1 Eghaghaniba 27:3 - Godɨn Eghaghanim: Akar Gavgavir Dɨkɨrɨzir Ghurim ko Igiam

³ Egha a uaghan mɨdorozir gumazibar gumazir dapanibar garir gumazir dapanim. A Peresian ikɨzimɨn gumazir mam.

1 Eghaghaniba 27:3 ပူးပေါင်းရင်းမြစ်များ

Dɨboboniba 10:14

Egha me zuir dughiamɨn, me uan ikɨzibar uarigh arigha uan fleghbar suigha zui. Judan anabamɨn ikɨzir 3pla faragha zui. Ezɨ Aminadapɨn otarim Nason, a Judan anabamɨn gumazir dapanim, egha uaghan 3plan ikɨzir kabar gumazir dapanim.

Dɨboboniba 7:12

Ezɨ gumazir dapaniba vaghvagha, uan ofaba aruebar vaghvagha God bagha da isa izi. Ezɨ aruer namba 1ɨn, Judan anabamɨn gumazir dapanim Nason, an Aminadapɨn otarim, a uan ofa inigha izi. Ezɨ aruer namba 2ɨn Isakarɨn anabamɨn gumazir dapanim Netanel, a Suarɨn otarim, a uan ofa inigha izi. Ezɨ aruer namba 3ɨn, Sebulunɨn anabamɨn gumazir dapanim Eliap, a Helonɨn otarim, a uan ofa inigha izi. Ezɨ aruer namba 4ɨn, Rubenɨn anabamɨn gumazir dapanim Elisur, a Sedeurɨn otarim, a uan ofa inigha izi. Ezɨ aruer namba 5ɨn, Simeonɨn anabamɨn gumazir dapanim Selumiel, a Surisadain otarim, a uan ofa inigha izi. Ezɨ aruer namba 6ɨn, Gatɨn anabamɨn gumazir dapanim Eliasap, a Duelɨn otarim, a uan ofa inigha izi. Ezɨ aruer namba 7ɨn, Efraimɨn anabamɨn gumazir dapanim Elisama, a Amihutɨn otarim, a uan ofa inigha izi. Ezɨ aruer namba 8ɨn, Manasen anabamɨn gumazir dapanim Gamaliel, a Pedasurɨn otarim, a uan ofa inigha izi. Ezɨ aruer namba 9ɨn, Benjaminɨn anabamɨn gumazir dapanim Abidan, a Gideonɨn otarim, a uan ofa inigha izi. Ezɨ aruer namba 10ɨn, Danɨn anabamɨn gumazir dapanim Ahieser, a Amisadain otarim, a uan ofa inigha izi. Ezɨ aruer namba 11ɨn, Aserɨn anabamɨn gumazir dapanim Pagiel, a Okranɨn otarim, a uan ofa inigha izi. Ezɨ aruer namba 12ɨn, Naptalin anabamɨn gumazir dapanim Ahira, a Enanɨn otarim, a uan ofa inigha izi. Me bar moghɨra vaghvagha ofan magh ghuezir kaba inigha ize. Dar kara: silvan itarir ekiar vamɨra, an osɨmtɨzim 1 kilogrem ko akuam, ko silvan itarir dozir mam, an osɨmtɨzim 800 grem, aning inigha ize. Me itarir kamning uaghara plauan aghuim ko olivɨn borem sara veregh wit tuamin ofabar amuamim aning gatɨ. Egha me vaghvagha golɨn itariba inigha ize, dar osɨmtɨzim 110 grem. Itarir kaba, pauran mughuriar aghuim zuim bar dagh izɨfa. Egha me vaghvagha bulmakaun apurir igiar mam, ko sipsipɨn apurir mam, ko sipsipɨn nguzir azenir vamɨra itim inigha, ofan bar isia mɨghɨrim damuasa da inigha ize. Egha me vaghvagha arazir kuraba gɨn amadir ofan mɨn memen apurir mam inigha ize. Egha God ko navir vamɨran ikiamin ofabar amuasa bulmakaun apurir pumuning, ko sipsipɨn apurir 5pla, ko memen apurir 5pla, ko azenir vamɨra itir sipsipɨn nguzir 5pla, me bar ada inigha ize.

Jenesis 38:29

Ezɨ borim ua uan agharim gekuigha aven ghu, ezɨ an dozim faragha oto. Ezɨ amizir kam ghaze, “Manmaghɨn ami? Nɨ avebam gitagha faragha ize?” Ezɨ me ziam, “Peres,” a gatɨ.

1 Eghaghaniba 27:2

Sapdielɨn otarim Jasobeam, a iakɨnir faragha zuimɨn ingangarim damuamin 24,000plan gumazibar garir gumazir dapanim.

1 Eghaghaniba 27:4

Ezɨ Ahohin ikɨzimɨn gumazim Dodai, a namba 2 iakɨnimɨn ingangarim damuamin gumazir 24,000pla me geghuva men gari. Ezɨ Miklot an namba 2ɨn ikia an akurvasi.