1 Pita 2:10 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁰ Ia fomɨra pura gumazamizir kɨnibar mɨn iti, egha datɨrɨghɨn ia Godɨn gumazamiziba. Ia fomɨra Godɨn apangkuvim inizir puvatɨ, egha ia datɨrɨghɨn an apangkuvim inigha gɨfa.

Godɨn Akar Aghuim; Akar Dɨkɨrɨzir Gavgavir Igiam

¹⁰ Fomɨra ia pura gumazamizir kɨnibar mɨn iti, egha datɨrɨghɨn ia Godɨn gumazamiziba. Egha fomɨra ia Godɨn apangkuvim inizir puvatɨ, egha datɨrɨghɨn ia an apangkuvim inigha gɨfa.

1 Pita 2:10 ပူးပေါင်းရင်းမြစ်များ

Hosea 2:23

Egh kɨ uan gumazamiziba nguazir kamɨn me arightɨ, me aghung azenir aghuir kɨ ingarizimɨn mɨn ikiam. Kɨ faragha kamaghɨn uan gumazamizibav gɨa ghaze, ‘Kɨ Ia Gifongezir Puvatɨ.’ Egh gɨn kɨ bar me gifuegham. Kɨ faragha kamaghɨn me mɨgei, ‘Ia Nan Gumazamiziba Puvatɨ.’ Egh gɨn kɨ kamaghɨn me mɨkɨm suam, ‘Ia nan gumazamizibara.’ Eghtɨ me kamaghɨn nan akam ikaragham, ‘Nɨ en God.’ ”

Hibru 4:16

Kamaghɨn amizɨma, e atiatingan koghɨva Godɨn atrivir dabirabimɨn boroghɨn mangam, Godɨn apangkuvim a gizɨfa. E a bagh mangɨtɨma God en kuarkuvigh en apangkuvigham. Egh e osɨmtɨzitam ikɨtɨ an apangkuvim en akuragham.

1 Timoti 1:13

Guizbangɨra, fomɨra kɨ dɨbovir akabar an ziam gasɨghasɨki, egha an apanim gamuava, akar kurabar a mɨkeme. Ezɨ a fo, kɨ deragha a gɨfozir puvatɨgha, nɨghnɨzir gavgavim an itir puvatɨ, egha arazir kabagh ami. Kamaghɨn amizɨma, a nan apangkufi.

Akɨnafarir Pol Romɨn Nguibar Ekiamɨn Itir Sios Bagha Osirizim 10:19

Ezɨ kɨ ua ian azai, Israelia me ti akar kamɨn mɨngarim gɨfozir puvatɨ, o? Puvatɨ. Me fos. Moses God bagha faragha kamaghɨn mɨkeme: “Kɨ Kantrin Igharazibar Gumazamizir ziaba puvatɨgha pura bizibar mɨn itiba kɨ me inightɨma, ian naviba bar ikuvigham. Kɨ gumazamizir fofoziba puvatɨziba inightɨma, bizir kam ia damightɨ ia ataram.”

1 Korin 7:25

Ekiam gumazamizir odiaribar mɨkɨmamin akatam na ganɨngizir puvatɨ. Ezɨ kɨ uan nɨghnɨzimɨn gɨn mangɨ mɨkɨmasa. Ia fo, Godɨn apangkuvimra na gamizɨ, kɨ guizɨn akam akurir gumazimɨn oto.

Akɨnafarir Pol Romɨn Nguibar Ekiamɨn Itir Sios Bagha Osirizim 11:30

Ezɨ ia Kantrin Igharazibar Gumazamiziba, ia fomɨra Godɨn akam batoghezɨ, datɨrɨghɨn Israelia a batosi. Ezɨ tuavir kamɨn ia Godɨn apangkuvim ini.

2 Samuel 7:24

O Ikiavɨra Itir God, nɨ Israelia e gamizɨ, e zurara kamaghɨra nɨn gumazamizibar ikiam. Eghtɨ nɨ uabɨ en Godɨn ikiam.