Gara Ibirootaa 1:2 - Waadaa Haarawa

² amma garuu baroota maa'ii kanniintti waan maraa dhaaltota ka isa taasise karaa Ilma isaatiin nutti ni dubbate, biyya lafaa mara'llee ka uume isaan.

WAADAA LAMMATAA

² Amma ammoo bara maayi'ii kanatti Ilma ufiitiin nutti dubbateera, Ilmi isaa kun ka inni akka waa maraa dhaalu godhee muudee fi ka inni ittiin adunyaa uume.

Kitaaba Woyyuu

² bara dhumaa kanatti ammo karaa ilma ufii ka waa maraa harka isaa jala galchee fi ka adunyaa ittiin uumeen nutti dubbate.

Gara Ibirootaa 1:2 ပူးပေါင်းရင်းမြစ်များ

Wongeela Maatewos 13:39

Ingirdaada ka facaase sheexana diina ta'e, callaan muummee biyya lafaati, haamittonni maleyikkoota,

Wongeela Maatewos 17:5

Uduma Phexiros kana dubbata'aa jiru duumessi ifaan isaan ni dayeesse, duumessa keessaa'llee, «Ilmi kiyya ka ani jaaladhuu fi itti gammadu'llee kana, isa dhagayaa!» qooniqqi jedhu, ni dhufe.

Wongeela Maatewos 21:38

Qotee bulttoonni garuu ilma isaa yeroo arganitti, ‹kun ammoo dhaalaa isaati, kootaa isa ajjeefinneeti, qabiyyee isaa nu'u haa dhaalluunii!› woliin ni jedhan.

Wongeela Maatewos 26:63

Yesus garuu ni caldhise. Itti gaafatamaan qeesotaa'llee irra deebi'ee Yesusiin, «Maqaa Waaqaa jiraata'aatiin si qabee jira! Ati Ilma Waaqaa Masihicha akka taate nutti himi!» jedheen.

Wongeela Maatewos 28:18

Yesus'llee gara isaanii dhiyaateeti akkana isaaniin jedhe, «Aangoon marrinuu sami'ii fi arddi'itti'llee naaf kennamee jira,

Wongeela Maatewos 3:17

Yeroma sanitti, «Kunoo, ka ani itti gammadu fi jaaladhu, Ilmi kiyya kana» qooniqqi jedhu, sami'ii ni dhufe.

Wongeela Maarqoos 1:1

Kun jalqaba wongeela Yesus Kristos Ilma Waaqaa

Wongeela Maarqoos 12:6

Amma raawwachuun ka isa hafe, ilma isaa ka jaalatu erguu qofa ture. Kanaaf, ‹Ilma kiyya ni kabajaniin ta'a› jedhee yaadu'uun, muummee irratti ilma isaa tokko ni erge.

Wongeela Maarqoos 12:7

Garuu qotee bulttoonni ufii isaaniitii woliin, ‹kun ammoo dhaalaa isaati! Kootaa haa ajjeefinnuuiin! Qabiyyeen isaa'llee nu'uuf ni ta'a› woliin ni jedhan.

Wongeela Yohaannis 1:10

Inni'llee biyya lafaa keessa ni ture, biyyi lafaa'llee ka uumame isaan, biyyi lafaa garuu isa hin beekinneen.

Wongeela Yohaannis 1:14

Dubbiin'llee foon ni ta'e, kennaa bilisaatii fi dhuga'aan'llee guuttamee jidduu keenna ni jiraate, Ilmi Abbaa isaa tokkochi ulfinna inni Abbaa isaa biraa qabu ka fakkaatu, arginee jirra.

Wongeela Yohaannis 1:3

Wonitti marrinuu isaan ni uumame, waan uumame maraa keessaa'llee, wonitti tokko'llee isaa malee ka uumame hin jiru.

Wongeela Yohaannis 13:3

Waaqinni Abbaan aangoo mara akka isaa kennee fi Waaqa biraa bayee akka dhufe, gara Waaqaa'llee akka deemu Yesus ni beeka ture.

Wongeela Yohaannis 13:32

Waaqinni karaa isaatiin eega kabajame, Waaqinni'llee isa ni kabajaan, uduu hin turin'llee ni kabajaan.

