Mudhata Yohaannisii 2:14 - Waadaa Haarawa

¹⁴ Garuu ka sitti ashu wonittoota tokko tokko ni qaba, kun'llee barsiisa Bla'aamii ka qabatan namoonni tokko tokko jidduu keessan ni jiran, Bala'aamiin kun'llee ummanni Israa'eelii Waaqa harkaan hojjatamaniif ka qalame foon nyaachu'uu fi sagaagala raawwachu'uun akka gufataniif, Balaaqiin ka gorsse.

WAADAA LAMMATAA

¹⁴ Haata'uu ammoo waan diqqoo sirratti ceem'u qaba. Innillee ijoollee Isiraa'eliitiif gufuu ta'u'uuf nyaata waaqa tolfama'aaf dhiyaate nyaata'aa, seebara'aati worri barumsa Bala'aamii ka Balaaqiin barsiise duukaa bu'aan si woliin achi waan jiraniif.

Kitaaba Woyyuu

¹⁴ Haa ta'uu ammo waan diqqoo si irratti ceem'u qaba. Innillee ijoollee Israa'eliitiif gufuu ta'u'uuf nyaata waaqa tolfama'aaf dhiyaate nyaata'aa, seebara'aa worri barumsa Bala'aamii ka Balaaqiin barsiise duukaa bu'an si woliin achi waan jiraniif.

Mudhata Yohaannisii 2:14 ပူးပေါင်းရင်းမြစ်များ

Wongeela Maatewos 18:7

Itti ansee'llee Yesus akkana ni jedhe, «Sababaa wonittoota namoonni akka dogoggoran taasisaaniitiin, biyya lafaatiif uunsha'a!» Yoom'llee wonittoonni dogoggorssan dhufuun isaanii hin hafu, garuu dhufaatii waan dogoggorssa'aaniitiif ka'uumissa ka ta'u, nama sanii uunsha'a!

Hujii Ergamootaa 15:29

sababaa waaqota harkaan hojjatameetiif qalamu'uutiin nyaata battaaye hin nyaatnaa, dhiiga'llee hin nyaatnaa, foon horii hudhamee du'ee'llee hin nyaatnaa, dhiiga'llee hin nyaatnaa, sagaagala irraa fagaadhaa, wonittoota kanniin mara irraayyuu yoo eeggamittan mishaa ni raawwattan, nagayaan ta'aa.»

Hujii Ergamootaa 21:25

Gara ummata Waaqa dhugaa titti hin amanneetii ka amanan garuu, ‹waayee Waaqa harkaan hojjatameetii qalamu'uutiin nyaata battaaye hin nyaatnaa! dhiiga'llee hin nyaatnaa! foon horii hudhamee du'e'llee hin nyaatnaa, sagaagala irraa fagaadhaa!› murttee jedhu xalayaan qabate, barreessinee isiniif erginee jirra.»

Gara Worra Rooma'aa 11:9

Daawiit'llee, «Nyaanni isaanii siibo'oo nama qabu, boolla nama kuffisu'llee ta'ee isaan haa makkaraarssu! wonitti badaan raawwatan, mataa isaanii irra haa gayu!

Gara Worra Rooma'aa 14:13

Kanaaf tokkoon keenna tokko irratti hin murtteessin, garuu naminni kami'llee karaa obboleessaa isaa irra gufannaa yookiin gufuu kaayuu dhabu'uuf, ufi haa eeggatu.

Gara Worra Rooma'aa 14:21

Kanaaf obboleessa kee gufachiisuu dhabu'uuf foon nyaachuu dhabuu yookiin daadhii dhuguu dhabuu, yookiin woma kamiinuu waan nama gufachiisu, raawwachuu dhabuun misha'a.

Gara Worra Rooma'aa 9:32

«Waayee maali'iitiif gara qulqullaawoma hin gayin?» yoo jedhame, isaan qulqullmmaa argachu'uuf ka barbaadan amanti'iin uduu hin ta'in huji'iin waan ta'eef, kanaaf dhagaa gufanna'aatii ni gufatan.

1 Gara Worra Qorontoosii 1:23

Nu'u garuu, Kristosii waayee keennaaf fannifamuu isaa ni barsiifnna, kun'llee Yihudotaaf gufanna'a, namoota Giriikiitiif ammoo gowumma'a.

1 Gara Worra Qorontoosii 7:2

Garuu sagaagalummaa irraa fagaachu'uuf tokkoon tokkoon dhiiraa haadha worraa mataa isaa haa qabaatu, tokkoon tokkoon dubarttii'llee abbaa worraa ka mataa isi'ii haa qabaattu.

Gara Ibirootaa 13:4

Fuuti nama mara birattuu ka kabajame haa ta'u, worri qaanii hin qabnnee fi sagaagalttoota Waaqinni waan isaan irratti murtteessuuf, abbaan worraatii fi haati worraa amanamummaa dhidhisu'uun, wol fuudha akka hin batteessine.

1 Ergaa Phexiros 2:8

Dabalee'llee, «Kunoo! Dhagaan namoota gufachiisu, Kunoo! namoota gufachiisee dhagaan kuffisu» ni jedha. Isaan'llee dubbii isaa amanuu dhabuu isaaniitiin ni gufatan, durssanii'llee isaan kanaaf worra ramadaman.

2 Ergaa Phexiros 2:15

Isaan karaa qajeelaa ta'e dhiisanii badanii jiran, hamaa hojjachu'uun qarshii argamu ka jaalate, ilma Bioorii karaa ilma Bala'aamii horddofanii, dogoggoranii jiran.

Ergaa Yihudaa 1:11

Karaa Qaaye'liitiin waan deemaniif, qarshi'iif jedhanii dogoggora Bala'aamiitiin waan kufaniif, Qoreen'llee akka isaan isaan'llee waan isa mormmuu isaaniitiin waan badaniif, isaanii uunisha'a!

Mudhata Yohaannisii 2:20

Garuu waan si irratti ashu tokko ni qaba, kun'llee, ‹Ani nabiyyitti'i› dubarttii jettu Eelzaabeeliin lashi itti jettee obissiteefii jirtta, isin'llee tajaajilttoonni kiyya akka sagaagalanii fi foon Waaqa harkaan hojjatamaniif qalame'llee akka nyaataniif barsiisu'uun, isaan dogoggorssitee jirtti.

Mudhata Yohaannisii 2:4

garuu waan sitti ashu tokko ni qaba, kun'llee jaalala kee ka duraanii dhiifittee jirta,

Mudhata Yohaannisii 21:8

garuu sodaattonni, amantii dhabeeyyiin, battiiwwan, lubbu-ajjeefttonni, sagaagalttoonni, worra asmmaa hojjattoonni, worri Waaqa harkaan hojjatame waaqeffattoonni, sobddoonni marrinuu carraan kutaan isaanii, ibiddaan ka gubatu garba ciisaa ibiddaa keessa ni ta'a, kun'llee du'a lammaffa'aat.»

Mudhata Yohaannisii 22:15

Akka sare'ee worroota raatayan, ka asmmaa hojjattoonni, sagaagalittoota, lubbuu ajjeefttota, waaqolee harkaan hojjatame waaqeffatoota, soba worra jaalatanii fi karaa dharaatiin worri deeman marrinuu, magaalatti'iin ala ni ta'an.