1 Pita 2:2 - Godɨn Eghaghanim: Akar Gavgavir Dɨkɨrɨzir Ghurim ko Igiam

^2-3 E fo, borir iririvim an otem bagha bar kufi. Kamaghɨra, ia Godɨn Duam ia ganɨngizir daghem baghɨva mɨtiriam ian aghɨ, bizir kuratam an itir puvatɨ. Guizbangɨra, Godɨn arazir a ia gamim, ia a gɨfo, Ekiam a bar moghɨra dera. Kamaghɨra, ia Godɨn Duamɨn daghem amɨva aghung egh Godɨn Duamɨn aven gumazir aruabar mɨn ikiam.

Godɨn Akar Aghuim; Akar Dɨkɨrɨzir Gavgavir Igiam

^2-3 E fo, borir iririvim an otem bagha bar kufi. Kamaghɨra, ia Godɨn Duam ia ganɨngizir daghem baghɨva mɨtiriam ian aghɨ, bizir kuratam an itir puvatɨ. Guizbangɨra, Godɨn arazir a ia gamim, ia a gɨfo, Ekiam a bar moghɨra dera. Kamaghɨn ia Godɨn Duamɨn daghem amɨva aghungɨva egh Godɨn Duamɨn aven gumazir aruabar mɨn ikiam.

1 Pita 2:2 ပူးပေါင်းရင်းမြစ်များ

Efesus 4:15

E men mɨgɨrɨgɨar ifavariba baraghan kogham. E igharaz darazigh ifongezir arazim damuva guizɨn akabar me mɨkɨmam. Egh e Kraisɨn mɨrara aghungɨva a ko poroghɨv ikɨtɨ a en dapanimɨn ikiam.

2 Pita 3:18

Krais Iesus, a en Ekiam, a en Akurvazir Gumazim, a zurara ian apangkufi, ezɨ ia deravɨra a gɨfo. An fofozim ko an apangkuvim ian navibar ikɨva aghung mangɨ. Krais ziar ekiam iti, ezɨ ia an ziam fɨ, datɨrɨghɨn ikɨ mamaghɨra ikiam. Guizbangɨra.

Mak Osirizir Akar Aghuim 10:15

Kɨ guizbangɨra ia mɨgei, gumazitam borir dozir kabar mɨn God Bizibagh Ativamin Dughiam inighan koghɨva, an aven mangan bar iburagham.”

1 Korin 14:20

Nan adarasi, ia aghɨribar mɨn nɨghnɨgh ikian markɨ. Ia borir iririvibar mɨn arazir kurabagh ami puvatɨzɨ moghɨn ikɨ. Eghtɨ ian nɨghnɨziba, da gumazamizir aruabar nɨghnɨzibar mɨn ikɨ.

Aghuzir Akaba 4:18

Gumazir kurabar tuavim mɨtarmer bar ekiamɨn mɨn iti. Gumazir kaba tuavir kamɨn ghua irava fozir puvatɨ, bizir manam men dagaribav tifi. Ezɨ gumazir aghuibar tuavim mati aruem anaga isiragha, angazangarim bar ekevegha ghua aruer arɨzimɨn tu.

Jopɨn Akɨnafarim 17:9

Ezɨ gumazamizir aghuiba uan arazir aghuibar suiragh mamaghɨra ikiam. Me arazir aghuibara damuam, mati men dafariba bar zuegha, gavgavigha mamaghɨra iti.

2 Tesalonika 1:3

En adarasi, e zurara ian ziaba dɨponɨva ia bagh God mɨnabɨva God ko mɨkɨmam. E fo, ian nɨghnɨzir gavgavim bar moghɨra gavgafi, ezɨ ia bar moghɨra vaghvagha bar uarigh ifonge, ezɨ arazir kam ekɨva ghuavɨra iti. Kamaghɨn bar derazɨ, e ia bagha God mɨnabi.

Matyu 18:3

Egha a kamaghɨn me mɨgei, “Kɨ guizbangɨra ia mɨgei, ia uari giragh borir dozir kabar mɨn otoghan kogh, ia God Bizibagh Ativamin Dughiamɨn aven ikian kogham.

