1 Korin 3:9 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁹ E bar moghɨra, e uari inigha Godɨn ingangarim gami, ezɨ ia mati an azenim. Egha ia uaghan mati Godɨn Dɨpenim.

Godɨn Akar Aghuim; Akar Dɨkɨrɨzir Gavgavir Igiam

⁹ Ga uaning inigha Godɨn ingangarim gami, ezɨ ia mati an azenim. Egha ia uaghan mati Godɨn Dɨpenim.

1 Korin 3:9 ပူးပေါင်းရင်းမြစ်များ

1 Pita 2:5

Ezɨ ia uaghan, mati dagɨar angamɨra itiba. God ia damightɨ, ia dɨpenimɨn mɨn otoghtɨ, an Duam dɨpenir kamɨn aven ikiam. Eghtɨ God ua bagh ia mɨseveghtɨ, ia an ofa gamir gumazamizibar mɨn ikiam. Egh ia Krais Iesusɨn ziamɨn ia bar ofan mɨn uari isɨ God danɨng. Arazir kam, God bar a gifonge.

2 Korin 6:1

God ko ingara pamten ia gakaghora ghaze, ia gumazamizir Godɨn apangkuvim iniziba, ia aneteghtɨ a pura bizimɨn mɨn otivan markɨ.

1 Korin 3:16

Ia kamaghɨn fos ti? Ia Godɨn Dɨpenimra, ezɨ Godɨn Duam ian aven iti.

Mak Osirizir Akar Aghuim 16:20

Ezɨ suren gumaziba nguazir kamɨn danganiba bar dar ghuava akam akuri. Ezɨ Ekiam me ko ingara uan akam gavgavim a ganɨga mirakelɨn araziba sara akakasi, kamaghɨn gumazamiziba fo, akar kam a guizbangɨra.

Matyu 9:37

Egha a uan suren gumazibav gɨa ghaze, “Dagher bar avɨrim anigha gɨvagha azenimɨn iti. Ezɨ ingangarir gumazamizir da iniamin avɨriba puvatɨ.

Aisaia 61:11

Kɨ fo, Ikiavɨra Itir God, nan Ekiam, uan arazir aghuim ko uan akurvazir arazim nan akagham, mati nguazim dagher ovɨziba an aven ikia biaba otiva anaga azenim girɨ. Eghtɨ Kantrin Igharazibar Gumazamiziba Ekiamɨn arazir kamɨn ganigh an ziam fam.

1 Korin 3:6

Kɨ mati, dagher ovɨzim opari. Ezɨ Apolos dɨpam a ganɨdi. Ezɨ God a gamima, an aghui.

Kolosi 2:7

Egh ia a gisɨn tuivigh gavgavigh, mati temem biba sara nguazimɨn tugha gavgafi. Uaghan mati dɨpenim dɨpenir akɨnir gavgavibagh isɨn tughav iti. Ia nɨghnɨzir gavgavim Akar Aghuir Epafras ian sure gamizir kamɨn iti, egh kamaghɨn ian nɨghnɨzir gavgavim aghung mangɨvɨra ikɨ. Egh zurara God mɨnabɨvɨra ikɨ.

Efesus 2:10

God fomɨra e bagha, ingangarir aghuir e gɨn damuamiba, a dagh nɨghnɨgha da atɨ. A kamaghsua, e ingangarir kabar amuasa, egha kamaghɨn an e gamizɨ, e Krais Iesus ko poroghav ikia datɨrɨghɨn gumazamizir igiabar otifi.

1 Korin 6:19

Ia ti kamaghɨn fozir puvatɨ? Ian inivafɨziba, da Godɨn Duamɨn Dɨpenimɨn mɨn iti. God uan Duam isa ia ganɨngizɨma, a ian aven iti. Ia uarira uari bagha itir puvatɨ, ia God bagha iti.

Aposel 4:11

Ezɨ Iesus: “ ‘Kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava.’

3 Jon 1:8

Ezɨ e gumazir kamaghɨn amibar akurvaghsɨ bar gavgavigham. E ghaze, e me ko bar moghɨra, guizɨn akam bagh ingarsɨ, kamaghɨn e men akurvagham.

