Gara Ibirootaa 4:2 - Waadaa Haarawa

² Dubbima oduu mishaa akka isaan dhagayanii nu dhageenneenii jira, garuu isaan dubbii dhagayan amanti'iin waan hin fudhatiniif isaan hin fayyadinne.

WAADAA LAMMATAA

² Isaanittillee akkuma himame oduun gammachu'uu nuttillee himameera. Haata'uu ammoo dubbiin dhagayan worri dhagayan sun amanta'aan waan isaan keessatti hin qabamneef womaa isaanii hin goone.

Kitaaba Woyyuu

² Dubbiin gammachu'uu akkuma isaanitti himame nuttillee himameera. Haa ta'uu ammo dubbiin dhagayan worri dhagayan sun amanti'iin waan isaan keessatti hin qabamneef womaa isaanii hin goone.

Gara Ibirootaa 4:2 ပူးပေါင်းရင်းမြစ်များ

Hujii Ergamootaa 13:46

Phaawulosii fi Barnaabaas garuu akkana jechu'uun uggiinssaan ni dubbatan, «Dubbiin Waaqaa durssee isinitti dubbatamuun isaa barbaachisa'a, isin ufitti hin fudhannu yoo jettanii fi jireenni bara baraa akka isiniin hin malle mataa keessantti yoo murteessitan garuu kunnoo, nu'u deebinee gara ummata Waaqa dhugaa titti hin amannee ni deemnna.

Hujii Ergamootaa 3:26

Kanaaf Waaqinni Ilma isaa ka erge jalqaba isiniif ture, kana'llee ka raawwate tokkoon tokkoon keessan karaa keessan hamaa irraa deebi'uun, akka isin eebbisuuf.»

Gara Worra Rooma'aa 2:25

Gadoomuun dhugamaan ka si fayyadu seera yoo raawwatte, seera ka diigiddu yoo ta'e garuu gadoomuun kee akka waan hin gadoominii titti ni lakkaayama.

Gara Worra Rooma'aa 3:3

Eegaa, Yihudota keessaa tokko tokko amanamoota ta'anii yoo argamuu dhabaatan, amanamoota ta'uu dhabuun isaanii amanammummaa Waaqaa ni hanbbisaa ree?

1 Gara Worra Qorontoosii 13:3

Waan qabu maraa hiyyeesotaaf yoo qoode, foon kiyya'llee uduu hin hafin ibiddaan akka gubatu dabarssee uduu kennee, jaalala yoo hin qabaatin, womaayyuu ana hin fayyadu.

Gara Worra Galaatiyaa 3:2

Beeku'uuf ka barbaadu kana qofa, haa ta'u malee isin Hafuura Qulqulluu ka fudhattan seera raawwachu'uun moo? Yookiin dubbii gammachu'uu dhageettanii amanu'uun?

Gara Worra Galaatiyaa 3:8

Waaqinni ummata Waaqa dhuga'aa titti hin amanne amanti'iin akka isaan qulqullaayomssu kitaabnni Qulqulluun durssee argee, «Ummatoonni marrinuu si'iin ni eebbifaman» jechu'uun durissee, Abrahaamiti odduu gammachu'uu himee jira.

Gara Worra Galaatiyaa 4:13

Yeroo jalqabaatiif dubbii gammachu'uu isinii lallabu'uuf carraa ka argadhe, dhibee irra yeroo turetti ta'uu isaa ni beekittan.

1 Gara Worra Tasaloonqee 1:5

Wongeela keenna ka isinitti himnne jecha qofaan uduu hin ta'in huminnaa fi Hafuura Qulqullu'uun, waayee wangeelaatiif'llee dhugaaleyyii ta'uun, isin woliin yeroo turretti'llee, isiniif jecha attamitti akka jiraanne ni beekittan.

1 Gara Worra Tasaloonqee 2:13

Akkuma kana waayee keessaniif uduu addaan hin kutin sababaa Waaqa ittiin galateeffannu ni qabnna, kun'llee dubbii Waaqaa ka nurraa dhageettan yeroo fudhattanitti, isin amanttoota keessatti ka hojjatu dubbii kana ka fudhattan akka dubbii namaa titti uduu hin ta'in, akka dubbii Waaqaa taasfttaniiti. Dhugamattuu ammoo dubbii Waaqaati.

1 Gara Ximotewoosii 4:8

Barsiisa jabeenna qaamaatiin ufi shaakalsiisuun faayiddaan isaa muraasa, Waaqa waaqeffachuu ufi shaakalsiisuun garuu jireenna amaatiif fi ka dhufuuf'llee abddii waan qabuuf, waan maraafuu ni fayyada.

Gara Ibirootaa 11:6

Amantii malee Waaqa gammachiisuun hin dandda'amu, gara Waaqaa naminni dhiyaatu Waaqinni jiraachuu isaa namoota isa barbaadaniif'llee kennaa ka kennu, ta'uu isaa amanuu qaba.

Gara Ibirootaa 3:12

Yaa obboleeyyan, isin keessaa waan Waaqa jiraataa irraa waan isin fageessu hama'aa fi onnee hin amanne akka hin qabaanneef, ufi eeggadhaa.

Gara Ibirootaa 4:6

Isaan sunniin worri Oduu mishaa jalqaba dhagayan ajajama dhabuu isaaniitiin, gara bakka boqanna'aa ka Waaqinni isaanii kennu'uuf jiruu titti hin galle, ta'u'llee garasitti akka galaniif worri isaaniif eeyyame tokko tokko ni turan.

Ergaa Yaaqoob 1:21

Kanaaf battumma'aa fi baayi'inna hammeennaa maraa dhabamisiifttanii, Waaqinni onnee teessan keessatti ka dhaabee fi dubbii lubbuu teessan fayyisu'uuf danda'u mataa gad qabataan fudhadhaa.

1 Ergaa Phexiros 1:12

nabiyyoonni kunniin'llee ni tajaajilan ka turan isin malee mataa isaanii akka hin turin isaaniif ibisamee jira, ka isin tajaajilan'llee sami'ii ka ergame karaa Hafuura Qulqullu'uutii ka amma namoonni wongeela isinitti himan dubbatan ibisu'uun ture, waan kana maleyikkoonn'llee argu'uuf ni hawwan ture.