1 Eghaghaniba 2:4 - Godɨn Eghaghanim: Akar Gavgavir Dɨkɨrɨzir Ghurim ko Igiam

⁴ Ezɨ Judan otarir igharazimning iti, Peres ko Sera. Ezɨ aningɨn amebam Judan ivozir guivim, an ziam Tamar. Kamaghɨn amizɨ, Juda bar moghɨra otarir 5pla iti.

1 Eghaghaniba 2:4 ပူးပေါင်းရင်းမြစ်များ

Matyu 1:3

Ezɨ Juda, Peres ko Seran afeziam. Aningɨn amebam Tamar. Ezɨ Peres Hesronɨn afeziam, Ezɨ Hesron, Ramɨn afeziam.

Luk Osirizir Akar Aghuim 3:33

Ezɨ Nason, a Aminadapɨn otarim. Ezɨ Aminadap, a Atminɨn otarim. Ezɨ Atmin, a Arnin otarim. Ezɨ Arni, a Hesronɨn otarim. Ezɨ Hesron, a Peresɨn otarim. Ezɨ Peres, a Judan otarim.

Nehemia 11:24

Ezɨ Petahia a Mesesabelɨn otarim, ezɨ Mesesabel a Seran ovavir borim, me Judan ovavir boriba. Petahia, a Persian kantrin ikiava, atrivimɨn boroghɨn ikia, an damazimɨn, Israelia bagha abuir gumazimɨn mɨn iti.

Nehemia 11:4

Judan anabamɨn adarasi, men gumazir dapanibar ziabar kara: Me gumazir dapanir pumuning iti. Ataia ko Masea. Ataia a Usian otarim, egha a Sekaraian igavatarim. Ataian ovavir igharazibar ziabar kara: Sekaraia an Amarian otarim, ezɨ Amaria a Sefatian otarim, ezɨ Sefatia a Mahalalelɨn otarim. Me bar Peresɨn ovavir boriba, ezɨ Peres Judan otarim.

1 Eghaghaniba 9:4

Judan anabamɨn gumazamizir izava Jerusalemɨn itibar dɨbobonim, a 690ɨn tu. Men gumazir dapanir mamɨn ziam, Utai. Utai, a Amihutɨn otarim, ezɨ Amihut, a Omrin otarim, ezɨ Omri, a Imrin otarim, ezɨ Imri, a Banin otarim. Gumazir kaba, Judan otarim Peresɨn ovavir boriba. Ezɨ Selan adarazir tongɨn, an otarir ivariam Asaia, a Judabar gumazir dapanim. Ezɨ gumazir dapanir igharazir mam, Juel, a Seran ovavir borim, ezɨ Sera, a Judan otarim.

Rutɨn Eghaghanim 4:18

Kar Peresɨn adarazir ghua Devitɨn tu, men ziabar kara: Peres a Hesronɨn afeziam.

Rutɨn Eghaghanim 4:12

Ikiavɨra Itir God borir avɨriba gua danɨngam. Egh Ikiavɨra Itir God nɨn adarazir amightɨ me Peresɨn adarazir mɨn bar avɨrasemegham, Peres a Juda ko Tamarɨn otarim.’ ”

Dɨboboniba 26:13

ko Sera ko Saul.

Jenesis 38:11

Ezɨ gɨn Juda uan ivozir amizim Tamar mɨgɨa ghaze, “Nɨn pam areme. Kamaghɨn, nɨ uamategh uan afeziamɨn dɨpenimɨn mangɨ, egh magh ikɨtɨ nan otarim Sela an ekeveka.” Juda kamagh nɨghnɨgha atiatigha mɨgɨrɨgɨar kam gami, Sela uan avebamningɨn mɨn ovegham. Ezɨ Tamar ua uan afeziamɨn dɨpenimɨn ghugha iti.

1 Eghaghaniba 2:5

Peresɨn otaribar ziabar kara: Hesron ko Hamul.

1 Eghaghaniba 4:1

Judan ovavir borir mabar ziabar kara: Peres, Hesron, Karmi, Hur ko Sobal.