1 Timoti 3:15

Kamaghɨn amizɨ, kɨ zuamɨra izeghan koghtɨ, ia mɨgɨrɨgɨar kabar ganɨva ia arazir aghuibagh fogham, arazir e Godɨn adarazi damuamiba. E Godɨn adarasi, e Godɨn zurara itimɨn sios. Egha siosɨn aven itir darasi, erara, e dɨpenir akɨnibar mɨn gavgavigh guizɨn akam gupughɨva tugh gavgavigham.

Aisaia 61:3

Gumazamizir Saionɨn nguibamɨn aven ikiava aziba, kɨ bar akongezir arazim ko navir amɨrizim me danɨngtɨ, me gavgavigham. Egh kɨ averenir me uan dapanibagh atɨziba adegh, kurkazir aghuiba men kurkegham. Kɨ borem me daghuightɨ, me bar akuegh, men osɨmtɨzir ararem gɨvagham. Egh me ua uan gavgavim inigh, gumazim korotiar aghuim aruzɨ moghɨn, Ikiavɨra Itir God bagh bar akongegh onger akar aghuibar amuam. Egh me temer Okɨn, Ikiavɨra Itir God, uabɨ oparizibar mɨn, tuivigh ikɨ deraghvɨra Ikiavɨra Itir Godɨn gɨn mangɨ an ziar ekiam fam.

2 Korin 6:16

Manmaghsu, e Godɨn Dɨpenim ko marvir guabar dɨpeniba isafuragham? God fomɨra kamaghɨn mɨgei, “Kɨ me ko ikɨ, egh men tongɨn daruam. Eghtɨ me nan gumazamizibar mɨn ikɨtɨ, kɨ men Godɨn ikiam.” Kamaghɨn amizɨ, ia fo, e uari Godɨn zurara itimɨn dabirabir Dɨpenim.

Jeremaia 2:21

Kɨ nguazir kamɨn ia atɨ, mati gumazim uan azenimɨn wainɨn ikarɨzir aghuir mam ginabagha anekara, eghtɨ a gɨn bɨva ovɨzir bar aghuiba ikiam. Ezɨ manmaghɨn amizɨ ia datɨrɨghɨn iragha ruarimɨn wainɨn ikarɨzir atiamɨn mɨn oto?

Onger Akaba 118:22

Kar dɨpenir akɨnir ingangarir gumaziba aghuazim, a datɨrɨghɨn dɨpenim aterir guarim gava.

Onger Akaba 72:16

Dagher avɨriba Lebanonɨn kantrin otivi moghɨn, gumazamizibar azenibar otiv. Eghtɨ gumazamiziba bar avɨrasemegh nguibabar ikɨ, egh grazibar mɨn danganiba bar dar ikɨ.

Hibru 3:6

Ezɨ Krais a Godɨn Otarim, a Godɨn gumazamizibagh ativagh men ganam. Egha guizbangɨra Godɨn akamɨn gɨn ghua ingangarir kam deravɨra a gami. Eghtɨ e atiatingan koghɨva, nɨghnɨzir gavgavim ikɨva egh bizir aghuir e iniamiba e dav zuamam, egh kamaghɨn damuva, e uaghan Godɨn Dɨpenimɨn mɨn ikiam.

Matyu 16:18

Ezɨ kɨ nɨ mɨgei, nɨ Pita. Egh dagɨar kam gisɨn kɨ uan siosɨn ingaram, eghtɨ Ovevemɨn Gavgavim an suiragh anepɨrighɨva a gasɨghasighan kogham.

Aisaia 61:5

Kantrin Igharazibar Gumazamiziba izɨ ian ingangaribar amuam. Me ian sipsipba ko bizibar ganɨva, ian akunibar ingarigh dagheba oparam. Egh me uaghan ian wainɨn azenibar ganam.

Aghuzir Akaba 9:1

Nɨghnɨzir aghuim, amizimɨn mɨn, uan dɨpenimɨn ingari. Egha a gavgavim dɨpenim danɨngɨva egh anesɨngasa, 7plan guarir akɨnibar dɨghoribagh amigha da kuni.

Matyu 15:13

Ezɨ Iesus me ikaragha ghaze, “Nan afeziar uan Nguibamɨn itim, an azenim iti. Egha bizir a dɨkezir puvatɨziba, a biba sara da asiam.