1 Jon 1:5 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁵ E Krais Iesus barazi an akar kam akunizɨma, e ia mɨkɨri. Akar kam kamaghɨn mɨkeme, God, an angazangarim, ezɨ mɨtarmetam anepazazir puvatɨ.

Godɨn Akar Aghuim; Akar Dɨkɨrɨzir Gavgavir Igiam

⁵ E Krais Iesus barazima an akar kam kunizɨma, ezɨ e ia mɨkɨri. Akar kam kamaghɨn mɨkeme, God, an angazangarim, ezɨma mɨtarmetam anepazazir puvatɨ.

1 Jon 1:5 ပူးပေါင်းရင်းမြစ်များ

Jon Osirizir Akar Aghuim 8:12

Egha Iesus ua gumazamizibav gɨa ghaze, “Kɨ uabɨ, kɨ gumazir angazangarim nguazir kamɨn itir gumazamizibagh anɨdim. Gumazim nan gɨn izɨ, a mɨtatemɨn daruan kogham. Puvatɨ. An angazangarir gumazamizibagh amima me angamɨra itim, an an aven ikiam.”

Jems 1:17

Bizir bar aghuir e isiba, ko bizir ikuvir puvatɨziba, da bar Godɨn Nguibamɨn pɨn izaghiri. God Afeziam a biziba bar overiam dar ingari, a bizir aghuir kaba e bagha da amadi da izaghiri. Ezɨ Afeziar kam a uan araziba raghɨrazir puvatɨ. A bizitamɨn nedazimɨn mɨn aruem a gisirazɨ an otevegha ruarazir puvatɨ. A kamaghɨra iti.

Aisaia 60:19

“Aruem ua nɨ bagh angazangarimɨn mɨn ikian kogham, eghtɨ dɨmangan, iakɨnim uam angazangarim nɨ danɨngan kogham. Kɨ Ikiavɨra Itir God, kɨ uabɨ aruem ko iakɨnimɨn mɨn, angazangarim nɨ danɨng mamaghɨra ikiam. Kɨ nɨn God, kɨ gavgavim ko angazangarir ekiamɨn mɨn nɨ gisiraghtɨ, nɨ ganganir bar aghuarim damuam.

Onger Akaba 27:1

Ikiavɨra Itir God, a nan angazangarim ko nan Akurvazir Gumazim. Ezɨ kɨ gumazitamɨn atiatingan kogham. Ikiavɨra Itir God, a dɨpenir gavgavimɨn mɨn na modogha na geghuva nan garima, kɨ atiatir puvatɨ.

Jon Osirizir Akar Aghuim 1:9

Ezɨ angazangarir kam guizbangɨn angazangarim. Egha nguazir kamɨn izegha gumazamiziba bar angazangarim me ganɨdi.

Jon Osirizir Akar Aghuim 1:4

Egha Akar kamra, a zurara itir ikɨrɨmɨrir aghuarimɨn mɨngarim. Ezɨ ikɨrɨmɨrir aghuarir kam, a uaghan gumazamiziba angazangarim me ganɨdi.

Jon Osirizir Akar Aghuim 9:5

Dughiar kɨ nguazir kamɨn itim, kɨ gumazir angazangarim nguazimɨn itir gumazamizibagh anɨdim.”

Akar Mogomem 22:5

God en Ekiam, angazangarim gumazamizibar anɨngtɨ, kamaghɨn dɨmagarim uam otivan kogham, eghtɨ lam ko aruemɨn angazangariba ua ingangariba puvatɨgham. Eghtɨ Godɨn gumazamiziba, me atrivibar mɨn zurara ikɨ mamaghɨra ikiam.

Akar Mogomem 21:23

Godɨn angazangarir gavgavimra angazangarim nguibar ekiar kam ganɨdi. Ezɨ Sipsipɨn Nguzim uabɨ nguibar ekiar kamɨn lamɨn mɨn iti. Kamaghɨn amizɨ nguibar ekiar kamɨn angazangariba anɨngamin arueba ko iakɨniba puvatɨgham.

Onger Akaba 36:9

Biziba bar, nɨ dar ikɨrɨmɨrimɨn mɨngarim, mati dɨpar ikɨrɨmɨrir aghuim anɨdim. Kamaghɨn, nɨn angazangarimɨn amodoghɨn, e deravɨra bizibar gari.

1 Timoti 6:16

A uabɨra oveghan kogham. An angazangarir ekiamɨn aven iti, ezɨ e an boroghɨn mangɨghan kogham. Tav an ganizir puvatɨ. Eghtɨ gumazitam o amizitam an ganighan kogham. Kamaghɨn amizɨ, e zurara an ziam fam, egh mɨkɨm suam, an gavgavim ikɨvɨra ikiam. Bar guizbangɨra!

Onger Akaba 84:11

Ikiavɨra Itir Godɨn Gavgavim, an aruemɨn mɨn tuavim en akakagha, oramɨn mɨn e modi. A en apangkuva egha ziar ekiam e ganɨdi. A gumazir an damazimɨn deraziba, a uan bizir aghuiba men anogorozir puvatɨ.

1 Jon 3:11

Kar akar ia fomɨra oragha iza datɨrɨghɨn tuzim: E uari gifuegham. E Keinɨn arazim damuan markiam. A Satanɨn borim, egha uan dozim mɨsoghezɨ an areme. Egha a tizim bagha uan dozim mɨsoghezɨ, an areme? An araziba ikuvizɨma, an dozimɨn araziba dera. Kamaghɨn a uan dozim mɨsoghezɨ an areme.

1 Korin 11:23

Akar kɨ ia mɨkemezim, kar Ekiamra na ganɨngi. Akar kam kamakɨn: Dɨmagarir Judas Ekiam Iesus isava apanibar agharim gatɨzimɨn, Iesus bret inigha,

Aisaia 2:5

O Jekopɨn ovavir boriba, ia izɨ. Ikiavɨra Itir God uan Akar Gavgaviba isa uan angazangarimɨn mɨn e ganɨdi. Da angazangarim mɨn tuavim en akakasi, egha an Akar Gavgaviba, deravɨra tuavim en aka. Eghtɨ e Akar Gavgavir kabar gɨn mangam.

Daniel 2:22

Egha God nɨ bizir aven modoghav itir me fozir puvatɨziba men akakasi. Ezɨ zurara angazangarim nɨn iti, ezɨ nɨ mɨtatemɨn itir biziba, nɨ dagh fogha gɨfa.

Jon Osirizir Akar Aghuim 1:19

Ezɨ Judan gumazir aruaba, me ofa gamir gumazir maba ko Livain gumazir maba amadazɨ, me Jerusalem ategha Jon bagha iza kamaghɨn an azara, “Nɨ tinara?”