Efesus 2:21

Dɨpenir guarim a dɨpenir agharim bar a gupuzɨ moghɨn, Krais bar e isafuragha e gamima e aghua, ghuava God baghavɨra itir dɨpenimɨn oto.

Akɨnafarir Pol Romɨn Nguibar Ekiamɨn Itir Sios Bagha Osirizim 6:4

E ruegha, tuavir kamɨn Kraisɨn ovevemɨn poghezɨ, Afeziam Krais ko mozimɨn aven e akaragha e avara. A uan gavgavir ekiamɨn Krais gamizɨ a mozimɨn ua dɨkafi, kamaghɨra, e uaghan ikɨrɨmɨrir igiar aghuimɨn ikɨvɨra ikiam.

Hosea 6:3

E Ikiavɨra Itir God gɨfoghsɨ, bar puvɨra ingaram. E fo, mɨzarazibar, aruem zuraram anadi. E fo, aruem garir dughiaba gɨvaghtɨ, amozir dughiabar, amoziba nguazim giri. Kamaghɨra, e fo, Ikiavɨra Itir God izɨva deravɨra e damuam.”

1 Pita 1:23

Ia datɨrɨghɨn gumazamizir igiabar otivigha gɨfa, mati ia dagher biar igiamɨn mɨn azenimɨn oto. Egha ia dagher biar pura ikuvibar mɨn aghuir puvatɨ. Ezɨ dagher ovɨzir kam, a Godɨn akam, ezɨ akar kam zurara ingar ikɨ, mamaghɨra ikiam.

2 Samuel 23:5

God na ko akar dɨkɨrɨzir gavgavir mam akɨra ghaze, A nan ikɨzim damightɨ me ikɨ gavgavigham, eghtɨ a na ko dɨkɨrɨzir akar kam otevkɨnighan kogham. Eghtɨ akar dɨkɨrɨzir gavgavir kam, a zurara kamaghɨra ikiam. Bizir kɨ ifongeziba, God nan akuraghtɨ da deraghvɨram otivam.

Hosea 14:7

Me ua izɨ na ko ikɨtɨ, kɨ me geghuvam, mati me nan orangtɨzir dughuazimɨn apengan iti. Eghtɨ men azeniba dagher avɨriba ikiam. Egh borir avɨriba batam, mati wainɨn azenimɨn itir wainɨn ikarɨziba deraghavɨra ovɨziba bati. Egh me ziar ekiaba ikiam, mati Lebanonɨn kantrin wainɨn dɨpar bar aghuir faraghavɨra itim.

Hosea 14:5

Kɨ Israelia deravɨra me damuam, mati amozim danganir mɨsɨngizim gizi. Kɨ me damutɨ, me akɨmarir aghuiba ko Lebanonɨn temer ekiabar mɨn otivam. Temer kabar biba bar nguazir averiamɨn ghuaghiri.

Malakai 4:2

Eghtɨ dughiar kamɨn, ia gumazamizir nan ziam fa nan atiatia nan apengan itiba, ia bagh amɨnim tiraghtɨ, aruem anang ia gisiragh, ian arazir aghuiba akakagham. Mati aruem ia gisiragha gara fefem ian mɨkarzibagh anɨdi moghɨn, a ia damutɨ ian arɨmariaba gɨvaghtɨ ia ghuamaghegham. Egh ia mati bulmakaun nguziba bar akuegha uari akura dɨvazim ategha ivemara azenan zui moghɨn, ia bar akuegh mangɨ.

Matyu 19:14

Ezɨ Iesus kamaghɨn me mɨgei, “Nɨ tina God Bizibagh Ativamin Dughiamɨn aven ikɨsɨ, borir dozir kabar mɨn ikɨ. Kamaghɨn amizɨ, ia borir doziba ateghtɨ, me na bagh izɨ, egh men anogoroghan markɨ.”

Luk Osirizir Akar Aghuim 18:17

Kɨ guizbangɨra ia mɨgei, gumazitam borir dozir kabar mɨn God Bizibagh Ativamin Dughiam inighan koghɨva, egh an aven mangan bar iburagham.”