1 Korin 3:17 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁷ Godɨn Dɨpenim, a ua baghavɨram a ginabas. Ezɨ dɨpenir kam, kar iarara. Kamaghɨn amizɨ, gumazim o amizim Godɨn Dɨpenim gasɨghasightɨma, God a gasɨghasɨgham.

Godɨn Akar Aghuim; Akar Dɨkɨrɨzir Gavgavir Igiam

¹⁷ Godɨn Dɨpenim, a ua baghavɨram a ginabas. Ezɨ dɨpenir kam, kar iarara. Kamaghɨn, gumazitam Godɨn Dɨpenim gasɨghasightɨma, God gumazir kam gasɨghasɨgham.

1 Korin 3:17 ပူးပေါင်းရင်းမြစ်များ

Esekiel 43:12

“Kar Godɨn Dɨpenimɨn Akar Gavgavim: Mɨghsɨar orazir Godɨn Dɨpenim aperaghav itim, an danganiba bar anevɨnigha itir danganiba, da bar moghɨra zuegh na baghvɨra ikiam. Guizbangɨra, kar Godɨn Dɨpenimɨn Akar Gavgavim.”

Esekiel 7:22

Egh kɨ men amamangatɨghtɨ me nan Dɨpenir aghuimɨn aven mangɨ a damightɨ, a nan damazimɨn mɨzegham. Eghtɨ kɨ men anogoreghan kogham. Bar puvatɨ.

Esekiel 5:11

“Kɨ Ikiavɨra Itir Godɨn Ekiam, kɨ zurara ikia uan ziamɨn guizbangɨra mɨgei. Ia arazir kurar kɨ ifongezir puvatɨzir avɨriba, nan Dɨpenimɨn aven dagh amizɨ nan Dɨpenim nan damazimɨn bar mɨze. Eghtɨ kɨ ian apangkuv ian asughasuighan kogham. Ia mati gumazim uan dapanir arɨzim bar a gise. Kamaghɨra, kɨ guizbangɨra bar ia gasɨghasigham.

Dɨboboniba 19:20

“Gumazitam nan damazimɨn mɨzegh ikɨva, zueghamin arazimɨn mangan kogh, nan damazimɨn mɨzeghvɨra ikiam. Me dɨpar a damightɨ a zueghamim, a gisɨn a kavamadaghan koghtɨ, a zueghan kogham. Eghtɨ kamaghɨn a nan Purirpenim damutɨ, a mɨzegham. Gumazir kam, ua nan gumazamizibar tongɨn ikian kogham.

Onger Akaba 79:1

O God, Kantrin Igharazibar Gumazamiziba nɨn nguazimɨn ize. Egha Dɨpenir nɨ ua bagha inabagha itim gamizɨ, a bar moghɨra nɨn damazimɨn mɨzegha ikufi. Egha me Jerusalem bar a gasɨghasɨki.

Ofa Gami 20:3

Gumazim borim isa Molek ganɨdir arazir kam, nan Purirpenim gamima a mɨzegha bar nan ziar ekiam dɨkabɨra. Kamaghɨn amizɨ, kɨ gumazir kamɨn apanim damuva uan gumazamizibar tongɨn a batuegham.

Aisaia 64:11

Ezɨ nɨn Dɨpenir e an mangɨ nɨn ziam famim, a uaghan avim an isizɨ, a bar moghɨra ikufi. Fomɨra Dɨpenir kam bar dɨpenir dirim, ezɨ en inazir afeziaba an ghua nɨn ziam fe. Egha datɨrɨghɨn a ikuvizɨ, bizir aghuir e ifongeziba, da uaghan bar ikuvigha iti.

Ofa Gami 15:31

“Gua kamaghɨra, Akar Gavgavir kamra Israelia danɨngigh. Me nan damazimɨn mɨzegha itir dughiamɨn, me uari bagh deraghvɨra gan. Me uan mɨzɨrɨziba bar dar saghon ikɨ. Nan Purirpenim men tongɨn iti, eghtɨ me mɨzɨrɨziba sara ikɨva, an aven mangan markɨ. Puvatɨghtɨ me nan Purirpenim damutɨ a mɨzegham. Me kamaghɨn damutɨ, kɨ me mɨsueghtɨ me arɨghiregham.”

Ua Me Ini 3:5

Ezɨ God ghaze, “Nɨ roghɨra izan markɨ! Nguazir nɨ isɨn tughav tir kam, kar anogoroghezir nguazim, a nan nguazimra. Kamaghɨn nɨ uan dagarir asuaba suegh.”

Jenesis 28:17

Egha an atiatigha ghaze, “Kɨ danganir kam bar an atiatingi. Kar Godɨn Dɨpenim. Kar Godɨn Nguibamɨn tiar akam!”

Onger Akaba 99:9

E Ikiavɨra Itir Godɨn ziam fam, a en God, e an mɨghsɨamɨn an ziam fam. Ikiavɨra Itir God, a en God, a Godɨn arazir aghuibaram amim.

Onger Akaba 93:5

Ikiavɨra Itir God, nɨn Akar Gavgaviba ikɨ kamaghɨra ikiam. Nɨn Dɨpenim zurara zuegh kamaghɨra ikiam. Bar guizbangɨra!

1 Eghaghaniba 29:3

Kɨ uan Godɨn Dɨpenim bagha bar ifonge, kamaghɨn amizɨ, bizir kɨ akuvagha gɨvazir kabagh isɨn, kɨ datɨrɨghɨn uabɨ uan gol ko silvaba anɨngi.

Sefanaia 3:4

Godɨn akam inigha izir gumaziba deraghavɨra uan ingangarim gamir puvatɨ, egha ifaghata gumazamizibagh asɨghasɨghasa pura me gifari. Ofa gamir gumaziba, me bizir anogorogheziba paza dagh ami, egha uarira uarir akurvaghasa Godɨn Akar Gavgaviba otavkɨri.

Onger Akaba 74:3

En apaniba nɨn Dɨpenim ko an itir biziba bar dagh asɨghasɨki. Nɨ dɨkavigh izi bizir me fomɨra asɨghasɨghizir kabar ganigh.

1 Korin 3:16

Ia kamaghɨn fos ti? Ia Godɨn Dɨpenimra, ezɨ Godɨn Duam ian aven iti.

1 Korin 3:18

Ian tav uabɨra uabɨ gifaran markɨ. Kɨ ghaze, ian tongɨn gumazitam o amizitam nguazir kamɨn bizibagh fogh kamagh nɨghnɨgham, “Kɨ fofozir bar aghuim iti,” egh a faragh gumazir onganimɨn mɨn otogh, gɨn bar fofozir gumazimɨn otogham. Kamaghɨn deragham.