Wongeela Yohaannis 15:15

Tajaajilaan waan gooftaan isaa raawwatu waan hin beekinneef, ammaa achitti tajaajilttoota isiniin hin jedhu, garuu waan Abbaa kiyya irraa dhagaye maraa isinii waan ibiseef, waaheloota kiyya isiniin jedhee jira,

Wongeela Yohaannis 16:15

Wonitti ka Waaqa Abba'aa ta'e marrinuu kiyya, ‹kiyya ka ta'e irraa fudhatee isinitti ni hima› ka isiniin jedhe kanaaf.»

Wongeela Yohaannis 17:2

ka kabajitu'llee worra isaa kennite maraaf jireenna bara baraa akka kennuuf, namoota mara irratti aangoo waan isaa kenniteef.

Wongeela Yohaannis 3:16

Ka isatti amanu marrinuu jireenna bara baraa akka qabaatuuf malee akka hin badinne Waaqinni biyya lafaa haalaan waan jaalateef, Ilma isaa tokko ni kenne.

Wongeela Yohaannis 3:25

Yeroo sanitti barattoota Yohaannisiitii fi Yihudotaa jidduu waayee seera qulqullaayu'uu irratti mormmiin ni ka'e.

Wongeela Yohaannis 5:26

Waaqinni Abbaan mataan isaatuu burqqaa jireennaa akka ta'u isa taasisee jira.

Wongeela Yohaannis 5:27

Ilma Namaa ta'uu isaatiin'llee, murtii akka muritteessuuf aangoo kenneefii jira.

Wongeela Yohaannis 9:29

Waaqinni Musee akka haasofssiseen ni beekinna, naminni kun garuu eessaa akka ta'e, hin beekinnu.»

Hujii Ergamootaa 10:36

Waaqinni ummata Israa'eeliitiif dubbii isaa erguun isaa ka beekkame, Gooftaa maraa karaa Yesus Kristositiin, nagaya lallaba'aa, ka dhufeef'llee isaaniif.

Hujii Ergamootaa 2:17

Waaqinni guyyaa muummee titti akkana ni ta'a jedha, hafuura kiyya nama maraa irratti ni jissa. Ijoolleen kiyya ta dhiiraatiif ta durbbaa'llee raagaa ni dubbatan, gayeeyyiin keessan'llee, mulidhata ni argan, Jaarsotiin'llee ebjju'uun ni eebjotan.

Gara Worra Rooma'aa 1:4

akkuma kana Gooftaan keenna Yesus Kristos hafuura qulqullummaa isaatiin du'aa ka'uu isaatiin Ilma Waaqaa ta'uun isaa, huminna ol aana'aan ni beekame.

Gara Worra Rooma'aa 8:17

Eega Ijoollee Waaqaa taane dhaalttota isaati, Kristosiin woliin'llee ni dhaalla, amma qoodamtoota rakkinna Kristosii yoo taane, maai'ii ammoo qoodamtoota ulfinna isaa ni taana.

1 Gara Worra Qorontoosii 2:7

Nu'u ka dubbannu garuu Waaqinni durssee barootaan duranatti, ulfinna keennaaf ka qopheessee fi dhokatee'llee ka ture, dhokissaa ogummaa Waaqaati.

1 Gara Worra Qorontoosii 8:6

Waaqinni keenna garuu uumaa waan maraatii fi nu'llee ka isaa worri taane Waaqa Abbaa tokko qofa, akkuma kana wonitti marrinuu ka isaan uumamee fi nu'llee ka isaan jiraannu, Gooftaan tokkochi Yesus Kristosiin qofa.

Gara Worra Galaatiyaa 4:4

Garuu barri murttaaye yeroo gayetti Waaqinni Ilma isaa nuuf ni erge, Inni dubarttii irraa ni dhalate, seeraaf'llee ajajamaa ni ta'e.

Gara Worra Efesoonii 1:10

Yeroon yoo gayu karoorri Waaqinni hujii irra oolichu, uumamittoonni sami'ii fi arddii irra jiran marri, bakka tokkotti wolitti qabamanii aangoo Kristosii tokkoo jala akka ta'aniif.

