1 Korin 15:16 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁶ E fo, God gumazamizir aremezibar amutɨ me ua dɨkavan koghtɨ, e kamaghɨn mɨkɨm suam, “God Krais gamizɨ, a ua dɨkavizir puvatɨ.”

Godɨn Akar Aghuim; Akar Dɨkɨrɨzir Gavgavir Igiam

¹⁶ E fo, God ti gumazir aremezibagh amima me ua dɨkavan koghtɨ, e kamaghɨn mɨkɨm suam, “God Krais gamizɨ, a ua dɨkavizir puvatɨ.”

1 Korin 15:16 ပူးပေါင်းရင်းမြစ်များ

1 Korin 15:15

Krais ti ovevemɨn ua dɨkavizir puvatɨzɨ, e ti God amizir bizibar ifavarir gumazamizibar mɨn otivighai. E kamaghɨn akam ia mɨkɨri, God Krais gamizɨ a ua dɨkafi. Egh guizbangɨra gumazamizir aremeziba ua dɨkavan koghtɨ, kamaghɨn Krais ti ua dɨkavizir puvatɨghai.

1 Korin 15:17

God ti Krais gamizɨ a ua dɨkavizir puvatɨzɨ, ian nɨghnɨzir gavgavir Kraisɨn itim, a pura bizir kɨnim. Ezɨ arazir kurabar gavgavim ia gativazɨ, ia ti dar apengan ikiavɨra ikiai.

Akɨnafarir Pol Romɨn Nguibar Ekiamɨn Itir Sios Bagha Osirizim 8:11

Godɨn Duam Iesus mozimɨn a gamizɨ a ua dɨkafi, ezɨ Duar kamra, ian navir averiabar aven iti. Egh gumazir Krais gamizɨ a dɨkavizir kam, a ian ovengamin mɨkarzibar amutɨ, da ua dɨkavigh angamɨra ikiam. God uan Duar ian navir averiabar aven itimɨn tuavimɨn, bizir kam damuam.

1 Korin 15:4

Ezɨ me an kuam isa mozim gatɨzɨ, ezɨ dughiar pumuning ko mɨkezim gɨvazɨma, a ua dɨkafi, mati Godɨn Akɨnafarimɨn osizirim mɨkemezɨ moghɨn.

1 Korin 15:29

Ia nɨghnɨgh, marazi ariaghireziba bagha rue, egha tizim bagha me kamaghɨn ami? Me manmaghɨn men akurvaghasa arazir kam gami? Gumazamiziba ua dɨkavan koghtɨma, tizim bagha gumaziba men akurvaghasa rue?