1 Korin 2:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ Godɨn Akɨnafarim kamaghɨn mɨgei: “Tina Ekiamɨn nɨghnɨzim gɨfo? Gumazitam bizibar amuamin fofozim Ekiamɨn sure damuan kogham.” Ezɨ erara, Kraisɨn nɨghnɨzim en iti.

Godɨn Akar Aghuim; Akar Dɨkɨrɨzir Gavgavir Igiam

¹⁶ Godɨn Akɨnafarim kamaghɨn mɨgei, “Tina Ekiamɨn nɨghnɨzim gɨfo? Tina an sure damuam?” Ezɨ erara, Kraisɨn nɨghnɨzim en iti.

1 Korin 2:16 ပူးပေါင်းရင်းမြစ်များ

Akɨnafarir Pol Romɨn Nguibar Ekiamɨn Itir Sios Bagha Osirizim 11:34

Bizir kam, Godɨn Akɨnafarimɨn aven iti: “Guizbangɨra, tina Ekiamɨn nɨghnɨzim gɨfo? Gumazitam bizibar amuamin fofozim Ekiamɨn sure damuan kogham. Gumazitam an faragh mangɨ nɨghnɨziba a danɨngan kogham. Bar puvatɨ!”

Jon Osirizir Akar Aghuim 15:15

E fo, ingangarir gumazim bizir an gumazir ekiam amiba, an adagh fozir puvatɨ. Kamaghɨn amizɨ, kɨ ua ‘ingangarir gumaziba’ ia dɨborir puvatɨ. Akaba bar kɨ uan Afeziam da, da baregha kɨ ia mɨkemegha gɨfa. Kamaghɨn amizɨ, kɨ ‘namakar aghuiba’ ia garɨsi.

Jopɨn Akɨnafarim 15:8

Jop, God uan Nguibamɨn enselba akuvagha me ko mɨgɨrɨgɨabagh ami, ezɨ nɨ dughiar kamɨn uaghan ikia oraghiz, o? Nɨ ti uabɨra nguazimɨn itir gumazamizibar tongɨn, nɨghnɨzir aghuim ko fofozim iti? Bar puvatɨ.

Jeremaia 23:18

Ezɨ Jeremaia kamaghɨn mɨgei: “Godɨn akam inigha izir gumazir katam, bar Ikiavɨra Itir Godɨn Nguibamɨn ikia uari akuvir dughiamɨn ikegha, Godɨn akatam ko an nɨghnɨzir aghuitam inizir puvatɨ. Gumazir kaba deraghavɨra kuarim atɨgha Godɨn akam baragha fozir puvatɨ.

Jopɨn Akɨnafarim 40:2

“Jop, kɨ Godɨn Gavgaviba Bar Itim, nɨn mɨgɨrɨgɨaba na ko mɨsosi? Egha nɨ akam na gasa ghaze, kɨ arazir kuram gami. Ezɨ datɨrɨghɨn nɨ nan azangsɨziba ikarvaghasa kɨ nɨ mɨzuai.”

Jopɨn Akɨnafarim 22:2

“E gumazir kɨniba, e ti Godɨn akurvaghsɨ, bizibar amuam o? Puvatɨgham. Fofozir gumaziba uaghan puvatɨgham.

Jenesis 1:12

Ezɨ temer ber guar avɨriba ko benir nguazimɨn aveba ko dagher apiba bar nguazimɨn vaghvagha aghui moghɨn aghua, egha da be moghɨn be. Ezɨ God bizir kabar garima da derazɨma, a bar akonge.

1 Korin 12:8

Gumazamizibar tav, Godɨn Duam akar nɨghnɨzir aghuiba itim mɨkɨmasa gavgavim a ganɨdi. Egha gumazamizir igharaziba, Duar kamra akar fofozim bar izɨvazim mɨkɨmasa gavgavim a ganɨdi.