Gara Worra Efesoonii 3:9

Akkuma kana baroota dabrranitti maraayyuu ka uume Waaqaan dhokatee dhossaa tureef, kaayyoon Waaqaa maal akka ta'e maraafuu akka ibisuuf, kennaan bilisaa naaf ni kenname.

Gara Ibirootaa 1:5

Waaqinni gonkumaa maleyikkoota jiddu'uu, «Ati Ilma kiyya, adha si uumadhee jira», yookiin, «Ani Abbaa isaaf ni ta'a, inni'llee ilma kiyya ni ta'a» ka jedhe, eennuun?

Gara Ibirootaa 1:8

Waayee Ilma isaa garuu, Yaa Waaqa! teessoon kee bara baraa haga baraa titti ni jiraata, Mootummaa kee'llee qajeelatti ni bulchita,

Gara Ibirootaa 11:3

Biyyi lafaa dubbii Waaqaatiin akka uumame ka hubannu amanti'iin. Kanaaf wonitti mulidhatu marrinuu ka hin mulidhannee irraa akka hojjatame ni beekinna.

Gara Ibirootaa 2:3

Eegaa nu'u fayyinna ol aanaa kana shilla ka jennu yoo taane attamitti jalaa baana ree? Fayyinna kana'llee jalqaba ka dubbate Gooftaa mataa isaati, isa irraa namoonni dhagayan'llee, kanuma nuuf mirkaneessanii jiran.

Gara Ibirootaa 3:6

Kristos garuu Mana Waaqaa titti amanamaa ka ta'e akka ilmaa isaa ta'eeti, manni'llee nu'u, mana isaa ka taanu'llee waan itti amannuu fi ittiin ufi dhaadinu abddii keenna jabeessinee yoo qabanne.

Gara Ibirootaa 4:14

Eegaa samiiwwan bira dabrree gara olii gara sami'ii ka baye itti gaafatamaa qeesotaa ol aanaan waan qabnnuuf, amantii keenna jabeessinee haa qabannuu, itti gaafatamaan qeesotaa'llee Ilma Waaqaa Yesus.

Gara Ibirootaa 5:8

Ilma Waaqaa yoma ta'e'llee rakkinna fudhateen, ajajamuu ni barate.

Gara Ibirootaa 7:28

Seerri itti gaafatamoota taasisee ka isaan muudu namoota dadhabiddoota, seeraan duubatti ka dhufe dubbiin kaku'uu garuu bara baraaf muda maleessa ka ta'e, Ilma Waaqaa muudee jira.

Gara Ibirootaa 7:3

Malkeeseedeqi kitaaba keessatti abbaa beekkamee fi haadha yookiin gaalee dhalootaa hin qabu, baraaf jalqaba, jireenna isaatiif'llee muummee hin qabu, Malkeeseedeqiin kun'llee akka fakkeenna Ilma Waaqaa ta'uu isaatiin, bara baraan qeesii ta'ee ni jiraata.

Gara Ibirootaa 9:26

Akkana ta'ee uduu jiraatee garuu, biyyi lafaa yeroo uumamee irraa jalaqabee yeroo baayi'ee rakkinna fudhachuu isa ni barbaachisa ture, amma garuu muummee barootaa titti cubbuu dhabamissiisu'uuf mataa isaa kitimaa taasisu'uun, yeroo tokko haala irra deebi'iinsa hin qabnneen muldhatee jira.

1 Ergaa Phexiros 1:20

Inni ka beekkame biyyi lafaa uduu hin uumaminniin duranatti yoo ta'u, amma bara muumme'ee titti waayee keessaniif mulidhatee jira.

2 Ergaa Phexiros 3:3

Maraan duranatti kana hubadhaa, guyyoota muumme'ee titti ka balddanii fi hawwii isaanii hamaa worri horddofan baldditoonni ni dhufan,

Ergaa Yihudaa 1:18

Isaan, «Bara muumme'ee titti fedhii Waaqaa irraa ka fagaatan, fedhii hamaa mataa isaanii ka horddofan baldditoonni ni dhufan» isaaniin jedhanii turan.