Ergaa Yaaqoob 4:12 - Waadaa Haarawa

¹² Seera ka kennuu fi ka murtteessu Waaqa tokko qofa, fayyisu'uu fi balleessu'uuf'llee ka danda'u isa qofa, eegaa, nama irratti ka murtteessitu ati eennu ree?

WAADAA LAMMATAA

¹² Ka seera kennuuf ka murteessu tokko. Innillee ka fayyisu'uuf ka balleessuu danda'u. Ati eennu ka nama biraatitti murteesitu?

Kitaaba Woyyuu

¹² Ka seera kennuu fi ka murteessu tokko. Innillee ka fayyisu'uuf ka balleessuu danda'u. Ati eennu ka nama biraatitti murteessitu?

Ergaa Yaaqoob 4:12 ပူးပေါင်းရင်းမြစ်များ

Wongeela Maatewos 10:28

Foon ajjeesuu irra dabrranii lubbuu ajeesu'uuf ka hin dandeenne namoota hin sodaatinaa, kana irra lubbu'uu fi foon'llee ibidda asaabaa titti balleessu'uuf ka danda'u, Waaqa sodaadhaa.

Wongeela Luqaas 12:5

Garuu eennuun sodaachuun akka malu isinitti ni hima, kun'llee eega ajjeeseen duubatti gara ibidda asaabaa titti gatu'uuf aangoo ka qabu Waaqa, ee, isuma qofa sodaadhaa isiniin jedha!

Gara Worra Rooma'aa 14:13

Kanaaf tokkoon keenna tokko irratti hin murtteessin, garuu naminni kami'llee karaa obboleessaa isaa irra gufannaa yookiin gufuu kaayuu dhabu'uuf, ufi haa eeggatu.

Gara Worra Rooma'aa 14:4

Eegaa, nama bira'aa tajaajilaa irratti ka murtteessitu, ati eennu? Inni yoo dhaabate yookiin yoo kufe'llee, dhimma Goofta'aati. Gonkumaa Waaqinni isa dhaabu'uuniif waan danda'uuf, jabaatee ni dhaabata.

Gara Worra Rooma'aa 2:1

Nama bira'aa irratti ka murtteessitu ati mataa keetii waan itti sababattu ka hin qabddu, nama bira'aa irratti yoo murtteessitu, mataa kee irratti ni murtteessita, ati nama bira'aa irratti murtteessa'aa, waan naminni itti murtteessite sun raawwatu ni raawwatta.

Gara Worra Rooma'aa 9:20

Ati yaa nama! Waaqaan woliin wol mormmu'uuf mirga maal qabdda? Meeshaan faaraa hojjataa isaatiin, «Maali'iif akkana taasfittee ana hojjatte?» jechu'uuniif, ni danda'aa ree?

Gara Ibirootaa 7:25

Kanaaf isaaniif kadhachu'uun bara baraaf jiraataa ta'ee waan jiraatuuf karaa isaatiin gara Waaqaa worra dhufan maraa, muda maleessumma'aan isaan fayyisu'uuf ni danda'a.

Ergaa Yaaqoob 5:9

Yaa obboleeyyan! Isin irratti'llee akka hin murtteeffamnneef ufii keessan wolitti hin wocinaa, kunoo murtteessan yeroon itti dhufu gayee jira.