Gara Worra Galaatiyaa 4:3 - Waadaa Haarawa

³ Akkuma kana nu'u waan hafuuraatiin akka daai'maa yeroo turretti naamusa biyya lafaa kanaaf bitamttoota taanee, garboota ni turre.

WAADAA LAMMATAA

³ Akkasuma nullee Ayyaanaan uduu hin guddatiniin duratti, seera biyya lafaatiif garboota turre.

Kitaaba Woyyuu

³ Akkasuma nullee Ayyaanaan uduu hin guddatiniin duratti, seera biyya lafaatiif garboota turre.

Gara Worra Galaatiyaa 4:3 ပူးပေါင်းရင်းမြစ်များ

Wongeela Maatewos 11:28

«Isin worri hujii huminnaatiin dadhabiddan nana! Ba'aan'llee ka isinitti ulffaate marrinuu gara kiyya koottaa! Ani'llee boqannaa isinii ni kenna.

Wongeela Yohaannis 8:31

Yesus Yihudota isatti amananiin akkana ni jedhe, «Isin dubbii kiyyaan uduu jiraattanii, dhugamaanuu barattoota kiyya ni taatan,

Hujii Ergamootaa 15:10

Eegaa abbootii keenna ta'ee nu'u waanijjoo baadhachuu hin danda'in gurmmuu amanttoota irratti fe'uun, maali'iif amma Waaqa qormmattaniin?

Gara Worra Rooma'aa 7:14

Seerri hafuurawaa ta'uu isaa ni beekinna. Ani garuu garbcha cubbu'uu ta'u'uuf ka gurgurame, nama fooniiti.

Gara Worra Rooma'aa 8:15

Kanaaf, «Abbaa, yaa Abbaa keenna!» jettanii ka ittiin waamittan, hafuura finnumma'aa ni fudhattan malee, soda'aan jiraachu'uuf deebitanii hafuura garbumma'aa hin fudhanne.

2 Gara Worra Qorontoosii 11:20

Akkuma kana eennu'llee akka garbichaa yoo isin taasise, eennu'llee isin yoo saame, eennu'llee isinitti yoo fayyadame, eennu'llee yoo isin tuffate, eennu'llee fuula keessan dhabanaassa'aan yoo isin dhaye'llee, ni obissitan.

Gara Worra Galaatiyaa 2:4

Garuu jidduu keennaan huluuqanii dhossa'aan worri aseenan obboleeyyan dharttoonni tokko tokko akka gadooman barbaadanii turan, namoonni kunniin basaasaaf jidduu keenna huluuqanii ka aseenan, Yesus Kristosiin bilisummaa qabnnu fudhanii, gara garbumma'aa titti nu deebisu'uuf yaadaniiti.

Gara Worra Galaatiyaa 3:19

Eeegaa, seerri ka kenname maali'iif? Seerri ka dabalame fiixaan Abrahaamiif abddi'iin kenname haga dhufutti hujiin hamaan maal akka ta'e muldhisu'uuf, seerri hujii irra ka oole maleyikkootaan kennamee, karaa nama tokkootiin.

Gara Worra Galaatiyaa 4:2

Garuu yeroon abbaan isaa isaaf murteesseef haga gayutti, harka guddifttootaa fi soorttotaa jala jira.

Gara Worra Galaatiyaa 4:24

Kun'llee fakkeenna ture, dubarttoonni lamaan tunniin fakkeenna waadaawwan lamaanii turan, Gaara Siina'aatii ka taate fakkeenni takkatiin Aggaariin turtte, isiin'llee ijoollee ka deettu garbumma'aaf ture.

Gara Worra Galaatiyaa 4:25

Aggaar biyya Arabaa titti ka arigamu Gaara Siina'aatiif fakkeenna ni turtte, kanaaf Yerusaalemii ammatti'iitiin wol ni fakkaatti, isiin'llee ijoollee isi'ii woliin garbrumma'atti ta arigamttu.

Gara Worra Galaatiyaa 4:31

Kanaaf yaa obboleeyyan, nu'u ijoollee dubarttii bilisa taateeti malee, ijoollee dubarttii tajaajilttu'uutii miti.

Gara Worra Galaatiyaa 4:8

Kanaan durana waayee Waaqa beekuu dhabuu keessaniitiin, amala isaaniitiin waaqota ka hin ta'iniif garbootaa taatanii ni bitamittan ture.

Gara Worra Galaatiyaa 4:9

Amma garuu Waaqa beekittanii jirttan, caala'atti ammoo Waaqinni isin beekee jira, eegasuu, gara isaan dadhabiddootaa fi bu'aa ka hin qabnne naamusa biyya lafaa san attamitti deebitan? Attamitti'llee deebitanii garboota isaa ta'uuf barbaaddan?

Gara Worra Qolasaayisii 2:20

Kristosiin woliin duutanii biyya lafaa kanatti seerota bu'uraa raawwattanii ka fooyamittan yoo taatan eegaa, amma biyya lafaa irraa akka bifa hin fooyaminii taatanii, waayee maaliif ajajoota akkana jiraniif bitamittan,

Gara Worra Qolasaayisii 2:8

Kristosiin irratti ka hunddeeffame uduu hin ta'in aadaa naminni baasee fi seera biyya lafaa irratti hundaaye falaasafamaa tasaatiin, eennu'llee akka isin hin qabnneef ufi eeggadhaa.

Gara Ibirootaa 5:12

Haga ammaa yeroo turetti isin barsiisota ta'utu isin irra jira ture, garuu dubbiin Waaqaa barsiisa jalqabaatiin naminni bira'aa irra deebi'ee akka isin barsiisu ni barbaachisa, bifa kanaan ka isin barbaachisu aanan malee nyaata jaba'aa miti.

Gara Ibirootaa 7:16

inni ka muudama qeesumma'aa ka fudhate jireenna isaatiif muummee ka hin qabnne ta'uu isaatiin malee, seeraa fi naamusa fiixa'aan dhufeenii miti.