1 Korin 1:19 - Godɨn Eghaghanim: Akar Gavgavir Dɨkɨrɨzir Ghurim ko Igiam

¹⁹ Godɨn Akɨnafarim kamaghɨn mɨgei: “Kɨ gumazir nɨghnɨzir aghuiba me ganɨdibar fofoziba adegham, egh kɨ men fofozir gumazibar fofoziba bar da agɨvagham.”

Godɨn Akar Aghuim; Akar Dɨkɨrɨzir Gavgavir Igiam

¹⁹ Godɨn Akɨnafarim kamaghɨn mɨgei, “Kɨ nɨghnɨzir aghuiba itir gumazibar nɨghnɨzim batueghɨva, egh fofozir gumazibar fofozim agɨvagham.”

1 Korin 1:19 ပူးပေါင်းရင်းမြစ်များ

Aisaia 29:14

Kamaghɨn amizɨ, kɨ uamategh bizir bar igharagha garitabar amutɨ, da gumazamizir kaba bativam. Eghtɨ me bar dɨgavir kuram damigham. Eghtɨ kɨ gumazamizir nɨghnɨzir aghuiba me ganɨdibar fofoziba adegham, egh kɨ men fofozir gumazamizibar fofoziba bar da agɨvagham.”

Jeremaia 8:9

Kɨ Ikiavɨra Itir God, ian fofozir gumaziba nan akabar aghuagha akɨrim ragha dagh asara. Manmaghsua me ghaze, me datɨrɨghɨn fofoziba iti? Puvatɨ. Me datɨrɨghɨn azuazim asɨzimɨn suizi moghɨn, dughiar kuram men suiraghtɨ me bar aghumsigham. Eghtɨ men nɨghnɨziba bar ikuvigham.

1 Korin 3:19

Guizbangɨra, nguazir kamɨn fofozir aghuim, a Godɨn damazimɨn mati arazir onganim. Godɨn Akɨnafarim kamaghɨn mɨgei, “Gumazamizir maba paza gumazamizir igharazibar amuasa, arazir avɨribagh nɨghnɨsi. Ezɨ God gumazamizir kabar arazibagh amima, da meraram asɨghasɨsi.”

Aisaia 19:11

Soanɨn nguibamɨn gumazir ekiaba, me gumazir onganiba. Ezɨ gumazir nɨghnɨzir aghuiba Isipɨn atrivim ganɨdiba, me mɨgɨrɨgɨar kuraba a ganɨdi. Fofozir gumazir kaba vaghvagha atiatir puvatɨgha kamaghɨn Isipian atrivim gifara uari fa mɨgɨa ghaze, “Kɨ fofozir gumazibar gɨn zuir suren gumazibar mav. Kɨ fomɨra itir atrivibar ovavir borimra!”

Aisaia 19:3

Kɨ Isipia damightɨ men gavgavim gɨvaghtɨ, me okam nɨghnɨghɨva, bizir me damuasa nɨghnɨziba, me dar amuan kogham. Egh me uan asebar azangtɨ, da ti men akurvagham. Egh me mangɨ, gumazir oveaghuezibar duabar azangsɨgham, me bizir manam damuam. Me imezibagh amir gumaziba ko kukunir gumazibar nɨghnɨzibagh foghsɨ men azangsɨgham.

Jeremaia 10:7

Nɨ kantriba bar dar gumazamiziba bar me gativagha men gari, ezɨ me bar nɨn atiating nɨn apengan ikɨ nɨn ziamra fam. Ezɨ nguazir kamɨn fofozir aghuiba itir gumaziba ko atriviba, men tav nɨn mɨn amir puvatɨ.

1 Korin 4:6

Nan adarasi, kɨ ian nɨghnɨzibar akurvaghasa, Apolos ko ga uaning geghari. Ia ga gɨnɨghnɨgh, egh Godɨn Akɨnafarim mɨkemezɨ moghɨn deravɨra an gɨn mangɨ. Egh ia arazir osirizir kamɨn mɨrara mangɨ. Ia akaba batogh uari fɨva, gumazamizir mabar ziaba fɨva igharazibar ziaba abɨnan markɨ.

1 Korin 4:10

E Kraisɨn ziam fer arazim bangɨn, e gumazamizir onganibar mɨn iti. Ezɨ ia Krais ko poroghav ikiava, ia fofozir gumazamizibar mɨn iti. E gavgaviba puvatɨ, ezɨ ia bar gavgafi. E ziaba pu, ezɨ ia ziar ekiaba iti.