumazamizibav kɨm suam, dughiar kɨ men araziba tuisɨghamim otivam.

Matyu 11:28

Ia, gumazamizir ingangarir ekiabagh amua osɨmtɨzir avɨriba ateriba, ia bar moghɨra na bagh izɨ. Eghtɨ kɨ aghuvsazim ia danɨngam.

Sekaraia 4:7

Eghtɨ bizir ekiaba mati mɨghsɨaba nɨn tuavim apɨrtɨ, kɨ bar da batueghtɨ da voroghɨra ikiam. Eghtɨ nɨ ua nan Dɨpenimɨn ingaram, egh nɨ dagɨar abuananam nan dɨpenim datɨghtɨ, gumazamiziba tiariba akar suam, ‘Dɨpenir kam a bar dera. God deraghvɨra a damu!’ ”

Daniel 2:45

Nɨ dagɨamɨn gari, a uabɨ mɨghsɨamɨn pura kuiaghirɨ, gumazitam a poghezir puvatɨ. Dagɨar kam ira, marvir guar me ain ko bras ko nguazim ko silva ko golɨn ingarizim a mɨsoghezɨ, a bar mɨsaraghire. Dagɨar kam, a God gumazamizibagh ativaghamin dughiamɨn ababanim. “Godɨn ziar ekiam itim, a bizir gɨn otivamiba nɨn aka. Guizbangɨra, bizir nɨ irebamɨn ganiziba, da kɨ nɨ mɨkemezɨ moghɨram otivam.”

Aisaia 55:3

Ia nan gumazamiziba, ia izɨ kuariba arigh na baragh, ian ikɨrɨmɨrim deragham. Eghtɨ kɨ Atrivim Devit ganɨngizir apangkuvir arazim ia danɨngɨsɨ, Akar Dɨkɨrɨzir Gavgavim ia ko a damigham, eghtɨ a gavgavigh ikɨvɨra ikiam.

Jeremaia 3:22

Ikiavɨra Itir God kamaghɨn mɨgei: “Ia akɨrim gɨgha Ikiavɨra Itir God gasa zuir boriba, ia uamategh a bagh izɨ. Eghtɨ a ian arazir kuraba batueghtɨ, ia ua ghuamaghegham.” Ezɨ gumazamiziba kamaghɨn an akam ikaragha ghaze, “Nɨ en Ikiavɨra Itir God, en God, kamaghɨn e uamategha nɨ bagha ize.

1 Korin 3:11

Ia fo, God Krais Iesus isa, dɨpenimɨn ingarir dagɨar faragha atɨzimɨn mɨn anetɨgha gɨfa. Eghtɨ gumazitam o amizitam, dɨpenimɨn ingarir dagɨar faragha itir igharazitam, uam anerɨghan kogham.