1 Korin 7:31 - Godɨn Eghaghanim: Akar Gavgavir Dɨkɨrɨzir Ghurim ko Igiam

³¹ Ezɨ nguazimɨn biziba bagha ingarir gumazamiziba, me bizir kaba bagh pamtem nɨghnɨghan markɨ. E fo, dughiar ruarim puvatɨ, eghtɨ nguazir kam ko an itir biziba bar gɨvagham.

Godɨn Akar Aghuim; Akar Dɨkɨrɨzir Gavgavir Igiam

³¹ Ezɨ nguazimɨn biziba bagha ingarir gumaziba, me bizir kaba bagh pamtem nɨghnɨghan markɨ. E fo, dughiar ruarim puvatɨ, eghtɨ nguazir kam ko an itir biziba bar gɨvagham.

1 Korin 7:31 ပူးပေါင်းရင်းမြစ်များ

1 Jon 2:17

Nguazir kam ko an itir gumazamizibar arazir kuraba, da bar gɨvagham. Eghtɨ Godɨn akamɨn gɨn zuir gumazamiziba, me zurara ikiam.

1 Pita 4:7

Dughiar biziba bar gɨvamim roghɨra ize. Kamaghɨn amizɨ ia God ko mɨkɨmsɨ, bar deragh nɨghnɨgh, egh navir ghurimɨn araziba dɨkabɨn.

Jems 4:14

Ia zurara kamaghɨn mɨgɨa, egha ia fozir puvatɨ, bizir manam gurumzaraghan otivam. Ian ikɨrɨmɨrim mati mɨgharim, a dughiar otevimra ikeghɨva bar gɨvagham.

Luk Osirizir Akar Aghuim 21:34

Egha Iesus ua kamaghɨn mɨgei, “Ia uari bagh ganigh! Isaba ko, dɨpar onganiba ko nguazir kamɨn biziba, ia puv dagh nɨghnɨghtɨ, da ia dɨkabɨntɨ, dughiar otivamin kam puram otoghɨva, asɨzibar suizir azuazimɨn mɨn ian suigham.

1 Pita 1:24

E fo, Godɨn Akɨnafarim kamaghɨn mɨgei: “Gumazamiziba dadabar mɨn ami, me dughiar ruarimɨn, nguazir kamɨn ikɨvɨra ikian kogham. Me oghevseviba mɨdɨi moghɨra mɨsigham. Me ruarimɨn itir akɨmariba suaghiri moghɨn, dughiar ruaribar itir puvatɨ. Oghevseviba mɨdɨima, akɨmariba mɨdɨa suaghiri. Ezɨ Ekiamɨn akam zurara ikia kamaghɨra iti.” Akar kam, a Godɨn Akar Aghuim, me ia mɨkɨni.

1 Korin 9:18

Kamaghɨn, kɨ ivezir manam iniam? Kɨ Akar Aghuim akura iniasava amir biziba, kɨ da isir puvatɨ. Kɨ pura Akar Aghuim gumazamizibav kɨnasa, bar akonge. Ezɨ bar akongezir arazir kɨ isir kam, a mati nan ivezimra.

Fofozir Gumazim 11:2

Nɨ fozir pu, dughiar kurar manam nguazir kamɨn otivam. Kamaghɨn, nɨ uan dagɨaba isɨ 7pla o 8plan dagɨar ingangaribar arɨkigh.

Fofozir Gumazim 1:4

Gumazamiziba ovia zui ezɨ igiaba otiva men danganiba isima, nguazir kam kamaghɨra iti.

Onger Akaba 73:20

O Ekiam, me mati gumazim irebamɨn ganizɨ, an amɨmzaraghan pura gɨfa. A mɨzarazimɨn irebam gɨnɨghnɨzima, a uam an nɨghnɨzimɨn itir puvatɨ.

Onger Akaba 39:6

Gumazamiziba bar, men ikɨrɨmɨrim mati aruem temem gisirazɨ an nedazim otogha iti. Egha me bizir avɨriba iniasa puvɨra ingari, ezɨ men ingangarir kaba pura zui. Gumazamiziba angamɨra ikia bizir avɨriba uari bagha da akuva, egha fozir puvatɨ, men ovevemɨn gɨn tinara da iniam.

1 Korin 7:29

Nan adarasi, kɨ kamaghɨn ia mɨgei, dughiam bar otefe. Ezɨ dughiar kamɨn tugh mangɨva, poroghamibagh amizir gumaziba, me gumazir amibar itir puvatɨzɨ moghɨn ikɨ.

1 Korin 7:30

Ezɨ gumazamizir aziba, me azi puvatɨzɨ moghɨn ikɨ. Eghtɨ gumazamizir bar akongeziba, me akongan markɨ. Eghtɨ gumazamizir bizibagh iveziba, me biziba puvatɨzɨ moghɨn ikɨ.

Hibru 12:27

God dughiatam uam a damuasa mɨkeme, kamaghɨn e fo, God nguazim ko overiam gɨnobaghtɨ mɨkɨmkɨzim aning batoghtɨma, bizir a ingariziba ua ikian kogham. Eghtɨ bizir akongan koghamiba, darara ikɨvɨra ikiam.